مثبت سرعة للتيجو
 

السلام عليكم:
معايا تيجو 2000سي سي اوتوماتيك وعاوز اركب فيها مثبت سرعة
هل حد من الأخوة الفاضل يقدر يفيدني في الموضوع ده؟؟؟
أكون شاكر جدا

م.ياسر

رد: مثبت سرعة للتيجو
 

اولا لازم الماتور عندك يكون (فٌل انجيكشن) تانى ( فٌل انجيكشن )
و اعتقد لازم تركبة فى التوكيل عشان بعد ما بيتركب لازم يتعملة ( اكتف) يعنى لازم يبرمجهولك على كل العربية و دة محتاج البرنامج بتاع العربية و بياخد حوالى ربع ساعة شغل و احذر تركبة برة التوكيل الا اذا جبت الاصلى و اللى هيركبهولك يكون عندة برنامج العربية عشان لو غيركدة هيضرلك الكمبيوتر بتاع العربية كلة و خلى بالك ان فى منة انواع فى نوع مكون من جهازين بيكون جزء عند الماتور و جزء فى الداخل عند الدواسات لكن النوع دة قديم جدا و نوع تانى بيكون مكون من جهاز واحد بيتركب عند الماتور و دة مش لكل العربيات لكن الاحسن ركبة فى التوكيل عشان بيكون مجرد تركيب زرار او تغير دراع فقط و لة مكانة فى العربية و محافظ على شكل التابلوة

رد: مثبت سرعة للتيجو
 

يا ترى الكلام ده عن تجربة مع التيجو و لا مع نوع آخر من السيارات ؟

لإن مسمعتش عن حد ركب مثبت سرعة للتيجو حتى الآن و كمان مسمعتش إن التوكيل عنده جهاز مثبت السرعة و لا حتى حساس الركن و لا أى نوع من الكماليات الغير موجودة فى العربية أصلا

رد: مثبت سرعة للتيجو
 

اى عربية full injection تقدر تركب لها مثبت سرعة و حتى كمان لو كان فيها TURBO لكن اهم حاجة البرنامج اللى هيخلى كمبيوتر العربية يقرا الهارد وير الجديد و حتى لو العربية اصلا ملهاش لكن ما دامت full injection ينفع و فى اكتر من نوع يركبوا عليها

رد: مثبت سرعة للتيجو
 

اما حساس الركن دة مش مشكلة تقدر تركبة على اى عربية حتى لو كانت من ايام الفراعنة

رد: مثبت سرعة للتيجو
 

السلام عليكم:
أولا: شكرا على ردك
ثانيا: لو كان التوكيل بيركب المثبت ماكنتش سألت ولا دوخت عليه زي دلوقتي
ياصديقي لما سألتهم قالوا مش بنركب حاجة زي دي ولو ركبته برة هتطلع من الضمان.....يعني لا بيرحم ولا يسيب رحمة ربنا تنزل
في شركة بتركبه بضمان سنة عبارة عن جزء في الموتور وزراير بتركب بحزام حول الطارة وبتتصل بجزء الموتور عن طريق البلوتووث
لكن انا مش ضامن كفائته ولا انه يطلعني من الضمان
وكنت سمعت من زميل في منتدى آخر ان التيجو نازلة مجهزة بالمثبت وان مش ناقص الا الدراع بس يركب شمال الطارة وتحديدا تحت دراع الإشارات!!!
لكن التوكيل ميعرفش حاجة عن الكلام ده وانا بصراحة في مصر مش بطمئن بسهولة لأي كلام اسمعه

ياريت اللي عنده تجربة حقيقية يفيدني بس مش مجرد سماع

م.ياسر

رد: مثبت سرعة للتيجو
 

بالظبط زى ما انت سمعت كدة الدراع بس يركب شمال الطارة وتحديدا تحت دراع الإشارات
دة بيتشال و بيتحط واحد تانى زية بالظبط كل اللى بيزيد علية زرار عند طرف الدراع و مكتوب علية SET و علية رسمتين موجب و سالب و زرار التثبيت
و عشان يركبة بيفك الدريكسيون و الايرباج و الدراع دة بيكون معاة كابل شكلة عامل زى كابل ال HDMI بيوصلة على الفيشة اللى كان راكب عليها الدراع القديم و بعد كدة بيجيب اللاب توب و يوصلة بكمبيوتر العربية و يعملة ACTIV و خلاص على كدة لكن لو معندوش دى تبقى حاجة تانية
و انا مش بقولك كدة عن سماع انا بقولك من واقع شغلى و اتمنى لك التوفيق