الحمد لله جبت كريستالة
 

الأستاذ حازم و الأخوة الأعزاء
لله الحمد
بعد كثرة تردد و معاناة
اشتريت لانسر كريستالة 98 اوتوماتك
الحمد لله
انا طبعآ متشكر لأهتمامكم بمشورتي خلال فترة ترددي قبل الشراء
و لو ممكن اطلب منكم بعض النصائح في بداية التشغيل
انا بالفعل غيرت زيت الموتور
و طلبت م البنزينة تغيير زيت الفتيس بس همه قالوا انه ما بيتغيرش
و غيرت البوجيهات
م سير الكاتينه الراجل كان مغيره من 15 الف
اغيره و لا لأ
و هوه في سيور تانيه المفروض اغيرها احتياطي
و بالنسبة لقربة مياة الرشاشات للزجاج تقريبآ مكسورة من تحت عشان انا حطيط فيها زجاجتين مياه و مظهرتش الميه فيها لكن الطلمبة بتاعتها شغاله و بطلع ميه
الفوانيس الخلفيه مش الشكل الأصلي كلها احمر ف احمر
و ده عامل مشكلة مع لمية المرشدير عشان الي ورايا ما بيفهمش اني بافكر ارجع ورا ف ما يقربش مني كتير
و بيفكرها لمبة الفرامل لأنها حمراء
و افتكر هأحتاج اربط العفشه عند مركز صيانه تنصحوني اروح لمين
انا اشتريتها قبل الوقفه بيوم ساعة صلاة المغرب كنت باكتب عقدها
فكرت اوديها التوكيل تاني يوم عشان يراجعوها و يعملوا المطلوب كله لاقيتهم اجازه يوم الوقفه و هيرجعوا الشغل يوم الثلاثاء القادم ان شاء الله
بس لي ملحوظة تانيه غريبه حبتين
لما سقت العربيه لاقيت سحبها وحش
بس اديتها لصاحبها الأصلي و احنى راجعين من عند الميكانيكي لاقيته طاير بيها و انا قاعد جنبه مش فاهم ايه الي حصل بس هوه كان بيسوقها عادي و بسرعه كمان
يبقى اكيد ده عيب سواق مش كده
عشان انا بقالي فترة مباسوقش اوتوماتك
و اول مرة تبقى 1300 و على ما اذكر
مش 1600
لو في نصائح اكون شاكر لحضراتكم
و جزام الله كل خير

رد: الحمد لله جبت كريستالة
 

الف ميروووووووووووووووووووووو وووووووك

رد: الحمد لله جبت كريستالة
 

.
الله يبارك فيك
متشكر جدآ

رد: الحمد لله جبت كريستالة
 

الف مبروك وربنا يديك خيرها ويكفيك شرها .

رد: الحمد لله جبت كريستالة
 

رد: الحمد لله جبت كريستالة
 

ألف مليون مبروك ربنا يحافظلك عليها اختيار صح و موش هتندم عليها ان شاء الله

رد: الحمد لله جبت كريستالة
 

الله يبارك فيكم و يبارك لكم
و بإذن الله يكون اختيار موفق من رب العالمين
بس بيني و بينكم
انا بقالي فتره ما سوقتش اوتوماتك
عشان كده كنت حاسس اني محتاس بيها
لدرجة انه اول يوم العيال عملوا فرح و صمموا يخرجوا يتفسحوا
كان نفسي العربيه ال 127 تبقى معايا
بس انا كنت مرعوب منها
ما كنتش عارف اتعامل معاها
رده فعل الاوتوماتك على دوسة البنزين مختلفه عن المانيوال
لكن ربنا ستر
و الحمد لله دلوقتي الوضع كويس
بس برضه محدش قالي اغير ايه و اسيب ايه ؟؟؟؟؟؟؟؟؟؟
اقصد السيور و الزيوت و..........