مصر موتورز مجتمع السيارات - عاوز أفهم لو سمحتم

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - عاوز أفهم لو سمحتم (https://www.masrmotors.com/vb/showthread.php?t=34540)

عاوز أفهم لو سمحتم

دى صورة للكبوت بتاع العربية اللى أشترتها هيونداى ماتركس 2001. لو سمحتم

1- عاوز أعرف فين قربة الماية،، والرادياتير؟
2- لو حبيت أملاء القربة والرادياتير بالماية الخضراء، كام لتر لازم أحطلهم؟ أنا مش عارف اللى كانت ملكة كان بيحط ماية عادية ولا خضراء. يمكن لما أعرف مكان القربة ابقى اشوف لون الماية
3- فين قربة زيت الفرامل ؟
4- فين المكان اللى بيتحط منه زيت الماتور؟؟؟ هل من تحت يعنى الواحد لازم ينام تحت العربية علشان يغير زيت الماتور؟؟
5- فين قربة زيت الباور ستيرنج؟؟؟

لو سمحتم حد يفدنى لانى خايف احط ماية فى قربة غلط.. انا رقمت القرب الموجودة فى العربية لسهولة الكتابة لاعضاء المنتدى

متشكر

رد: عاوز أفهم لو سمحتم

بص حضرتك:-

1 و 5 واحدة فيهم لزيت الباور والتانية للفرامل بس لازم ياصورة أقرب ليهم أو مالك للسيارة علشان نحدد أنهى واحدة بس غالبا رقم واحد للباور والتانى للفرامل, وعلى العموم هتلاقى حضرتك مكتوب على غطاء واحد منهم power steering هى دى بتاعة الباور والتانية للفرامل.

2 ديه مكان تزويد سائل مساحات الزجاج الأمامى, لما بتسحب دراع المساحات لجوه بيرش سائل ينضف الزجاج والمساحات بتمسحه, وهو ه مكان تزويده, ومتزودش مياه عادية ليه سائل مخصوص.

3 ده فتحة تزويد مياه الراديتير, والراديتير تحتها بالظبط

4 الفتحة اللى جنب الرقم ده بالظبط على الصورة هى فتحة تزويد الزيت, أما الفتحة اللى بيشير ليها الرقم فبصراحة معرفش فتحة أيه.

وبأنتظار أجابات باقى الأعضاء.

رد: عاوز أفهم لو سمحتم

متشكر يا عمر بس برضوا لسة مش وصلنا لمكان القربة بتاع الماية لان الواحد مفروض يزود الماية فى القربة وهى توصل للراديتاير. صح؟ يبقى فين القربة؟؟؟؟؟

رد: عاوز أفهم لو سمحتم

متابع لكم وارجو الرد من اصحاب الماتركس...
السؤال دلوقتى هو فين قربة الماية فى الكابوت دة بتاع عربية هيونداى ماتركس

رد: عاوز أفهم لو سمحتم

ياعم تامر قلتلك خمسين مرة خلي عمرو يروحلك يبص على العربية ويعلمك اللي فيها

وابقى اديله ياعم تمن البنزين
هههههههههههههههههههه

بس خليك لبعد العيد لحسن هو مقضها لف وفسح في سيتي ستارز

رد: عاوز أفهم لو سمحتم

اقتباس:

المشاركة الأصلية كتبت بواسطة tham1010 (المشاركة 244018)

بص يا جميل

1- زيت الفرامل

2- مية المساحات

3- الريداتير

4- بنسبة 99.9% قربة الميه لان ديه استيراد والقربة بتكون في قفه الريداتير مباشرة واتاكد بانك تفتحها وتحط اي مقياس وتشوف الماده اللي فيها ايه لو لقيتها من نفس نوع الميه اللي في الريداتير يبقي ديه القربة يا معلم

5- زيت البور يا زعيم

زيت الماتور تحت الغطاء البلاستيك اللي فوق الماتور يا زعيم

رد: عاوز أفهم لو سمحتم

corsair. أنت صح أنا عملت اللى قلت علية وفعلا هى الظاهر قربة الماية بس المشكلة أنى مش لقيت ولا نقطة ماية فى القربة رقم 4 ولا حتى الريدياتير رقم 3 حطيت ورقة وطلعت ناشفة خالص... الظاهر أنا أخدت العربية منفضة من كل حاجة يعنى ولا قربة من دول فيها حاجة. أنا مشيت بيها حوالى 500 متر والماتور سخن شوية ومش فهمت لية إلا لما شفت القربة فاضية. رايح بكرة بعد هيصة العيد أغير زيت وكمان احط ماية خضراء وزيت بور وزيت فرامل وسائل المساحة... يعنى حسبة 250 جنية غير المصنعية.... العربية عاملة زى العيل بوق مفتوح ولو عاوز تسوق يا حلو تبقى تتدفع.....

شكرا على كل من ساهم فى هذا السؤال....

على فكرة يا كروسير فلتر البنزين الظاهر انه موجود فى المربع الأسود الموجود فوق البطارية. حملت كتالوج من النت للهيونداى ماتركس، مكانة فوق البطارية لو فعلا الماتركس هى نفسها الافيتا.. كذلك القربة رقم واحد هى بتاعة البور ستيرنج والقربة 5 بتاعة الفرامل... مش فرقت كتير....