|
حافى القدميين
هو الموضوع كومدى شوية بس هو بالنسبالى مشكلة كبيرة والله يا جماعة .
أنا مبعرفش أسوق غير وأنا حافى والموضوع خلاص بقى نهائى حاولت أكثر من مرة أسوق وأنالابس حاجة فى رجلى مش عارف خالص مبحسش بالدوسات تحت رجلى الله يسامحوا بقى صاحب عمرى وشريكى هو اللى علمنى السواقة وأنا حافى كان دايما يقولى رجلك تقيلة أوى أخلع الجزمة علشان تحس أكثر بالدواسة والنتيجة 7 سنين من السواقة ( حافى القدميين ) |
رد: حافى القدميين
ههههههههههههههههههههههههه ههههههههههههههههههههههههه والله ضحكتى يا باشا وانا جاى تعبان من الشغل
|
رد: حافى القدميين
هههههه بتحصل على فكره انا اعرف ناس كتير كده
|
رد: حافى القدميين
هههههههههه, عادى ياباشا ولا يهمك, أنا بقى لما بتعود على كوتشى أو حذاء معين يعتبر شبه مستحيل أنى أسوق بحاجة غيره, وكنت هعمل حادثة بسبب أنى لبست جزمة محترمة بدل الكوتشى الزبالة العادى بتاعى:), وفى الاخر أضطريت أركن على جنب وأقلع الجزمة وأسوق حافى بعد دوسات متكررة على الدواسة الغلط!!!.
|
رد: حافى القدميين
هههههههه مش انت لوحدك !!!!!!!!!!!!!!!!
|
رد: حافى القدميين
ههههههههههههه
على فكرة السواقة حافى دى احلى سواقة خصوصا لو مسافر بس لازم تتعود تسوق بالجزمة علشان لو ركب معاك ناس هى هتبقى صعبة عليك فى الاول بس سنة بسنة هتتعود |
رد: حافى القدميين
يا باشا ولا يهمك هتتعود بس واحدة واحدة
انا كنت زيك فترة كبيرة برضو لان سواقتى وانا صغير كانت من البيت لحوالين البيت وبس وطبعا كانت غالباً بالشبب اللى كنت غالباً برضو بقلعة فى العربيه واسوق حافى وفعلاً احساسك بالدواسات بيبقى قوى جداً بس مش معنى كده انك مش هتحس بيها وانت لابس هو بس موضوع تعود ومن غير ما تحس هتلاقى مخك ادرك الفرق انت بس المهم مرن نفسك شوية كتير على السواقة وانت لابس حاجة فى رجليك على فكره انا لحد دلوقتى وبيتهئلى اكتر الناس مبستريحش فى السواقة الا فى جزم او كوتشيهات معينة وعلى العكس فى جزم وكوتشيهات عندى بتدايقنى فى السواقة جداً فده طبيعى خالص متدايقش نفسك وخد نفس عميييييييييييق والبس كوتشى خفيف وانزل لفلك ساعتين تلاتة هتلاقى نفسك زى الفل :) |
| الساعة الآن 07:00 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017