|
في سابقة لم تعد الأولى من نوعها إستمرار لمسلسل الشعب فى خدمة الشرطة
قام المئات من أهالي منطقة المنيب بالجيزة بقطع طريق مصر أسيوط الزراعي، بعد أن صدم أمين شرطة كان يقود دراجته البخارية، صبي، مما أحدث به إصابات بالغة.
وتجمهر الأهالي على الطريق، واندهشوا من تصرف سيارة الأسعاف التي قامت بنقل أمين الشرطة، وتركت المصاب ينزف دون أن تقوم بإسعافه. وتوقفت حركة سير السيارات المتجهة إلى محافظات الصعيد، عبر طريق مصر أسيوط الزراعي، بسبب قطع الأهالي للطريق. وطالب الأهالى المسئولين بضرورة عمل مطبات بالطريق لتجنب مثل تلك الحوادث، مؤكدين أنها ليست المرة الأولى التى تقع فيها مثل هذه الحوادث. يذكر أن في مصر واحد من أعلى معدلات حوادث المرور في العالم بسبب رعونة القيادة وسوء حالة الطرق وتهالك بعض السيارات. ويقتل كل عام في الحوادث المرورية في مصر ألوف الاشخاص ويصاب عشرات الالوف المصدر: مصراوى ANAA7TGANAA7TGANAA7TG |
رد: في سابقة لم تعد الأولى من نوعها إستمرار لمسلسل الشعب فى خدمة الشرطة
السلام عليكم و رحمة الله و بركاته طاب كويس أنهم أخدوا الأمين بتاع الشرطة و سابوا الصبى عشان يمكن حد من الأهالى ينقله المستشفى ولا حاجة , لأن كان ممكن جدا , ياخدوا أمين الشرطة ينقلوه المستشفى و يسجنوا الصبى هو و أبوه و ياخدوا أمه يعدبوها فى القسم أمام جوزها عشان يعترف أن هو اللى كان محرض ابنه يقف فى طريق أمين الشرطة و يكب عليه ميه نار , لكن عناية الرب هى اللى اتدخلت فى آخر لحظة و أنقدت العين الساهرة للوطن ( متمثلة فى شخص أمين الشرطة ) و عجبى !!!!!!!!!!!!! MERCEDES S430 |
رد: في سابقة لم تعد الأولى من نوعها إستمرار لمسلسل الشعب فى خدمة الشرطة
ده يا جماعة يبين مدى اهتمام النظام بالشرطة و افرادها و رعايتهم انما الشعب يغور فى داهية فيه منه كتير!!!!!!!!!! ربنا على الظالم
|
رد: في سابقة لم تعد الأولى من نوعها إستمرار لمسلسل الشعب فى خدمة الشرطة
انهم كجند فرعون لموسى
|
رد: في سابقة لم تعد الأولى من نوعها إستمرار لمسلسل الشعب فى خدمة الشرطة
حسبنا الله ونعم الوكيل
علشان امين شرطة .......... طيب لوكان رتبة عليها القيمة شوية كانو عملوا فى الواد ايه ؟ايه ياترىPOLICEE |
رد: في سابقة لم تعد الأولى من نوعها إستمرار لمسلسل الشعب فى خدمة الشرطة
الواحد اتخنق وقرف من البلد المتخلفة دى والله
|
رد: في سابقة لم تعد الأولى من نوعها إستمرار لمسلسل الشعب فى خدمة الشرطة
السلام عليكم و رحمة الله و بركاته على سيرة أمين الشرطة و أن الشعب فى خدمة الشرطة , النهاردة الجمعة كنت مسافر القاهرة من المنصورة و أنا بعدى مطب كده فى أول طريق أجا لقيت عسكرى مش عارف شرطة ولا جيش , كان لابس بدلة بيج مبهدلة و انا والدتى دايما تفكرنى أن ( من كان عنده فضل ظهر فليعد به على من لا ظهر له ) يعنى من الآخر أوصل اللى ألاقيه فى سكتى !!!!!!! , المهم وقفت عالمطب على شمال الطريق جمب الجزيرة عشان أركب العسكرى ده, ماهى بلد مالهاش قانون بقه و مالهاش صاحب , الراجل لف عشان يركب و بالفعل فتح الباب و ركب جمبى, بس على ماركب, لقيت الأرض انشقت و طلعلى واحد لابس ملكى و أصلع كده و فتح الباب اللى ورا و قاللى , صباح الفل يا سعادة الباشا و كل عام و أنت طيب و قام راكب ورا , أنا استغربت من الكلاحة و التناحة اللى مالهاش زى دى , حاجة تقرف , المهم كانوا هما الاتنين قالينلى أنهم عاوزين يركبوا لحد ميت غمر , يعنى لحد المزلقان . المهم , قلت عادى , ياما لسه هنشوف , و احنا ماشيين و قبل مانصول لميت غمر .......................!! !!!!!!!!!!!! لقيت الراجل الحلو الأمور الأصلع اللى لابس ملكى ده , قاللى, ممكن يا باشا, بعد ادنك , ناخد الراجل ده معانا؟؟؟؟ و قام مشاورلى على واحد برضه لابس ملكى و أصلع و لابس ملكى و ماشى فى الشارع وبالتالى, كماااااااااااااااااان الأخ التالت ده ركب معانا, خلوا بالكم , هما كانوا نازلين فيييييييييييييييين , فى ميت غمر . قبل مانصول للمزلقان ب 500 متر , الراجل العسكرى اللى لابس بدلة بيج مبهدلة , قاللى , ممكن يا باشا تنزلنى هنا , قولتله , ماشى يابا , بالسلامة و بالفعل نزل, و فيه واحد من الاتنين اللى ورا نزل و ركب جمبى. و قبل ماعدى مزلقان ميت غمر , الراجل الأصلع اللى جمبى قاللى: و هو سيادتك يا باشا رايح مصر ( القاهرة ) , قولتله -ودى كانت غلطة عمرى- آه, قاللى : يا باشا, نضايقك لو جينا معاك؟؟؟؟!!!!!, قولتله و انا أتميز من الغيظ , لا أبداااااااااااااااا . طول الطريق, كانوا بيحاولوا يفتحوا معايا كلام, و أنهم زهقانين من البلد و نفسهم يكتوا منها و ان البلد مقرفة و خانقة الناس و الشباب و الناس مش عارفة تعمل حاجة و الخ و أنا عمال أقول , هم......هم..........هم... .....هم . المهم الراجل اللى كان راكب جمبى , زهق منى, مانا مابردش عليه و مديله البطرشة و قال , أما أقضيها موبيلات أحسن و بدأ يتصل تقريبا بأصحابه القدامى و يرزل عليهم و هنا بس , عرفت أنهم أمناء شرطةPOLICEE . قلت فى عقل بالى , آه ياولاد الTEEEEEEEEEEEEET أما أنتوا ياللى تاكلوا مال النبى زهقانين من البلد و عاوزين تسيبوها , أومال احنا نعمل ايه و بعدين جه فى بالى حاجة برضه والدتى قالتهالى , أن بالفعل فيه عناصر من الداخلية و الشرطة و بتندس بين صفوف الشعب و تفتح معاه حوارات و كلام بخصوص الأحوال الداخلية للبلد و تشوفه هيقول ايه , زى نظام المخبرين الخايبين اللى كانوا موجودين أيام جمال عبد الناصر و كده و على فكرن بيبقوا ناس لايمكن أننا نشك أنهم عناصر من وزارة الداخلية . ألا رأيكم ايه , الواحد لما يكون مسافر بالعربية لوحده و العربية فاضية , ممكن يركب ناس فى سكته و لا يخاف لحسن يطلعوا ناس سقيييييييييييييييلة زى دول؟؟؟؟ شكرا و آسف جدا للاطالة . MERCEDES S550 |
| الساعة الآن 11:16 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017