اية الفرق بين الانجيكشن والكربرتيرا
 

السلام عليكم ورحمة اللة وبركاتة

انا اولا بشكر اعضاء المنتدى على المجهود الرائع المبذول لخدمة الاخرين

ثانيا انا معلوماتى فى الميكانيكا والمواتير اكاد اكون جاهل ولذلك نفسى اعرف اية الفرق بين السيارات الانجيكشن والكربرتيرا

عايز اعرف هى عربيتى انجيكشن ولا كربراتيرا وعامة انا عربيتى شيروكى موديل 1992 4سلندر
وشكرا

رد: اية الفرق بين الانجيكشن والكربرتيرا
 

هو الموضوع صعب للدرجاتى ياريت اللى يعرف ميبخلش

رد: اية الفرق بين الانجيكشن والكربرتيرا
 

بص بقه , أنا هقوللك اللى أنا أعرفه بناء على معلوماتى الضئيييييييييييييييلة جدا فى الميكانيكا .

الكاربيراتير هو جهاز ميكانيكى فى العربية مسئول عن دخول الوقود الى الموتور حسب الحاجة , يعنى هو اللى بيدخل الكمية المطلوبة حسب حاجة العربية و حاجة الموتور و ده بيتم بشكل ميكانيكى بحت بدون كهرباء كعملية تتابعية لما بتدوس على دواسة البنزين و ده غالبا هتلاقيه فى العربيات القديمة و ده عيبه أنه مش دقيق أوى و كمان بيستهلك بنزين أكتر , أما الانشجكشن , فده اختصار لكلمة بالانجليزى هى EFI , Electric Fuel Injection و ده بيعمل نفس عمل الكاربيراتير و بيدخل الوقود الى الموتور برضه حسب الاحتياج بس بيكون الجهاز ده بيعمل بالكهرباء و بالتالى بيكون أدق و بالتالى مابيستهلكش وقود كتير زى الكاربيراتير و ده هتلاقيه فى العربيات الحديثة طبعا لأنه أفضل.

بص بقه , ده اللى أنا أعرفه و لو فيه أى حد من الأخوة الأعضاء الأفاضل عنده تصحيح أو كده , أهلا و سهلا لأنى معلوماتى الميكانيكية ضئييييييييييييييييلة للغاااااااااااااااية .

شكرا و آسف للاطالة .

رد: اية الفرق بين الانجيكشن والكربرتيرا
 

تعرف ببساطة لو فتحت الكبوت بتاع العربية ووجدت فى نص الكابوت حاجة مدورة حديد زى المقلاة بيد. دة هو الكربيراتير. لو مش موجود تبقى عربياتك حقن إلكترونى....

الفرق بين الكربيراتير والحقن الإلكترونى هو الفرق بين الرى بالغمر والرى بالتنقيط. أيوة هو الفرق كدة. فى الكرابيراتير إستهلاك البنزين بيبقى كثير لان الكابيراتير بيضخ بنزين كتير فى الماتور يدون حساب. أما الحقن فهو تنقيط البنزين وحرقة كاملا فى الماتور من خلال رشاشات عاملة زى رأس الدوش كدة. علشان كدة فى عربيات حقن تعمل 13 كيلوا فى التر البنزين الواحد بينما الكربيراتير ممكن يعمل 5 كيلوا فى التر مثلا...

رد: اية الفرق بين الانجيكشن والكربرتيرا
 

انا متشكر جدا جدا على اهتمام حضرتكم بالموضوع وعلى المعلومات الجميلة لان الموضوع دة كان مجننى شوية وبكرر شكرى مرة تانية

رد: اية الفرق بين الانجيكشن والكربرتيرا
 

السلاىم عليكم ورحمة الله وبركاتة
اخى الكريم لى بس بعض الملاحظات فى النوع الاول ( الكربراتير ) فلسفة عمل المحرك هى السحب اى ان البستم فى مشوار السحب هو اللى بيسحب مش هاقول الوقود بقى لالا خليط من البنزين والهواء بنسب محددة كلنا بيسمع عن بك البنزين وبك الهواء فى نسبة محدةة للخلط واى تلاعب فى هذة النسبة بيخل باداء المحرك لو الهوا اكثر مش هتلاقى استجابة من المحرك سريعة والعادم بيكون بارد والعكس لو ان البنزين اكبر استجابة سريعة والعادم اما يكون سخن او حتى ممزوج بدخان اسود نرجع للبست قلنا انة العنصر الفعال فى سحب خليط الوقود من الكربراتير عن طريق صمام السحب ( صباب ) وفى مشوار الضغط عند وصول البستم الى النقطة الميتة العليا دلوقتى دة اكبر نسبة انضغاط داخل غرفة الاحتراق حان وقت الاشعال ويتم عن طريق شرار خارجة من البوجية والشرارة دى مصدرها موزع او الاسبراتير وينتج عنة شوط القدرة وهو دة اللى احنا عاوزينة قدرة اما فى حالة الانجكشن الموضوع مختلف يقوم البستم بسحب الهواء فقط من خلال صمام السحب ؟؟ هل هو صمام واحد ؟ فى الاول كان صمام واحد وبعدين خلوة اتنين صمام للسحب وواحد فقط لطرد العادم زى الاكسنت كنت تلاقى مكتوب على الموتور 12 صمام وبعدين خلوة اتنين للسحب واتنين للطرد العربيات الـ 16 صمام لية عملو اتنين للسحب عشان البستم يسحب كمية اكبر من الهواء كمية اكبر من الهواء= نسبة انضاغط اكبر = قدرة اكبر .......البستم دلوقتى فى النقطة الميتة العليا جاء دور الوقود هو فين يتكلم الرشاش دلوقتى ويقول انا جاهز لضغط كمية من الوقود فى غرفة الاحتراق وبتدخل غرفة الاحتراق مضغوطة جدااااااااااا ودة ناتج من طلمبة ضغط ترددية وليست كهرباء فى حاجة ناقصة اية هى ......فعلا الشرار المتولدة من خلال اسبراتير الكترونى وليس ميكانيكى وبتحكم فيها الكنترول يونت بيقدمها وياخرها على حسب ظبط العربية الناس اللى بتصمم المحركات ما وقفوش عن هذا الحد قلنا ان نسبة هواء اكثر تساوى ضغط اكتر تساوى قدرة اكبر يبقى الحل فى وجود ضغط اكبر للهواء مش معقولة نزود من حجم الاسطوانة ولا طول مشوار البستم انما الحل اننا ندخل هواء مضغوط داخل غرفة الاحتراق فا عملو حاجة اسمها التربو بصراحة انا ايدى وجعتنى من الكتابة لعلى افدتك

رد: اية الفرق بين الانجيكشن والكربرتيرا
 

الاثنين لهم نفس الوظيفة وهي امداد المحرك بالوقود بس الكربريترلايعطي نسبة وقود صحيحة ميةفي المية ممايزيداستهلاك الوقود ولايحترق احتراق كامل ممايؤدي الى تلوث البيئة اماالانجكشن يصحح النسبة بين الهواء والوقودفيقلل الاستهلاك و يعطي احتراق كامل للوقود فيقلل انبعاث غازثاني اكسيدالكربون الضار للبيئة بالنسة للاوزون وكده