محتاج ميكانيكي ممتاز لجولف2
 

السلام عليكم
انا معايا عربية جولف2 ، موديل 1992
عندي مشكلة في السحب، والموتور بيرشح زيت
ولما اجي ابطل العربية بيبقى فيها تخبيط كانها لسه شغاله
وبصراحة انا خبرتي في الميكانيكا ضئيله و مشعاوز اروح لحد يدوخني ويشتغلني
ارجو المساعده في معرفة ميكانيكي ممتاز

رد: محتاج ميكانيكي ممتاز لجولف2
 

فيه ميكانيكي فاهم وحافظ الجولف 2 بجد اسمه سيد عبده امام سنترال مصر الجديدة بجسر السويس

رد: محتاج ميكانيكي ممتاز لجولف2
 

والله لو سيادتك عندك استعداد تيجى المنصورة و تنورها , ممكن أدلك على ميكانيكى مابيشتغلش الا فى الفولكس و السكودا , هو اسمه ( مكاوى ) اللى عند موقف التلاجة .

رد: محتاج ميكانيكي ممتاز لجولف2
 

اولا شكرا على الاهتمام والرد

رد: محتاج ميكانيكي ممتاز لجولف2
 

بالنسبه لسيد عبده لو احتجت لقطع غيار هلاقيها قريب منه و اللا
هكون مضطر للذهاب للحرفيين
و ايه افضل الاوقات اللي اروح له فيها

رد: محتاج ميكانيكي ممتاز لجولف2
 

سيد عبده ممتاز جدا بس هو احسن فى البيتلز.
أبن اخته وليد هاوزر قبله بشارعين و هو من احسن من تعاملت معهم فى الجولف 2 لاننى كنت أتاجر في الجولف 2 و عارف معظم الميكانيكية للجولف ,
كما يوجد بجواره شارع دمشق و به العديد من محلات قطع الغيار كما يستطيع احيانا ان يتصل هو بهم لاحضار قطع غيار (دليفرى) , واذا احتجت اى استشارة أو نصيحة فانا فى خدمتك وده تليفونى 0122168144

رد: محتاج ميكانيكي ممتاز لجولف2
 

السلام عليكم ورحمة الله وبركاته
سيدى الفاضل الجولف ملهاش فى مصر غير مكانين يا اما جسر السويس بس انا معرفش حد هناك بصراحه يا اما تعمل زيى وتطلع على الحرفيين وانا افضل ليك الحرفيين لان هناك بتوع قطع الغيار والميكانيكيه جنب بعض والميكانيكى خده معاكى يجيبلك قطع الغيار من عند بتوع الاستيراد عشان تبقى على مسئوليته
فى هناك فى الحرفيين اتنين مشهورين اوى بتوع جولف
الاولانى ورشة بتاعت اتنين اخوات اسمهم وائل ووليد ودى ارقامهم
وائل جولف : 0187679247
وليد جولف : 0103720962

وفى اتنين كمان مشهورين اوى هناك بس معيش رقممهم واحد اسمه سيد جولف وواحد اسمه احمد رضوان ولو سالت الف مين يدلك
ملحوظه : خطر جدا جدا ان الموتور يرشح زيت ياباشا لازم تروح على طول غالبا هيكون فيه اولسيل (اويل سيل) عايز يتغير لان لاقدر الله ممكن الموتور يقفش بسبب قلة الزيت ومش معقول انتا هتفضل تزود زيت كل مشوار تروحه

اتمنى اكون ساعدتك وتحت امرك فى اى استفسار عن الناس بتوع الجولف هناك