تدوير العربية لو المارش او البطارية عطلانة،
 

أنا لسة شارى عربية مستعملة هيونداى ماتركس مانويل. ودى أول عربية وعمرى ما سقت قبل كدة. وعاوز أعرف حاجة مهمة كانت شفتها من سواق تاكس عملها قدامى ومش عارف تتعمل أزاى.

العربية لما تعطل ومش تدور لسبب البطارية ولا المارش، أزاى أشغلها؟ كان السواق قال لناس تزق وبعدين نط فى العربية وعمل شوية حركات بأيدة ورجلة ولقيت العربية دارت وأشتغلت... ممكن حد يقولى بتتعمل الحكاية دى ازى؟؟ خطواط بس علشان أفهم لان الحكاية دى ممكن تنقذ فى الزنقة..........

متشكر

رد: تدوير العربية لو المارش او البطارية عطلانة،
 

بتلمس سلك من البطاريه الى المارش.. بس نصيحه متعملش كده علشان متبوزش المارش

رد: تدوير العربية لو المارش او البطارية عطلانة،
 

لا يا أخى هو مش عامل كدة. هو خلى الناس تزوق وهو بيزق معاهم وراح ناطط فى العربية وهما بيزقوا ولقته أقعد يدوس على الدوسات وياخد الثانى بالفتيس وفجأة العربية نططت وأشتغلت وجريت لقدام وطلعت دخانة من الشكمان. الناس كلها بتعملها بس لانى عمرى ما فكرت أنى هشترى عربية عمرى ما ركزت..... هو أصلا مش فتح الكابوت لانه كان عارف إن العربية البطارية قدمت

رد: تدوير العربية لو المارش او البطارية عطلانة،
 

هو الأول يفتح الكونتاكت و لما الناس بتذق العربية هو بيكوت مديها التانى و ممكن المارشليه و بيدوس على الدبرياج و لما العربية قوة الدفع تكون مناسبة بيرفع رجلة من الدبرياج و يدوس بنزين و يفضل انة يمور و يفضل دايس بنزين علشان لو البطارية نايمة تشحن.

رد: تدوير العربية لو المارش او البطارية عطلانة،
 

بص هوه زق العربيه وركب وداس دبرياج وادها التانى ولما ولما العربيه جريت شويه رفع رجله من الدبرياج بس ولو بيزقها لوراء بيجيب مارشليه ويدوس دبرياج برده

رد: تدوير العربية لو المارش او البطارية عطلانة،
 

متشكر هو عمل كدة برضوا بس لان الحركة سريعة مش عرفت عمل ايه الأول. ممكن حضرتك نحطها على خطوات. يعنى أولا الفتيس بيكون منور ولا لا وهما بيزق والمفتاح بتاع الكوناكت بيكون أزاى لما الناس تزق يأخد الأول والثانى بالفتيس. أنا أعرف ان الدوس على الدبرياج بخلى العربية تتقل فى الأرض.. ويبقى صعب تتزق.. معلش مش عندى خبرة وهتعبكم معايا

رد: تدوير العربية لو المارش او البطارية عطلانة،
 

باضبط زي ما استاذ ياسر قالك كده
لكن نعملهم في خطوات على الترتيب
الأول تركز كويس ويكون معاك مساحة كافية علشان الزق ومتكونش طالع مطلع والا الناس مش هيزقوك هما هيشتموك ويدعو عليك بس اما لو فيه فرصة انك تكون نازل منزل زي لو عطلت منك على كوبري او لو انت على مرتفع برضة تعملها سهلة من غير اي مساعدة من حد لكن تاخد حذرك كويس وتتحكم في العربية كويس
معلش صدعت لكن علشان متعملش حاجة انت مش عارف رد فعلها ايه
الخطوات بقى
1. الناس بتديلك زقة كويسة لم اتوصل لعزم مناسب كأن العربية بدأت تتحرك على الأول وتحس انك عاوز تاخد التاني
2. دوس دبرياج للأخر
3. عشق الفتيس على التاني
4 لما العزم بتاع الزق يوصل للي انت عاوزة ارفع رجلك من على الدبرياج بسرعة ودوس بنزين لكن خد بالك لحسن تروح ماشي مع نفسك ويكون مفيش مساحة قدامك تخبط في حاجة
5. لو فيه حاجة قدامك او المسافة مش مساعدة انك تمشي بيها بتروح دايس دبرياج مرة تانية بسرعة وتمسك فرامل وتسيب العربية دايرة شوية لما تشحن ولو السلانسية عندك بيفصل يبقى من الافضل انك تفضل دايس بنزين كويس علشان البطارية تشحن ومش تفصل تاني

6. حمد الله على السلامة قطعت نفس الناس اللي بتزق
ربنا يستر طريق ومتتعرضش لموقف وحش ابدا في الطريق