مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - Mp3 Car (https://www.masrmotors.com/vb/showthread.php?t=35612)

اقتباس:

المشاركة الأصلية كتبت بواسطة tham1010 (المشاركة 251107)

يا أخوانى الأعزاء

العربية بتعتى فيها كاست مش CD وطبعا هذا يقيد الحرية لان هناك كتير من الأغانى التى أقوم بتنزلها من النت وأحب أسمعها فى العربية وخاصة فى السفر.

الناس فى المنتدى شاروا على بحل وهو MP3 كار واللى بيتركب على مخرج MP3 فى العربية. فى أثنين فى العربية واحد فى الشنطة والتانى جانب فرامل اليد. أنا عندى كام أستفسار على موضوع MP3 كار

1- أنا عارف ان الراديو لازم يكون على FM علشان يشتغل فهل تتأثر جودة الصوت الخارج من الراديو بوجود الهوائى بالعربية أو فتح أو غلق النوافذ أو المرور فى نفق مثلا. لانى كتير بشيل الهوائى من فوق العربية علشان أحط الغطاء وانسى أرجعه لعددة أيام، وفى الشتاء يتم غلق النوافذ الخاصة بالسيارة بسبب البرد..

الصراحة انا مش فاهم اوى بس انا حاسس ان قصدك بمخارج ال mp3 ان كده لو ركبت فيها اى mp3 عادى حينقل الصوت مباشرة للسماعات و ملهاش دعوة بالراديو
لان موضوع الراديو ده بيبقى ليه حاجة اسمها mp3 موديوليتور و بيركب مكان الولاعة و بيركب فيه ال mp3 او الفلاش ميمورى و ده فعلا بينقل الصوت بموجات راديو الى اذاعة fm بس بتهيألى اكمنه بيبقى قريب جدا من الراديو فموضوع الاريال مش فارق و الانفاق برضه مش حتاثر

2- كيف يتم وضع الأعانى على الميمورى اللتى تدخل فى جهاز MP3 هل تأتى وصلة مع الجهاز بحيث يتم وضع الأغانى على الميمورى بتوصيل الجهاز بالكمبيوتر أم يلزم شراء قطعة تربط بالكمبيوتر لتحميل الأغانى على الميمورى

فى انواع من ال mp3 بتبقى عاملة زى الفلاشة بتركب مباشرة فى ال usb بتاع الكومبيوتر و بتتعامل معاه عادى لان الكومبيوتر بيشوفة كفلاشة
و فى انواع بيبقى جاى معاها سلك usb

أناش شاكر ليكم وأرجو الرد والإفادة ولو حد عندة نصيحة يا ريت يقدمها لى.....

و انا بقالى خمس سنين تقريبا شغال ب mp3 عادى جايبله شريط كاسيت ب 10 جنيه بيركب فى الكاسيت و طالع منه سلك بيركب فى ال mp3 و بينقل الصوت مباشرة للهيد بتاع الكاسيت
و انا لو مكانك اجرب الاول اركب ال mp3 فى المخرج الى حضرتك قولت عليه لان احتمال كبير ان الصوت يطلع مباشرة على السماعات و لا حتحتاج موديوليتر و لا شريط و لا fm ولا اريال

يا أحمد أنا متشكر لك على الرد. الردايو بتاعى مش فيه مخرج USb يعنى لازم أعمل زى حضرتك بس الناس مش قالت لى على حكاية MP3 اللى بيتوصل بالكاست دة. قالوا لى وصل الشريط بالموبيل وأنا لقيته حل غير عملى لان هذا معناه أنى هستهلك بطارية الموبيل اللى أصلا مش بتقعد أكثر من يوم.

حكاية أنى أشترى MP3 وأوصلة بالكاست عن طريق الكاست هى فكرة جيدة ولكن أريد أن أعرف هل جهاز MP3 له بطارية أو حاجة علشان تشغلة. ممكن حضرتك تقول لى بتغير البطارية دى كل قد أية؟ يعنى الحكاية مش بتستهلك فلوس كتير ولا ايه؟ هل بطارية MP3 بتتشحن ولا بتتغير؟ معلش أسألتى ممكن تكون ساذجة أوى ولكنى جديد تماما فى هذا الموضوع.... كذلك كيف يتم وضع الأغانى على جهاز MP3 هل هناك وصله تشترى لتوصيلها بالكمبيوتر كالموبيل؟؟؟؟

تقبلوا تحياتى ومنتظر من الأعضاء الكرام المشاركة بالخبرة

بالمناسبة أنا قصدت MP3 كارة ( MP3 FM modulator) الذى يتم توصيلة بولاعة العربية أو مخرج مكتوب عليها 12 فولت موجود جانب فرامل اليد...كانت عاوز هل يتأثر بوجود الهوائى أو إغلاق النوافذ بما إنها يشتغل على FM

الموديوليتور ياباشا (MP3 العربية) بيشتغل من كهرباء الولاعة, بتشيل حضرتك الولاعة من مكانها وتركب الجهاز مكانها, وبس, طول مالمفتاح فى الكونتاكت الجهاز واصله كهرباء, ولايحتاج لبطارية أطلاقا, ولايؤثر على عمل أى شئ داخل العربية.

حضرتك هتجيب فلاشة عادية زى بتاعت الكمبيوتر, وتوصلها بالكمبيوتر وتحط الأغانى اللى أنت عايزها عليها, وبعدين تاخد الفلاشة وتركبها فى الموديوليتور.

الموديوليتور كل وظيفته أنه يبث الأغانى اللى حضرتك حاططها عليه (أو بمعنى أصح, يبثها من الفلاشة اللى حضرتك حاططها فيه) على تردد معين حضرتك اللى بتختاره من الموديوليتور, وبعدين بتظبط راديو العربية على التردد ده والأغانى بتشتغل عليه.

الموديوليتور فى الغالب صوته نقى جدا, وبيستحمل وسعره من 20 الى 30 جنيه,وبييجى معاه ريموت, بس أوعىتسيب الجهاز فى الشمس علشان ميبوظش.

ده شكل الموديوليتور, الطرف الطويل بتاعه ده بيدخل مكان الولاعة
http://image.made-in-china.com/2f0j0...-ESF202CF-.jpg

ودى صورة تانية يتوضح الموديوليتور وهو راكب ,والمكان اللى بتركب فيه الفلاشة, اللى أنت حطيت عليها الأغانى من الكمبيوتر
http://www.crcompus.com/imagenes/aud...0Modulator.jpg

صور تانية

http://www.money-specialist.com/wp-c...cd_display.jpg
http://www.money-specialist.com/wp-c...ator_setup.jpg

السلام عليكم و رحمه الله
أنا أستفدت كتير من كلامك لان عندى نفس الحكايه بس كان عندى سؤال هو الموديوليتور ده بيقرا أسم الاغنيه اللى شغاله و لا ايه ؟ و (شكرا مقدما)

اقتباس:

المشاركة الأصلية كتبت بواسطة retaliation (المشاركة 251861)

السلام عليكم و رحمه الله
أنا أستفدت كتير من كلامك لان عندى نفس الحكايه بس كان عندى سؤال هو الموديوليتور ده بيقرا أسم الاغنيه اللى شغاله و لا ايه ؟ و (شكرا مقدما)

أيوه ياباشا بيقرأ أسمها, ولو لاحظت الصورة دى هتلاقى الأسم موجود (08mp3) فى نص الشاشة, ولو الأسم طويل بيتحرك جانبيا, حرف يظهر من اليمين وحرف يختفى من الشمال, دلع يعنى:)

http://www.money-specialist.com/wp-c...cd_display.jpg

والعفو مؤخرا:)

متشكر يا إنجيكشن. فعلا كلامك مفيد جدا.. ربنا يبارك فيك