مصر موتورز مجتمع السيارات

صفحة 1 من 2

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - سير عكس الاتجاه (https://www.masrmotors.com/vb/showthread.php?t=37217)

aimanmohamed82

17-10-2010 10:59 PM

سير عكس الاتجاه

النهارده كنت فى شارع السودان عند المحكمة فى شارع جانبى فيه مستشفى امبابة العام المهم بلف بالعربية و فجاة لقيت ملازم اول رخيم بيقولى الرخص قولت ليه قالى انت بتلف عكس الاتجاه . قولتليه مافيش يافطة بتقول كده راح قايل هو كده المهم قولتيله طيب ممكن ادفع غرامة فورية قالى لا بكره تروح القسم و هيتعمل محضر و بعد كده تروح النيابة تعمل تصالح و بعدين تبقى تستلم الرخصة . المهم ياجماعة انه مش عايز يدينى ايصال بالرخص السؤال ليه ميعملوش غرامة فورية . الواحد زيهق من البلد ديه ياجماعة

hazem_khidr

18-10-2010 01:26 AM

رد: سير عكس الاتجاه

قدر الله و ما شاء فعل
انا بصراحه مستغرب لكلام الضابط يعني ايه ما فيش وصل
طب ايه اللي يثبت ان الرخص اخدها منك؟؟؟
مش المفروض انك تمشي من قدامه الا لما يكون معاك ما يثبت ان الرخص معاه.
عموما خد بعضك للقسم بكره و شوف الوضع ايه و روح النيابه و يحصل تصالح ان شاء الله

amrmohamed1975

18-10-2010 02:07 AM

رد: سير عكس الاتجاه

انت متأكد ان ده الي حصل بس (what)
انا اسف على السؤال بس الي انا اعرفه انه يمكن التصالح الفوري فى مخالفة عكس الاتجاه فى حالة سداد مبلغ 1200 جم و ده طبعا اي ظابط يتمني انه يتم و غريبة جدا انه يأخد الرخص منك بدون وصل الا اذا كان ضابط فى قسم الشرطة التابع له مكان المخالفة عشان كده طلب منك تروح القسم الاول عشان يعمل المحضر الازم انما لو ضابط مرور اكيد كان عرض عليك التصالح الفوري و لو ممعاكش فلوس كان سحب الرخص و اعطاك ايصال سحب و الله اعلم

lol64

18-10-2010 02:51 AM

رد: سير عكس الاتجاه

انا عند مستشفى كليوباترا فى مصر الجديده كنت هادخل شارع لقيته اتجاه واحد ومن على اول الشارع رحت عادل اتجاهى يعنى مدخلتش الشارع بوشى ولا عطلت المرور وملازم برضه عايز الرخص رحت قافل الازاز فى وشه وعادل نفسى وماشى ومعبرتش اللى جابوه وربنا يسهل نبقى نشيل المخلفه او نخفضها بجد بلد مرورها يقرف لانه ماقيش يافطه بتقول ان ده اتجاه واحد
ياجماعه الحكومه بتعاقب الشعب لانه بيركب عربيات

aimanmohamed82

18-10-2010 03:31 PM

رد: سير عكس الاتجاه

ياجماعة اتضح ان بتوع المرور متعبين و ان الضابط مطالب بانة يخلص الدفتر اللى معاه و علشان كده هو بياخد رخص و خلاص و على فكره المخالفة طلعت 1050 جنية

Jack Box

18-10-2010 04:00 PM

رد: سير عكس الاتجاه

انا حصل معايا دروب اسخن من ده كنت خارج في يوم من الشغل الفجر والوقت ده بيعدي فيه موكب وزير الداخليه عشان بيروح يصلي الفجر في جامع ما المهم بقالي سنتين شغال في المكان واول مره قولت اجرب امشي عكس عشان اختصر ملف هوب اقفش امسك هاته لاقيت مسدسات سوق السلاح كله اترفع عليا ههههههههههههههههه واعدت اتحايل علي الظابط ابدا واخدت الرخص ومنغير وصل برضه وروحت رايح مرور العجوزه والحمد لله لاقيتها غرامه دوران في الممنوع ب 75 جنيه ورخصه لاتجوز 100 جنيه عشان اانا بسوق البايك برخصه العربيه

mido_4up

18-10-2010 07:40 PM

رد: سير عكس الاتجاه

انت متاكد انه ضابط مرور دا شكله ضابط امن عام يا باشا و بيعيش نفسه الحظه

الساعة الآن 07:44 AM.

صفحة 1 من 2

عرض 7 مشاركات من هذا الموضوع لكل صفحة