مصر موتورز مجتمع السيارات - سؤال بخصوص الكبالن

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - سؤال بخصوص الكبالن (https://www.masrmotors.com/vb/showthread.php?t=35205)

سؤال بخصوص الكبالن

انا كنت عايز اعرف حاجة ,لما كبالن العربية بتبوظ والواحد مايلاقيش قطع غيار بديله , ايه العمل؟
هل الكبالن زيها زى المساعدين
يعنى لما مساعدين عربية بتبوظ ومنلاقيش بديل بندور على مساعدين عربيه تانيه تكون بنفس المواصفات
هل الكبالن نفس الحكاية

رد: سؤال بخصوص الكبالن

الكبالن هى القطعة اللى واصله الفتيس بالعجل ...

وللعجلة اليمين كوبلن والعجلة الشمال كوبلن ...

تمام ؟

ممكن لما الكبالن تبوظ تجيب كبالن عربية تانية بشرط تغيير الماسورتين اللى طالعين منالفتيس واللى بيركب فيهم الكبالن .. و لو لقيت كبالن نفس المقاس يبقى خير وبركة .. بس لازم يتوافق مع العربية ...

انت نوع عربيتك ايه ؟؟؟؟؟

رد: سؤال بخصوص الكبالن

اقتباس:

المشاركة الأصلية كتبت بواسطة حسام البورسعيدى (المشاركة 248625)

شكرا لردك ,, نوع العربية كيا سبكترا وللاسف الكبالن بتقطق فى الملفات
المشكلة انى سألت عليها ولاقيتها غاليه شويه ب550 يبانى
بصراحه انا شايف كتير قوى على عربية كورى قديمة
فعشان كده بسأل

رد: سؤال بخصوص الكبالن

لو منك طالما الاصلى موجود و يبانى كمان يبقى تجيبه طبعا

رد: سؤال بخصوص الكبالن

الاصلى افضل الف مرة من اى تعديل
الدليل ان الاصلى لايزال يعمل حتى الان

رد: سؤال بخصوص الكبالن

لا غبار على الاصلى لكن فى عامل مهم جدا ،،،،،،،،، بكام.... كل الدنيا بتشكر فى الكبالن الصينى بص حسبتها ازاى ،،،،،،،لو الكبالبن الصينى اعدت سنة فاكثر تبقى احسن من الاصلى بكتير على فكرة سعرها الجوز بـ 120 جنية

رد: سؤال بخصوص الكبالن

اقتباس:

المشاركة الأصلية كتبت بواسطة wanderer (المشاركة 248749)

طبعا الأصلي أفضل؛ لأنه هيعيش معاك وهتلاقي فرق السعر اتعوض في عمر القطعة، لكن عموما لو الأصلي غالي عليك ممكن حضرتك تشوف الاستيراد، بتبقى حاجات كويسة وبحالتها وأصلية طبعا، بس مفكوكة من عربية ثانية متقطعة، يعني هتبقى الكبالن الأصلية بتاعت العربية، وربنا يوفقك