ده يبقى ترصيص برضه ؟؟ طب ترصيص الموتوسيكل ولا النوع التاني ؟؟
السلام عليكم...
مشكلة غريبة... عربيتي فيرنا مانيوال 2007 ماشية 46 ألف كم غيرت الجنوط الــ**** اللي غبور بينزلها بيها و ركبت جنوط تايواني 15" و كواتش 195/50/15 ... ظبطت زوايا و رصصت على الموتوسيكل (جهاز بيسموه كدا!) و كله تمام و العربية بقت احسن كتير بعد التعديل ده.. و الكلام ده من حوالي شهرين من 3 ايام كنت بكشف على التيل ... طبعاً العجل كله اتفك و الرينجات كمان و الصنايعي و هو بيركب الرينجات قعد يدق عليها عشان مدخلتش معاه على طول ... المهم و انا مروح لاحظت هزة بسيطة في الدركسيون على 100 -110 كدا ... اخف بكتير من اعراض حاجة الكاوتش الجديد للترصيص... سألت صنايعي قاللي ترصيص لأن الترصيص على الموتوسيكل مش كويس زي اللي بيتفك فيه العجل واحدة واحدة بصراحة مش عارف هل فعلاً يكون محتاج ترصيص ولا لأ ؟؟؟ مع العلم اني كشفت على الرينجات و كله تمام :)) و هل فعلاً ترصيص الموتوسيكل ده مش كويس ؟؟ شكراً |
رد: ده يبقى ترصيص برضه ؟؟ طب ترصيص الموتوسيكل ولا النوع التاني ؟؟
الصراحة يا محمد باشا
أنا اللي أعرفه إن ترصيص الموتسكيل هوا الأفضل مقدمكشي حل غير إنك تجرب تاني و تشوف اللي هيضبط معاك و تأكد إنها مش أعراض من الطريق نفسه |
رد: ده يبقى ترصيص برضه ؟؟ طب ترصيص الموتوسيكل ولا النوع التاني ؟؟
المشكلة مش في ترصيص الموتوسيكل المشكلة هل الجهاز مظبوط ولا لا يعني معموله صيانة وبيرصص مظبوط ولا بيخرف والنتايج بتاعته مش مظبوطه
حاول تروح عند حد مشهور ويكون لسه جديد علشان الاجهزة تكون لسه جديدة ورصص تاني وشوف كدا وايه اخبار الجنوط في الشهرين اللي فاتو علي الفيرنا هل فعلا بياثرو علي العفشة ولا ده مش صحيح وهل فعلا زود معاك نسبة الثبات ولا ايه يا ريت تقولي |
رد: ده يبقى ترصيص برضه ؟؟ طب ترصيص الموتوسيكل ولا النوع التاني ؟؟
رصص تاني عند حد تاني و شوف النتيجه
|
رد: ده يبقى ترصيص برضه ؟؟ طب ترصيص الموتوسيكل ولا النوع التاني ؟؟
مع انى عمرى ما شوفت ترصيص الموتوسيكل بس نفسى اشوفه و اعرف مكانه فين فى الاسكندرية و طبعا ساعتها حاعملوا على طول و فى رايى احسن من ترصيص العجلة منفصلة لان :
ترصيص الموتوسيكل بيظبط مركز ثقل المجموعة الدوارة كلها يعنى ..... الكاوتش + الجنط + الطنابير اما ترصيص العجلة منفصلة بيظبط مركز ثقل ..... الكاوتش + الجنط يعنى لو فى عدم لتزان فى الطنابير حيأثر على الاتزان العام بعكس طريقة الموتوسيكل المهم فى طريقة الموتوسيكل انك بعد ما تعملها و لو اتطريت فى المستقبل تفك عجلة لاى سبب ان انت تاخد بالك قبل ما تفك اى عجلة تعلم وضعية تركيبها مثال : يعنى لو الجنط اربع مسامير يبقى قبل ما تفك لازم تعلم مكان اى مسمار منهم على الجنط مع مكانه فى الطنبورلان هو ده الوضع الذى تم ظبط الاتزان على اساسه و اى تركيب مغاير يوئدى الى ترحيل مركز الثقل عن مركز الدوران يخليك تحس بالرعشة فى الدركسيون f86b1903-b5fd-40b6-b1c0-d14776472b48 1.03.01 |
رد: ده يبقى ترصيص برضه ؟؟ طب ترصيص الموتوسيكل ولا النوع التاني ؟؟
مهو فعلاً العربية كانت مظبوطة جداً بعد ترصيص الموتوسيكل و لما العجل اتفك بقت مش مظبوطة ...
اقتباس:
طب ما هو كدا يا جماعة يبقى ترصيص الموتوسيكل مش عملي !! .. معقولة كل ما فك و اركب اعمل ترصيص تاني :( هجرب ترصيص تاني و اقولكم ... |
رد: ده يبقى ترصيص برضه ؟؟ طب ترصيص الموتوسيكل ولا النوع التاني ؟؟
روحت النهاردة عملت ترصيص اللي بيسموه كمبيوتر ده ... و العربية الحمد لله اتظبطت تمااااااام
انصح اي حد انه يرصص النوع ده احسن من ترصيص الموتوسيكل بس يكون عند مكان محترم و مشهور و شكراً للردود يا رجالة |
الساعة الآن 05:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017