128 81 بكام يا اهل الخبرة
 

(what) بعد اذن أهل الخبرة ممكن حد يديني ثمن العربية بالمواصفات الآتية
عربية 128 موديل 81 فبريكة دواخل ماعدا الحوض رشش نظافة
كاوتش , ريداتير , كراسي جديد عفشة ومساعدين مظبوطة من الاخر العربية على المفتاح والموتور جديد 1300 سيسي أرجو الرد ANAA7TG

رد: 128 81 بكام يا اهل الخبرة
 

اولا مفيش حاجه اسمها في ال 128 ماتور راشش نظافة اسئلني انا في النقطة ديه ديه عشرة 9 شهور كفرت فيهم سيئات اهلي

مادام الحوض مرشوش يبقي العربية ديه واخده خبطه في الجون واستعدل الحوض والعلب ورش يا معلم


العربية ديه ممكن تيجي في 10000 كحد اقصي وانتا وشطارتك

رد: 128 81 بكام يا اهل الخبرة
 

مطلوب فيها 15500 أية رأيكم

رد: 128 81 بكام يا اهل الخبرة
 

كتير عليها و بعدين دى موديل 81

رد: 128 81 بكام يا اهل الخبرة
 

سعر مناسب بببس لوقدرت توصلها مثلا لـ 14 الف تبقي تمام ومية فل وعموما 14 و 15 دي مش فلوس اصلاً وبعدين معظم اللي بيبيع اشتري بالغالي وبالتالى فلن يقبل الا بخساره مناسبة ليه يعني العربية دي من ثلاث سنين انا شاري زيها ب 18 الف لو حبيبت انهارده فلت اقبل باقل من 16 مثلا وعموما البيع والشري نصيب وتوفيق وربنا معاك

رد: 128 81 بكام يا اهل الخبرة
 

غالية فحت يا زعيم ديه بتبقي فبريكة دواخل وفيها نفس المميزات اللي انتا بتقول عليها ديه ويوم ما يضربها الدم مبتعملش 10500 تقولي انتا 15500

غالية جدا

رد: 128 81 بكام يا اهل الخبرة
 

كده العربيه اسمها راشه دواخل
لان حوض العربيه 60 % من الدواخل و ال 40% الباقيين الشنطه و القوايم
كتير عليها المبلغ دا لازم تقل عن كده شويه
السوق كل يوم بحال يا استاذ منتصر
غير ان استعمالك للعربيه له ثمن و فتره وجودها معاك سنتين له ثمن
علاوه علي ان موديل العربيه نزل سنتين كمان عن يوم ما اشترتها
يعني لما العربيات تمنها بينزل مش عربيتك بس ولكن الكل
يعني حتبيع بالرخيص و تشتري بالرخيص
مثلا اللانسر الكريستاله من تلات سنين كانت عامله 60 الف جنيه
النهارده بتتكلم في 50 الف و اقل كمان