فيرنا ولا نيو اكسنت !!!
 

يا جماعة انا عاوز مساعدة في اختيار العربية ايهما افضل الهيونداي الفيرنا و لا النيو اكسنت موديل 2010 الشكل الكلاسيك مش الاسبور لأني خلاص دخت و فاض بيا ناس تقولي فيرنا احسن و هي هي اكسنت بس فرق العفشة بس العفشة في الاكسنت ثبات و برضوا عشان تقفيل كوري غير عم غبور اللي بيلعب بمزاجه في العربيات و غير انها احدث و موتور و كماليات و فلوسها فيها يعني مش زيادة عن اللازم زي الفيرنا اللي شايف سعرها مبالغ فيه 69000 على ايه و ناس تقول لا فيرنا احسن بس الفيرنا بس خفيفة و ابعادها واضحة و ناس تقولي رينو لوجان بس انا مرعوب من رينو بسبب الميجان و قطع الغيار ياريت حد يساعدني لأني خلاص و ياريت تدوني ارائكم و ذكر السبب للإختيار بس و مشكورين اولا و اخيرا
اخوكم هشامROSE4

رد: فيرنا ولا نيو اكسنت !!!
 

السلام علسكم
بص يا استاذ هشام,اي عربية لها عيوبها ومميزاتا,واكيد كل مالفلوس تزيد العيوب تقل بس طبعاا ده مش في كل العربيات,الاكسنت ما شاء الله جميلة واشيك من الفيرنا من الداخل بس الفيرنا شكلها اروش شكل الاكسنت مبيعجبنيش اذواق,تكنولوجيا المحرك في الاكسنت احدث من الفيرنا طبعا بس مش معنى كده ان الفيرنا محركها وحش
المهم انت مرتاح لايه,انا ممكن اكون ما افدتكش بس احسن حاجة ممكن اقولهالك
مفيش احسن من صلاة الاستخارة

رد: فيرنا ولا نيو اكسنت !!!
 

شكرا يا استاذ عبده بس انا عن نفسي مستريح للفيرنا طبعا عشان تعتبر هي رقم واحد من حيث الانتشار و موتور قوي و ابعاد حلوة و شكل حلو بس الاكسنت فيه ناس بتقول احسن و تكنولوجيا اعلى بس علينا و على صلاة الاستخارة ان شاء الله ..... شكرا
GIFT4U

رد: فيرنا ولا نيو اكسنت !!!
 

والله يا باشا انت بتظلم النيو اكسنت لما بتقرنها مع الفرنا ..النيو اكسنت فى جميع المقارنات تغلبت على الافيو والوجان وانت يا باشا عاوز تقارنها بفرنا صعب جدا ..ورايى ادخل منتدى المقارنات فى مصر موتورز و شوف ان النيو اكسنت بتتقارن مع الاوبترا مش الفرنا .... وشكرا

رد: فيرنا ولا نيو اكسنت !!!
 

و الله مش مقارنة يا اخ ميدو بس هو فرق السما و الارض فعلا بس لو بصيت هتلاقي الاتنين يعتبروا واحد بس دي محدثة و دي نسخة قديمة انا بس عاوز اللي يرشدني للأحسن عشان خلاص دخت و فاض بيا فباقول اسأل الجماعة هنا عشان عندهم خبرة كبيرة في مجال العربيات يعني مثلا مش عاوز عربية تدوخني لا انا مصري و عاوز عربية تريحني هو دة بس و في نفس الوقت تكون واسعة و عائلية تشيل 5 افراد بس و اللي عنده اتقارح تاني ياريت يقولوه بس في حدود 75 الف جنيه بس

رد: فيرنا ولا نيو اكسنت !!!
 

بص يا باشا... انا واحد قريبى لسه شارى عربيه ماتريكس ب 75 بس مستعمله استعمال راقى جدا مفهاش خربوش ودا حظه بقا ...علشان الماتريكس جديده ب 89 الف بالضبط دا لو عاوز تجيب مستعمل و عربيه عائليه... لكن انت لو عاوز جديده هيبقى صعب شويه بالمبلغ دا الا الافيو واللوجان و الفرنا فقط و اعتقد انك لو عاوز عربيه عائليه تشيل 5 افراد و جبت فرنا يبقا هتمشى فى شورارع مصر الجميله والاكصدام اللى وراء بيكحت فى الارض واسال مجرب...يبقى الافيو واللوجان ورأيى اللوجان افضل .... و شكرا

رد: فيرنا ولا نيو اكسنت !!!
 

السلام عليكم اولا
انا ياحبى عندى الرينو وعندى النيو اكسنت وعاوز اقولك ان الرينو جميلة بس متزعلش بقى لما تنزل تجيب قطع غيار نتكلم بقى على النيو اكسنت والفيرنا عاوز اقولك ان الفيرنا مينفعش اصلا تفكر فيها ولا تحطها فى مقارنة مع النيو اكسنت نهاااااائى العربية الفيرنا 128 بس شكل جديد وعليها موتور كبير جدا عليها عاوز حضرتك تيجى معايا وانا بعمل صيانة العربية واخليك تشوف الفيرنا الاصلى الى هناك فيها موتور كام 1100 دة الى فيها الى المفروض تنزل بية مش المهم العربية بتجرى ازاى المهم تعرف توقف العربية وتعرف تناور بيها وقت الخطر لقدر الله زى محصل معايا وانا فى طريق شرم الشيخ طلع قدامى جمل وانا على 160 ورميت يمين فى شمال وكبست بنزين والحمد لله العربية معمتش اصلا بس انا قولت الاحطيات واجب انى اكبس بنزين دة الفرق والموتور بتاع النيو اكسنت لا يقارن اصلا بالفيرنا دة موتور معمول عشان الى عاوز يجرى هادى يجرى والى عاوز رياضى يتفضل يجيب هوة اخرة مش الموتور لائن الموتور بيبدء يحرق عند 4500 يعنى عشان حد يفكر يجرى جمبك حيزعل كتير وكتير زعلت ناس ركبين عربيات مركات جامدة لدرجة ان فى واحد فيهم قالى والله العظيم انا حنزل ابيع عربيتى دى بكرة عشان مكونش شارى عربية ب 275 الف وعربية ب 80 تعمل كدا معايا نيجى بقى للتقفيل العربية متقفلة كلها بالكامل فى كوريا مفيش غير الانزار الى بيتركب فى غبور ودة شىء عادى جدا لو روحت ل صنايعى فى الشارع برة بيركب الانزار يعنى مش هوة دة الى يعتبر لعب فى العربية زى ما فى ناس بتقول وانا اصلا كونت فى نفس الحيرة زيك 8 شهور بين المستعمل والزيرو لحد ملقيت ان العربية دة فى الفئة بتعتها متفوقة عليهم فى المقرنات بكتير جداااااا وبسم الله مشاء الله لو ربنا كرمك وجبت واحدة حتعجبك اخر حاجة واى سؤال انا فى الخدمة 4BY4444546