سؤال عن تعديل او إصلاح علبة دركسيون اللادا
 

السلام عليكم
سؤال بالنسبة لعلبة دركسيون اللادا (2106) موديل 1984 . لأن طبعا معروف إن الدركسيون بتاعها تقيل جدا. ولآنى كنت واخد على الدركسيون الخفيف من موديلات تانيه.
و والميكانيكيه بيتغلبوا على الموضوع ده بأنهم يعملوا "بوش" فى العلبة تدى عزم والواحد بيحركه. لكن البوش ده بيقلل من التحكم فى العربيه. ولما كلمت الميكانيكى يشيله لأنه عامله حوالى 15 او 20 درجه قال انه ح يبوظ العلبة نتيجة أن كل الخبط او المطبات ح تكون فى العلبه على طول. وقال ان فيه علب أسبانى بيسموها (5 بليه) وانها بتخفف الدركسيون شويه (انا استنبطت من الكلام ان العلبه على رولمان بلى). وانا عارف ان الوكيل الجديد بيركب لعلب الدركسيون لل لادا الجديده (بعد موديل 2000) بور وانهم بيرفضوا او بيقولوا انه مابينفعش للموديلات القديمه. هل ممكن حد يفيدنى لو ممكن أغير العلبه بعلبه فيها بور. او أى حل تانى أسهل.
ألف شكر مقدما.

رد: سؤال عن تعديل او إصلاح علبة دركسيون اللادا
 

ptmnlo123per1147
إيه ياجماعه. مافيش ولا رد واحد؟؟
هوه السبب إنها عربيه لادا. والا السبب أنا؟ والا إيه بالضبط؟
مافيش حد عنده كلمه يقولها؟
انا عموما لميت جزء من البوش بنفسى وقللته. التحكم فى العربيه دلوقت أحسن بس الدركسيون تقل أكتر من الأول. وأدينى معاها للأخر. لما نشوف.
ptmnlo123per1127

رد: سؤال عن تعديل او إصلاح علبة دركسيون اللادا
 

انا اسف والله لسه واخد بالى من الموضوع دلوقتى

فيه مجموعة باور (هيدروليك) بتركب على الادا القديمة (2107) واعتقد ينفع تركب على الموديلات التانية وديه موجوده عند حمدى لادا بعد ملاهى السندباد فى اتجاه السلام وقدام المطار الامل اسعارهم اغلى

واسف مرة تانية على التاخير فى الرد

رد: سؤال عن تعديل او إصلاح علبة دركسيون اللادا
 

الف شكر على الرد.
انا إن شاء الله ح أروح وأشوف وبإذن الله أرجع لكم وأقول اللى ح يحصل.
بارك الله فيك ياأبو نورا,
ptmnlo123per171

رد: سؤال عن تعديل او إصلاح علبة دركسيون اللادا
 

الدركسيون عندى ثقيل جدا" وذهبت للميكانيكى فتحلى مسمار البوش شوية فخف و لكن العربية يصعب التحكم فيها اثناءالفرملة وقالو لى إشترى علبة دركسين جديدة إستعمال

رد: سؤال عن تعديل او إصلاح علبة دركسيون اللادا
 

السلام عليكم ورحمة الله وبركاته.
أولا بالنسبه لعملية مسمار البوش ، الميكانيكى لما بزود البوش فلما تحاول تلفف العربيه انت بتاخد جزء بدون مقاومه فده بيدى عزم لإيدك فبيحسسك ان الدركسيون خف شويه ولكن انا مش مع الحل ده لأن فعلا انت كده بتفقد جزء مهم من التحكم فى العربيه وخصوصا على السرعات العاليه وانا مجرب الموضوع ده ولمت البوش بنفسى بعد كده.
ثانيا انا هنا بأطرح سؤال ظريف. وأنا زيك عندى مشكله فى علبة الدركسيون وناوى أغيرها، فيه عفشجيه بقولوا غير بعلبه استيراد لأن العلب الجديده كلها مضروبه وبتبوظ على طول. وخد بالك لما تشترى علبه استيراد ماتشتريش علبه تقطع من عربيات مصرى (لأ وشوف النزاهه فى النصيحه أل يعنى ح نقدر نعرف الفرق وماينضحكش علينا). اما النص التانى فرأيهم اشترى جديد وحتى لو باظ فالجديد جديد ولما تصلحه اهو علبه جديده مش مستعمله واسأل على العلب الهاف باور. ورأيى الشخصى كالاتى:
أولا انا نفسيا مع تغيير العلبه بعلبه جديده.
ثانيا مافيش حاجه اسمها هاف باور فى علب الدكسيون اللادا. ولكن كل الموضوع انهم فى الموديلات المتوسطه (او الجديده) حطوا المحاور على رولمان بلى مش على جلب فرولمان البلى بيخلى العلب تبقى اخف شويه مع ملاحظة ان رولمان البلى مع المطبات بيبوظ وده لأن كل المطبات بتعمل اجهاد عمودى على اتجاه التحميل الاساسى لرولمان البلى (اللى المفروض بيكون بالضغط على البلى نفسه عمودى على اتجاه المحور الواصل من طارة الدركسيون الى العلبه ) ومن هنا يحصل البوظان واللى بيخلينا نروح نصلح العلبه.
ثالثا انا حاولت انى أشوف العلبه الجديده وفعلا وقفت صاحب تاكسى لادا من الجديد وبصيت على العلبه كده من فوق لقيت ان المنظر العام ان العلبه هيه هيه القديمه مع وضع باور ليها (باور راكب فوق العلبه وطلمبه باور على الموتور). بس لو كانت حسب ماسمعت تتكلف حوالى 3 ألاف جنيه فأنا شخصيا ماأعتقدش انى ح أصرف على عربيه ماتساويش 20 ألف مبلغ 3ألاف وكمان مبلغ التركيب وطبعا مش ح تكون زى ماتكون راكبه من المصنع. وح أفضل أحسن من أنصار الإعلان اللى بييجى فى التليفزيون (الروسى فيه 3 مزايا ترابيس ومجانس ومش فاكر أخر حاجه لآنى بأكون ميت من كتر الضحك على نفسى وعلى أصحابى أصحاب اللادا) وكل اللى ح أعمله انى لما أكون بأركن أستعمل الخدعه القديمه انك ماتلفش الدركسيون والعربيه واقفه تماما (فقط اديها الاول او مارشدير وحركها خفيف تلاقى الدركسيون أخف شويه).
أما موضوع انك تغير نظام الدركسيون وتركب اسكاترا بتاع ال 131 فحسب ماسألت الموضوع ده فاشل لأن بيغير فى زوايا العربيه (نتيجه لعدم تطابق مسافات العلبه وملحقاتها) وبتوع العفشه عموما بيعدلوا فى القنطره اللى ماسكه المقصات وتحت الموتور وبيركبوا لها مسامير وبيوصلوا علبة ال 131 وبيزودوا على محور الدكسيون وصلهصليبه وبيعملوا وصله منها الى العلبه الجديده وبتوع الزوايا بيقولوا ان ساعتها الزوايا عمرها مابتتظبط وبيرجعوك تركب العلبه القديمه تانى (الموضوع ده بيكلف حوالى 1000 جنيه).
أرجو انى أكون وفيت الموضوع ده حقه. عموما أنا كنت صاحب أول سؤال فيه وده اللى وصلتله من سؤال بتوع الزوايا والعفشه والميكانيكيه. وربنا يوفقنا جميعا.

رد: سؤال عن تعديل او إصلاح علبة دركسيون اللادا
 

السلام عليكم ورحمة الله وبركاته.
أولا بالنسبه لعملية مسمار البوش ، الميكانيكى لما بزود البوش فلما تحاول تلفف العربيه انت بتاخد جزء بدون مقاومه فده بيدى عزم لإيدك فبيحسسك ان الدركسيون خف شويه ولكن انا مش مع الحل ده لأن فعلا انت كده بتفقد جزء مهم من التحكم فى العربيه وخصوصا على السرعات العاليه وانا مجرب الموضوع ده ولمت البوش بنفسى بعد كده.
ثانيا انا هنا بأطرح سؤال ظريف. وأنا زيك عندى مشكله فى علبة الدركسيون وناوى أغيرها، فيه عفشجيه بقولوا غير بعلبه استيراد لأن العلب الجديده كلها مضروبه وبتبوظ على طول. وخد بالك لما تشترى علبه استيراد ماتشتريش علبه تقطع من عربيات مصرى (لأ وشوف النزاهه فى النصيحه أل يعنى ح نقدر نعرف الفرق وماينضحكش علينا). اما النص التانى فرأيهم اشترى جديد وحتى لو باظ فالجديد جديد ولما تصلحه اهو علبه جديده مش مستعمله واسأل على العلب الهاف باور. ورأيى الشخصى كالاتى:
أولا انا نفسيا مع تغيير العلبه بعلبه جديده.
ثانيا مافيش حاجه اسمها هاف باور فى علب الدكسيون اللادا. ولكن كل الموضوع انهم فى الموديلات المتوسطه (او الجديده) حطوا المحاور على رولمان بلى مش على جلب فرولمان البلى بيخلى العلب تبقى اخف شويه مع ملاحظة ان رولمان البلى مع المطبات بيبوظ وده لأن كل المطبات بتعمل اجهاد عمودى على اتجاه التحميل الاساسى لرولمان البلى (اللى المفروض بيكون بالضغط على البلى نفسه عمودى على اتجاه المحور الواصل من طارة الدركسيون الى العلبه ) ومن هنا يحصل البوظان واللى بيخلينا نروح نصلح العلبه.
ثالثا انا حاولت انى أشوف العلبه الجديده وفعلا وقفت صاحب تاكسى لادا من الجديد وبصيت على العلبه كده من فوق لقيت ان المنظر العام ان العلبه هيه هيه القديمه مع وضع باور ليها (باور راكب فوق العلبه وطلمبه باور على الموتور). بس لو كانت حسب ماسمعت تتكلف حوالى 3 ألاف جنيه فأنا شخصيا ماأعتقدش انى ح أصرف على عربيه ماتساويش 20 ألف مبلغ 3ألاف وكمان مبلغ التركيب وطبعا مش ح تكون زى ماتكون راكبه من المصنع. وح أفضل أحسن من أنصار الإعلان اللى بييجى فى التليفزيون (الروسى فيه 3 مزايا ترابيس ومجانس ومش فاكر أخر حاجه لآنى بأكون ميت من كتر الضحك على نفسى وعلى أصحابى أصحاب اللادا) وكل اللى ح أعمله انى لما أكون بأركن أستعمل الخدعه القديمه انك ماتلفش الدركسيون والعربيه واقفه تماما (فقط اديها الاول او مارشدير وحركها خفيف تلاقى الدركسيون أخف شويه).
أما موضوع انك تغير نظام الدركسيون وتركب اسكاترا بتاع ال 131 فحسب ماسألت الموضوع ده فاشل لأن بيغير فى زوايا العربيه (نتيجه لعدم تطابق مسافات العلبه وملحقاتها) وبتوع العفشه عموما بيعدلوا فى القنطره اللى ماسكه المقصات وتحت الموتور وبيركبوا لها مسامير وبيوصلوا علبة ال 131 وبيزودوا على محور الدكسيون وصلهصليبه وبيعملوا وصله منها الى العلبه الجديده وبتوع الزوايا بيقولوا ان ساعتها الزوايا عمرها مابتتظبط وبيرجعوك تركب العلبه القديمه تانى (الموضوع ده بيكلف حوالى 1000 جنيه).
أرجو انى أكون وفيت الموضوع ده حقه. عموما أنا كنت صاحب أول سؤال فيه وده اللى وصلتله من سؤال بتوع الزوايا والعفشه والميكانيكيه. وربنا يوفقنا جميعا.