سؤال لمالكى النو اكسنت المحترفين
 

ياريت اللى يرد يكون محترف و جرب
انا عندى نيو اكسنت 2010 كنت عايز اعرف بتنقلوا للغيار الاعلى
وRBM على كام و ايه انسب RBM عشان اغير
انا فى الغالب بنئل على5500 RBM وهل ده يضر المحرك
ارجو الردROSE4U

رد: سؤال لمالكى النو اكسنت المحترفين
 

اىه يا جماعة محدش بيسوق بخشونه و لا ايه

رد: سؤال لمالكى النو اكسنت المحترفين
 

لو السؤال مش مفهوم يريت حد يقولى

رد: سؤال لمالكى النو اكسنت المحترفين
 

النقل الى يطلعك بسرعة من جمب اى عربية على 4.5 فيما فوق لاكن لا يفضل انك تحرق كتير لحد 5.5 لائن دة حيجبلك جير بوكس بسرعة وحرام عليك العربية لسة جديدة فى حاجة بقى اسمها دبل كلاش دية للناس الى بتشد وبتقفل عدادت زى حضرتى كدا 444546 طريقتها جميلة وسهل جدا انك مثلا على الغيار الثانى وعاوز تجيب التالت قشطة حتجيب الغيار وسنة بنزين وتدوس على الدبرياج تانى وتشيل رجلك وبنزييييييييييييييين حتلاقى العربية اتعفرتت معاك وجرب وادعيلى بس انقل على 4.5 او 5 اكتر حاجة فى الغيرات الكبيرة يعنى من التالت وانتة طالع لاكن اول و ثانى اخرك فيهم لو سمحت 3000 متكترش عن كدا ولما تحب تقفل عداد حاول تكون ماشى وقدامك عربية وجمع سرعتك وانتة وراها وبعد كدا لما تحس انك قربت منها اطلع منها واستلم عربية تانية قدامك برضة وعلى كدا بقى طول الطريق لائن انتة كدا بتقلل مقاومة العربية للهواء ودة بيساعد العربية انها تجمع اسرع بكتير وتقفل ازاز العربية كلة خلى فتحات نونو كدا فى ال 4 عشان يدخلك هواء كويس وجرب وادعيلى بس ظبط كوتشك على 28 مش اكتر من كدا لو حد قلك لازم 30 قولوا ملكش فييية انا عاوز انتحر عشان على السرعات العالية الكوتش بيسخن جامد وبيوصل لحد 32 او 34 كمان وبيكون معرض للانفجار عشان كدا لازم تقلل الضغط لى 28 ومتقللش عن 28 لائن العربية حتعوم منك ومش حتكون ماسكة نفسها وان شاء الله فى الصيانة حط زيت شيل الترا 10000 سيبك من ال 5000 و ال 7000 كل دة اى كلام هوة كويس بس مش فى نفس كفائة الزيت دة ونوع البنزين لية عامل كبير جدا على السحب والتجميع وكل الكلام دة اختار ديما بنزينة نضيفة تعبى منها زى وطنية موبيل شيل هيليكس وتكون نضيفة كدا قدامة وجديدة عشان الخزنات تكون نضيفة وجديدة والنزين ميكونش فية رواسب كتير وركب فلتر اسبور سيموتا او K&N وغير بوجيهات بتعتك اسبليت فير وجبلهم كبلاتهم الرياضية وركب جنط 15 عشان اكتر ثبات ومتركبش زينون لائنة ملوش لزمة عن تجربة وانا عامل موضوع اسمة تجربة جامد مع فليبس رالى ادخل اتفرج على النور وانا شارع ازاى تعلى نور عربيتك من غير زينون ولا مخالفات ولا وجع دماغ واى حاجة مش واضحة انا تحت امرك ROSE4U4BY4444546

رد: سؤال لمالكى النو اكسنت المحترفين
 

انا مش عارف اشكر حضرتك ازى على المعلومات الجامده و المهمه
الحمد لله ان حد محترف فهمنى فعلا جبت من الاخر شكراGIFT4U
فعلا فكرت اركب فلتر و جنوط اسبور بس 16 ولاه حضرتك رأيك ايه

رد: سؤال لمالكى النو اكسنت المحترفين
 

حرام عليك العربية انت كدة بتحرق علي الغيار وبتحرق بنزين كتير والعربة عالية مش تعبانة علشان تحرق علي الغيار انت اخرق 2.5 او 3 بالكتير وهتلاقي العربية ادائها حلو مش ضعيف

رد: سؤال لمالكى النو اكسنت المحترفين
 

اسف على التأخير اصلى كنت مسافر مكنتش هنا بقى كل سنة وانتة طيب
لا شكر على واجب كلنا هنا اخوات وبنفيد بعضانا شوف ياسيدى الجنوط ال 16 حيكون شكلها حلو بس فيها ضرر لحضرتك وللعربية يعنى انتة لو عجبك الشكل وضحيت برحتك جوة العربية والعفشة بتاعت العربية انا شخصيا حقولك حرام عليك ال 15 مناسب ليها جدا وشكلة جميل فيها ومش بيضر حضرتك ولا العربية فى حاجة خالص لائن ال 16 حينشف العربية خالص بقى حيخليك لو معدى على لبانة تحس بيها وحتلاقى مع الواقت ومش حيكون كتير العفشة بيظهر فيها مشاكل معاك وعلى اية كل دة الانش دة يعنى مش هوة الى حيفرق معاك فى الشكل الوهمى لاكن مع العربية حيفرق فى كل حاجة فخليك فى المضمون ودة فى كل حاجة مش بس الجنوط فى كل حركة بتعملها وانتة سايق خليك فى المضمون يعنى متكونش عاوز تاخود غورزة وعشان معاك صحابك ولا الموزة بتاعتك ومش عاوز شكلك يكون وحش قدامهم انك رجعت فى كلامك ومدخلتش تاخودة فقولت يلا بقى وزى متيجى تيجى معلش دة كدا اسمة غشم مش حيحصل حاجة لما مخدش الغرزة دى وبعد كدا اخود 7000 واحدة تانية بس وانا مطمن ان همة زى الفل ومفهومش اى ريسك
وحط فى الاعتبار بقى ان الجرى اكتر من 110 حتحرق بنزين اكتر انتة هنا ليك حرية الاختيار فى الموضوع دة عاوز تجرى متجيش تقول العربية بتحرق بنزين كتير يعنى انا لما بمشى عادى ومش بجرى ودة من النادر العربية بتودينى اسكندرية بربع التنك لاكن لما بجرى 200 العربية بتحرق 3/4 التنك وبيفضل ربع التنك بس ونفس الموضوع فى نقل الغيارات لو انتة طول مشيك حرق حرق حرق حرق طبيعى انك حتحرق بنزين اكتر خلى الحرق يكون لية وقتة مش فى اى وقت مش تفضل ماشى عامل على بطال بتحرق كدا وخلاص يعنى خليك فى الطبيعى الى هوة 3.5 او 4 بالكتير اوى عاوز تحرق بقى يبقى من 4.5 لحد 6.5 كفاية اووووووى مش محتاج اكتر من كدا انا و انا راجع من بورسيعد فى عربية فيرنا الى بيقولوا عليها مفيش عربية بتطلع منها انا مركب عندى فلتر اسبور لما حرقت مع الواد وانا جمبة كدا الواد لقتة بيبصلة جامد اوى كدا من الخضة يعينى 444546 وبعد كدا كونت شايف واحد بيقلب نور كدا فى المراية و بيدينى انتزار عشان اركن واكلموا بيقولى انتة عامل اية فى العربية قولتلة ولا اى حاجة عامل شاى قلى ازاى طلعتى منى انا راكب فيرنا قولتلة هوة انتة راكب فرارى وانا معرفش وبعدين السواقة ملهاش دعوة بالعربية المهم الى بيسوق وللعلم يلا بينا نطلع مع بعض ونشوف مين حيطلع من التانى قالى الفيرنا طبعا انتة بس عشان كنت بتجرى جامبى قولتلة تانى ههههههههههههههههههههه ماشى ياعم يلا لما نشوف الامبورجينى الى معاك دى حتعمل بيها اية المهم طلعنا جمب بعض ولا فى الدماغ عربيتة طلعت جمبى ولسة المعلم جاى يطلع منى لقانة قدامة وبلعبلة اشراتى وفين ويجعك بقى لحد مكان حيدخل فى تريلة قولت حرام افكنى منة روحت جارى جامد لحد مقلب نور تانى وانتزار روحت منفضلة ومكمل انا بقى 444546
بالنسبة للنور القوى بقى وحوراتة الكتير الى انا واحد من الناس الى اتمرمت فيها لحد موصلت لحل جامد والحمد لله فى ناس جربتة وشكرت فية انك اول حاجة تحطها فى دماغك كدا انا مش حركب زينون لائنة بيلمع وبيوجع العين لاكن مش بينور كويس ولا لية اى لازمة خالص وكل الانواع الى هنا مضروبة ومغشوشة وانا ركبت 3 اطقم زينون ورمتهوم فى الزبالة فى الاخر
ادخل اتفرج على الموضوع دة
http://www.masrmotors.com/vb/showthread.php?t=33891
ولو فى اى حاجة انا فى الخدمة 444546