السادة المسنين فوق الثلاثين
 

الموضوع ده جه في بالي

نتيجة لمناقشة مع صديق عزيز

كنت بكلم معاه عن اني ممكن اغير العربية بجيتز هاتشباك

المهم يعني كان رأيه ان مش سنك و لا مقامك !!!!

تركب هاتشباك


بصراحة وجهة نظر غريبة و مفهمتهاش

عايز افهم ليه مبنحبشي الهاتشباك بعد سن معين

ايه العيب يعني ؟؟

انا واحد دلوقتي عندي اسرة ،، اطفال صغيرين

مش محتاج عربية بحر في حاجة

و حتي الشنطة عن تجربة ،،

مبحتجاهش غير لما اكون رايح المطار اوصل حد

و ماليها شوية كراكب كتير !!!!

حتي السفر داخل مصر خلاص شنط صغيرة و خلاص

و شنطة الهاتشباك بتقضي الغرض

حتي علي المستوي الأعلي

صديق عزيز ليا ناوي ان شاء الله يجيب جيتا اعلي فئة

اللي هيا ب 220 الف

بقوله ده ما بدل منها تجيب بي ام الفئة الاولي او اودي A3

و دول اكيد مستوي تاني

نفس الفكرة ......................... .... اجيب هاتشباك ؟؟؟


انا شايف ان السيارات الهاتشباك ذوق اوربي راقي و حجم صغير و وشكل رياضي اجمل كمان

و الأهم انها بتديك احساس بانك شباب و لسه معجزتش

و موديلاتها غالبا بتكون اعلي و احلي

بالذات لهواة السيارات الاوربية المجال عندهم بيكون واسع في الهاتشباك باسعار معقولة


زي الابيزا - البونتو - الجراند بونتو - 307

بالنسبة ليا مفيش اي ماخذ علي الهاتشباك

غير اعادة البيع

لان الهاتشباك حتي المنتشر منه مبيكونشي في اعادة بيعه لو مش في القيمة

في سرعة البيع

لكن هل كل ناحية عملية او ناحية برستيج

ممكن تجيب عربية هاتشباك ؟؟؟؟

بعد الثلاثين ptmnlo123per154

رد: السادة المسنين فوق الثلاثين
 

انا مش شايف

ptmnlo123per154problem
عادى جدا انى اركب هاتشباك

رد: السادة المسنين فوق الثلاثين
 

أنا المشكلة عندى مش شنطة العربية..........انا المشكلة عندى فى المدامptmnlo123per1116... ..........لو مسافر الساحل فى الصيف أسبوع...............الشنط ة يا دوب بتقضى.....مع العلم أنى عندى بنت صغيرة بس وكمان شنطة الميجان من أوسع الشنط فى فئتها

رد: السادة المسنين فوق الثلاثين
 

سبحان الله كنت لسه بفكر في نفس الموضوع ده أنا لما أبيع اللانسر ممكن أركب حاجه صغيرة هاتشباك ومش عارف ليه قولت لأ مش سني خالص بس هو فعلا عادي بس مش عارف ليه الإحساس ده جوايا يمكن علشان كثير شباب بيركبوا الهاتش باك واتربط اسمها وشكلها بيهم ؟؟؟؟؟؟؟؟؟؟؟؟؟؟؟؟؟

رد: السادة المسنين فوق الثلاثين
 

ممكن اشارك مع اني لسه 11 سنة علي التلاتين:):)

انا شايف مش عيب ابدا انا والدي ايام ما جاب الابيزا كان فوق الاربعين سنة و عن نفسي انا بعشق الهاتش باك و لازم حتي لو جبت عربية سيدان لازم الهاتش تكون موجودة و طالما هاتش يبقي ابيزا:):)

رد: السادة المسنين فوق الثلاثين
 

اذا كان اساسا البورش و الامبورجيني معظم اللي بيركبوهم فوق التلاتين .... لأن اغلب اللي تحت كده معندوش الامكانيات الماديه انه يشتريها (الكلام ده بره طبعا مش هنا)
مفيش حاجه اسمها سن في العربيات ... ساعات بيعملوا عربيات عشان كبار السن تكون ناعمه و ابوابها واسعه و كراسيها مريحه ... بس ده للي فوق الستين و السبعين....
و بعدين هو احنا عجزنا اوي كده.... ptmnlo123per1106
طب هي الماتريكس مش تعتبر هاتش باك .... واقل ناس تركبها هما الشباب اللي تحت التلاتين.
مش مهم شكل العربيه(طبعا يكون شكلها حلو) المهم المنفعه منها ..... وفي هاتشباك كتير شنطه اكبر من عربيات سيدان.
بالعكس بقى عربيه زي الA3 .... الفيات برافو .... تليق اكتر على الشباب اللي قدنا .... فوق التلاتين
و هي الابيزا لسه ناويه تعد كمان 10 سنين ....

رد: السادة المسنين فوق الثلاثين
 

الابيزا هتعد معايا لحد ما تفوت و بعد ما تفوت هسقطلها 2000 سي سي :D:D:D