محتاج مساعدة ضروري من أهل الخبرة - الحرارة بتعلي
 

السلام عليكم ورحمة الله وبركاته ، وكل سنه وحضراتكم طيبيين :
عندي العربية " موديل 2010 " طول ماأنا ماشي بيها درجة حرارتها سواء بالتكييف أو من غيره بتفضل في النص مابتعديهاش ، سواء في الصيف أو في الشتا ، بس بقالها شهر بعد ما بعمل بيها مشوار وفيه لف كتير وبتسخن وبدخل بيها في إشارة أو في زحمة وبمشي بيها بالراحة بلاقي المؤشر بتاع الحراة بيعلي أوي وبيعدي النص بأربع شرط وبيرجع ينزل تاني علي طول " يعني مابياخدش 10 ثواني " وده برضة سواء مشغل التكييف أو مش مشغلة مع العلم بإنها أثناء ماأنا ماشي بيها بيكون المؤشر في النص مابيعديهوش مهما طال مده المشوار لكن بيعلي لما بأدخل بيها في الزحمة أو في إشارة ، مع العلم إن مروحة العربية بتشتغل ، بس لاحظت إنها بقت تغييب في الشغل عن الأول أو تلقط وتدور عن الأول بس في النهاية بلاقيها بتشتغل وتدوور ، وكانت في الأول مجرد مابتوصل الحرارة النص في العداد ألاقيها إشتغلت ، لكن دلوقتي ممكن العربية تقعد 10 دقائق دايرة والحرارة وصلت النص وهيه لسه ماإشتغلتش ، بس شوية وألاقيها إشتغلت وبصيت علي الميه في الردياتير والقربه لقيتهم كويسين ومليانين وضغت الخراطيم في الردياتير كويس والميه بتتقلب في الردياتير ، ورحت التوكيل وحطوها علي الجهاز ومشيو بيها مشوار حولين التوكيل قالولي الحرارة مابين 82 و92 وهيه ممكن لحد 96 مافيش خوف ، بس ماعليتش معاهم في التوكيل زي ماعليت معايا ، ومرفق صورة توضح شكل العداد وهيه الحراة عاليه فيه .
مش عارف أعمل إيه رجاء ساعدوني
مع خالص شكري وتقديري

رد: محتاج مساعدة ضروري من أهل الخبرة - الحرارة بتعلي
 

نبتدى بالسهل الاول:
1- نضف اسطح زعانف السربنتينة بتاعة الرادياتير و التكييف بكومبريسور هواء لازالة اى اتربة و مخلفات
2- لو مفيش نتيجة يبقى احتمال مجس الحرارة (ثرموستات المروحة) ساعات تخرف
3- لو مفيش نتيجة يبقى احتمال ثرموستات كوعة المية ساعات تعلق
f86b1903-b5fd-40b6-b1c0-d14776472b48
1.03.01

رد: محتاج مساعدة ضروري من أهل الخبرة - الحرارة بتعلي
 

بالنسبة لزعانف السربنتينة بتاعة الردياتير والتكييف بأنظفهم أول بأول .
بس أنا أمبارح لاحظت حاجة إن الحرارة وأنا مشغل التكييف مابتعلاش وبتفضل عند النص وده لإن المروحة بتشتغل مع التكييف ، لكن لما بطلته ومشيت من غيرة لقيت إن المروحة ماإشتغلتش عند النص في العداد لكن إشتغلت بعده يعني عند العلامة المحددة في الصورة المرفقة وده غير ماكانت في الأول بتشتغل عند النصف أول ما الحرارة توصل في العداد للنصف .
فمش عارف ده معناه إيه ياريت المساعدة .

رد: محتاج مساعدة ضروري من أهل الخبرة - الحرارة بتعلي
 

ده معناه و الله اعلم ان الثرموستات بتاعة المروحة خرفت و عايزة تتغير و دى الحمد لله سهلة و رخيصة و مبتخدش وقت
f86b1903-b5fd-40b6-b1c0-d14776472b48
1.03.01

رد: محتاج مساعدة ضروري من أهل الخبرة - الحرارة بتعلي
 

متشكر لرد حضرتك السريع ، أنا برضة كنت شاكك في إنها ترموستات المروحة بدأت تخرف وده علي السرعة الأولانية " العادية من غير التكييف " ، بس موضوع ترموستات الكوع إللي حضرتك قولته ده يخليني أرجع أفكر إنه ممكن يكون برضه منه ، ويكون السبب في لخبطة الحرارة ، فبرضة مش عارف رأي حضرتك إيه .
ومتشكر مره تانية لردك السريع .

رد: محتاج مساعدة ضروري من أهل الخبرة - الحرارة بتعلي
 

و الله اعلم لو كانت ثرموستا ت الكوعة معلقة كانت سخنت برضه مع التكييف
بس تحليل حضرتك الاخير ان الموضوع مبيحصلش مع التكييف و برضه انه بقت بتاخد وقت ازيد من الطبيعى لغاية لما المراوح تبتدى تشتغل
للاسباب دى انا ميال اكتر ان السبب من ثرموستات المروحة (حساس درجة حرارة مياه التبريد)
و فى رايى انها اسهل بكتير من ثرموستات الكوعة فلازم نستبعدها الاول عسى و الله اعلم السبب يكون منها قبل ما ندخل فى متاهات
+ انها لو ثرموستات الكوعة بتعلق قافلة و الله لو الرادياتير راكب عليه 100 مروحة برضة حتسخن لان الميه مش حتروح للرادياتير اصلا
و لو معلقة فاتحة العربية حتبرد (عن الطبيعى) على الطرق السريعة و برضه ده مش كويس
بس ده مبيحصلش عندك
علشان كده انا ميال للثرموستات الكهرباء الى بتشغل المراوح
f86b1903-b5fd-40b6-b1c0-d14776472b48
1.03.01

رد: محتاج مساعدة ضروري من أهل الخبرة - الحرارة بتعلي
 

أنا فكرت في كلام حضرتك ولقيته منطقي ، وبالصدفة لقيت كهربائي فاتح النهارده رحت وسألته قالي برضه نفس الكلام إنها ترموستات المروحة ، فإن شاء الله تكون بسيطة وبعد العيد أبقي أركبها وأغيرها ، ومتشكر جدا جدا لرد حضرتك ، وجزاك الله كل خير ، وكل سنه وحضرتك طيب .