سؤال لكل ملاك النيسان صنى ضرورىىىى
 

السلام عليكم
انا لسة شارى صنى 2011 وعامل بيها حوالى 400 كيلو فقط
المشكلة انى باحس بزنة جامدة فى دواسة البنزين و ارض العربية تحت رجلى
ايضا توجد رعشة فى السيارة بتروح و تيجى وبتزيد لو انا على على ال d ال r
هل دة فى كل العربيات؟
ولو حد يعرف السبب يقوللى بسرعة علشان ابقى عارف اقول ايه بالضبط ليهم فى صيانة الالف كم
و لكم جزيل الشكر

رد: سؤال لكل ملاك النيسان صنى ضرورىىىى
 

الوووووووووووووووووو

رد: سؤال لكل ملاك النيسان صنى ضرورىىىى
 

لا طبعا الكلام ده غالبا عيب تقفيل وممكن تروح دلوقت يظبطوه مش لازم صيانة الالف لكن النيسان بسبب موتورها القوى بيركبوله حاجة اسمها اوفر درايف علشان يوفر فى البنزين رغم قدرة الموتور العالية (118 حصان ) وده طبعا بيعلى صوت الموتور شوية وده ميحسش بيه الا اللى كان راكب عربية حديثة قبل كده لكن لو كنت راكب شاهين مثلا او 128 او غيره متحسش بيهالان السيارات دى مواتيرها عالية طبيعى لكن لوكنت راكب هيونداى او لانسر او تويوتا حديثة وركبت نيسان هتحس بالفرق ده
والف مليار مبروك العربية
وانا شخصيا عملت بيها 80 الف كيلو فى سنة وشهرين او تلاتة وماشاء الله عليها
اهنيك فعلا على النيسان بس اتحمل فى الاول التوكيل وبعد 10000 كيلو انسى التوكيل يكون ميكانيزم العربية اتظبط
و.. دى تجربتى الشخصية واللى تتحملنى تبقى فعلا عربية لانى اكتر شخص ممكن يهين العربية
الف مبروك

رد: سؤال لكل ملاك النيسان صنى ضرورىىىى
 

الله يبارك فى حضرتك
بس صوت الموتور مش عالى و لا حاجة خالص
الزنة دى انا بحس بيها فى رجلى مش باسمعها

رد: سؤال لكل ملاك النيسان صنى ضرورىىىى
 

انا بقول لك العيب اللى ممكن تلاحظه لانك اول مرة تركب نيسان ولو واحد من الفلاسفة المصريين ركب معاك هيعقدك منها
لكن العيوب التانية دى عيوب تقفيل بسيطة بمجرد م تروح مركز الخدمة هيعملوهالك على طول

رد: سؤال لكل ملاك النيسان صنى ضرورىىىى
 

ممكن تفهمني بالظبط حكاية الأوفر درايف دي لو سمحت وإيه مفهومه بالظبط أنا معايا نفس العلربية ولاحظت إنه لما بيكون منور في التابلوه مع لمض الفتيس إلي هيا ال D وال R ......
بيكون صوت الماتور أهدى ولما بيطفي بيعلى صوت الماتور وبتسحب سيكة كدة أكتر ياعني فهمني بس لأني ماقبلتوش قبل كدة وهل فعلا زي ماقالولي في التوكيل ماينفعش أمشي عليه كتير او أزود السرعة عن 120 لأني بعد كدة بتبقى محتاجة العربة تاخد الخامس وأهوا بيوقف الغيارات على الرابع بس علشان يدي سحب أعلى للعربية؟(what)ايه ياترى

رد: سؤال لكل ملاك النيسان صنى ضرورىىىى
 

والله انا عربيتى مانيوال مش اتو ماتيك علشان افهم d و r يعنى ايه لان عمرى م سقت اتوماتيك
لكن صوت الموتور مش بيكون عالى الا بعد سرعة 120 او 130 يبتدى يعلى صوت الموتور
واما موضوع الاوفر درايف كمافهمت وقرات انه جهاز صغير على حد علمى المتواضع يحد من استهلاك البنزين رغم ال 118 حصان بتوع الموتور
10 لتر لكل 125 كيلو متر على الطرق السريعة او السواقة المستمرة و ... دى نسبة موجودة فى 90 % من العربيات الحديثة اللى مواتيرها حتى 1600 سى سى رغم قوة مووتور النيسان عنها
و أما حكاية مينفعش تمشى كتير ف واضح انك مكملتش 5000 كيلو بالعربية وطبعا ده معناه ان الميكانيزم لسه بيتظبط بتاعها
لانى انا شخصيا فيا عادة سيئة و هى ان لما بركب العربية مبطلعش منها غير لما أخلص مشوارى مهما كان بعيد
وأذكر انى مرتين سقتها لمدة 12 ساعة متواصلة بلا اى راحة غير تموين البنزين مرة
والمرة التانيه سقت 10 ساعات متواصلة بلا توقف سوى تموين البنزين مرة
لكن ده مش صح لان واحد قال لى / لو انت مش خايف على نفسك خاف على العربية
و...رأيـى الشخصى
اصبر بعد 5000 كيلو واعمل بيها اللى انت عايزه
واصبر بعد 10000 كيلو و انسى التوكيل لانه توكيل مش تمام لعربية تمام التمام