مصر موتورز مجتمع السيارات - مشكلة في كيا برايد

مصر موتورز مجتمع السيارات (https://www.masrmotors.com/vb/index.php)

- كهرباء السيارة (https://www.masrmotors.com/vb/forumdisplay.php?f=149)

- - مشكلة في كيا برايد (https://www.masrmotors.com/vb/showthread.php?t=35134)

مشكلة في كيا برايد

برجاء المساعدة عندي العربية بتسيح الفيوز بتاع المروحة مع العلم الفيوز سليم جميع انواع الفيوزات نضيف ومن علي الرصيف غالي ورخيص ياريت حد يقولي ممكن يكون السبب في ايه قرفاني لدرجة اني فكرت اغير دفيرة الكهربة بس حرامادفع فليوس وهية سليمة والمشكلة متتصلحش

رد: مشكلة في كيا برايد

في حاجه ملمسه عندك و عاوزه كهربائي كويس
و شويه صبر لحد ما المشكله تتحل
بس الارجح ممكن تكون علبه الفيوزات فيها حاجه

رد: مشكلة في كيا برايد

اقتباس:

المشاركة الأصلية كتبت بواسطة hazem_khidr (المشاركة 248195)

الله ينور يا حازم باشا, الفيوز بيبوظ فى حالة مرور كهرباء زيادة فيه نتيجة لحصول شورت فى دائرة المروحة, الكهربائى هيتبع سلك المروحة ويشوف هل فيه جزء بيلمس ولا لأ مع أنى أشك بدرجة بسيطة من أن العيب فى المروحة وأنه بيحصل فيها القفلة.

وحضرتك متأكد أن الفيوز مظبوط, يعنى تقديره زى الفيوز القديم(الأصلى)؟

فيه حل مبنصحش بيه بس كهربائية(جمع كهربائى) كتير بيعملوه وهو أنه بيركب فيوز تقديره أكبر من الموجود علشان ميسيحش ويفتح الدائرة وده طبعا غلط مبنصحش بيه خالص.

ربنا يكون فى عون حضرتك وتلاقى الكهربائى أبن الحلال اللى يحللك مشكلتك.

رد: مشكلة في كيا برايد

زي ما حازم باشا قالت سلوك ملمسه و بسيطه ان شاء الله

رد: مشكلة في كيا برايد

شكرا يا جماعة
الفيوز بيطلع سليم البلاستيك بتاعه هوة الي بيسيح و تقدير الفيوز اعلي من المكتوب, المكتوب 30 مركبله 40 وبرضو البلاستك بيسح و المروحة سليمة الفترة الي فاتت بقيت استخدم فيوز في اليوم بس بقيت اسنفر البلاستك واحطوا تاني

رد: مشكلة في كيا برايد

الفيوز بيسيح و مابيفتحش الدايرة لسببين:
الأول: أن يكون التيار المار فيه عالي و لكن ليس بالدرجة الكافية لفتحه و ذلك لمدة طويلة و ده بيكون بسبب قفلة بسيطة في الدايرة أو جزء عاري في الأسلاك بيلمس ... بس طالما انت ماشمتش ريحة شياط و مافيش تأثير على باقي الدائرة و واضح ان المشكلة مش للسبب ده و لكنها حاتكون ثانيا ... نخش على ثانيا
السبب الثاني: أن تكون قاعدة الفيوز أو أحد الأسلاك المتوصلة بها غير محكمة مما يسبب ما يدعى بال bad contact و ده طبعا بيسبب حرارة عالية تسيح الفيوز و الأسلاك كمان

انت محتاج كهربائي نضيف يعمل التالي :
1 - تظبيط قاعدة الفيوز و الأسلاك و الترامل الموصلة بها و تنظيف نقط تلامس الفيوز و الأسلاك بال WD40 أو بأي سبراي
2 - قياس التيار المار في الفيوز و التأكد أنه لا يزيد عن 10 أمبير

الموضوع ده حاياخد 10 دقائق و 10 جنيه

رد: مشكلة في كيا برايد