|
عمارة المساجد ......................... أم اسراف في المساجد
السلام عليكم
خطر لي هذا الموضوع من قرابه العامين واستفذني اليوم موقف في احد الماسجد القريبة مني ولأبدا في السرد وعذرا للأطالة اتمنى ان تقرأو الموضوع بعنايه وتفهموا ما اقصد منذ فترة ليست بالبعيدة وجنا اعمال حفر في قطعة ارض فضاء قريبه مننا وبالسؤال اتضح انها مخصصه لبناء مسجد وقد اوصى شخص ا ببناء هذا المسجد لوجه الله تعالى ( جزاه الله خيرا ) وبدأ التنفيذ تم بناء البدروم ( قلت ما شاء الله اخيرا هناك من فكر في استغلال التوسع الرأسي والاستفادة من ادوار مثل البدروم والثاني والثالث في استيعاب العدد المتزايد من المصلين ودعوت لهم بالتوفيق وانتظرنا استكمال باقي الاعمال ) تم بناء الدور الاول ( وكانت بداية الصدمات الدور الاول ارتفاعه تقريبا ستة امتار وله قبة في المنتصف على غرار مساجد قاهرة المعز وارتفاعها تقريبا ثلاثة امتار) وهذا الامر جيد في حال ما اذا كانت تهوية المسجد ستعتمد على التهوية الطبيعية والمراوح ثم توقفت اعمال التوسع الرأسي وبدأت اعمال التشطيب ( وهنا بداية الصدمات الحقيقية ) لماذا تم عمل كل هذا الاساس الضخم اذا كان سيتم عمل دور واحد فقط فوق البدروم فاذا كان الهدف هو التوسع وانشاء مسجد يستوعب العدد المتزايد من المصلين فلماذا لم يتم عم دورين للصلا لماذا لم يتم عمل مركز خدمة مجتمع ( مستوصف، دار حضانه ، محو امية، مشغل.... إلخ ) بما ان المسجد تابع لحد الجمعيات واعتقد ان الخير والثواب لصاحب الفكرة كان من الممكن ان يكون اكثر التشطيب التشطيب كمعظم احوال المساجد الجزء السفلي بالرخام وهذا امر منطقي وعلى المدي البعيد انظف واطهر واوفر النصف العلوي بما هو معروف من فنون العمارة الاسلامية والزخارف الرائعة ولكني اجدها في ظل الظروف الحالية سفه واسراف خاصة اني اكتشفت اخطاء في النماذج المستخدمة للطباعة والرسم ثم ان الارتفاع الشااااااااااااهق سيجل من امر التنظيف امرا شاقا على القائمين بالاعمال في المسجد فلنترك ذلك جانبا ونبحث عن اخر ذكرت ان المسجد صمم على ارتفاع عال نسبيا وذلك لا يكون الا في حالة الرغبة في الاعتماد على التهوية الطبيعية والمراوح ( وهذا ما وفق إليه المصريون القدماء والعرب عندما قدموا إلى مصر والانجليز عندنا احتلوا مصر) والذي يهمني هنا هو انه طالما اعتمدت على التهوية الطبيعية فلمااذا اقوم بشراء 7 اجهزة تكييف فانا بهذا قد استغنيت عن ميزة كانت لصالحي بالاضافة اني تكلفت وكلفت المتبرعين بهذا الامر خاصة اني كان من الممكن توفير تكاليف التكييفات في عمل شيء اخر مفيد او توفير تكاليف الارتفاع في عمل دور اخر علوي والمشكلة هنا ليست في شراء وتجهيز متطلبات المسجد ولكن هناك ايام يكون فهيا الجو معتدلا ومقبولا نوعا ما واتجاه مسجد بحري ، غربي اي ان الهواء المتجدد والطلق سيدخله حتما لا محاله ومع ذلك القائمين على المسجد لا يستطيعون الاستغناء عن التكييف وكأنهم ولدوا معه الانارة واستهلاك الكهرباء عددت كمية اللمبات الموجوده في المسجد وجدتها كالأتي 32 مجموعة ثلاثية لمبات نيون × 3 لمبات لكل مجموعة = 96 لمبة × 40 وات = 3840 وات لكل ساعة عدد 40 لمبه موفرة للطاقة تقريبا ما بين 32 وات و 50 وات بمتوسط 50 = 40× 40 = 1600 عدد 7 تكييفات اعتقد متوسط الاستهلاك للواحد 1000 وات للساعه 7× 1000= 7000 وات عدد 16 مروحة × 150 = 2400 وات الاجمالي 3840+ 1600 + 7000+ 2400= 14840 تقريبا 15 كيلو وات في الساعه × متوسط عمل 10 ساعات يوميا = 150 كيلو وات لليوم الواحد اي بمتوسط 4500 كيلو وات في الشهر كل هذا وهذه الكميات من الانارة تعتبر من النوعية الموفرة للطاقة وليست المبذرة وهذا في صحن المسجد الرئيسي فقط ولم احسب ما هو في الحمامات او القسم الخاص بالنساء او الانارة الخارجية او المأذنه ال 50 متر أو انارة الزينة من اجل رمضان هذا ونحن في وسط ازمة كهرباء ولا نعلم متى حلها وهناك الكثير من المساجد بهذا الشكل الغريب في الامر والذي ذكرني بكل هذا هو وكما ذكرت موقف حدث اليوم وهو 3 افراد ( المفروض انهم من المتلزمين من علامات الالتزام الظاهرة علي وجوههم ، لا داعي للسرد ) ومع بدء صلاة القيام الأول يقوم باغلاق جميع الانوار عدا الانوار الخاصة بالمشكأه الثاني يقوم باغلاق جميع الانوار عدا انوار القبة الثالث يقوم بانارة المسجد كله كل هذا والمصلين في الصلاة ( اي انه يقول لمن لم يتشتت بعد في صلاته هلم معي وتشتت واترك صلاتك ) وتذكرت منذ زمن ليس ببعيد ( قرابة 10 سنوات ) عندما كنا ننتظر بفارغ الصبر اطفاء جميع الانوار وانارة لمبة واحده او اثنتين غالبا ما تكون احداهما او الاثنين باللون الاخضر الهاديء الجميل الذي يبعث على الطمأنيننة والهدوء والسكون والزيادة في الخشوع وعدم الالتفات لما غير الصلاة وتذكرت ايضا كما كنا بشق الانفس نجمع المال من اجل استبدال المراوح المتهالكه او التي لها صوت او زيادة عدد المراوح في المسجد للتهوية على المصلين وتذكرت ايضا كم من ايام ممطرة او ايام شمسها حارقة صلينا فيها لعدم وجود مظلة او مكان نحتمي به وربطت كل هذا بما اجده في هذا المسجد الذي اجد فيه اسرافا لا مبرر له وبما اجده من زوايا ومساجد صغيرة بالكااااد بها دورة مياه واحده وخزان صغير للمياة في حال انقطاعها وقد لا يتوافر بها سجاد وقاصر عليى بعص الحصيرات الدائبة نسيت ذكر ان البدروم الخاص بالمسجد اصبح مبيتا للساده المعتكفين ولمخزون المسجد فقط وتم عمل باب له حتى لا يدخله احد غير القائمين على المسجد ونسيت ايضا ذكر ان طعم الماء في هذه المنطقة ليس جيدا ويحتاج لفلتر مياه ونسيت ايضا ذكر ان هذا المسجد كثيرا ما يحتاج لحصير للاستعمال في صلاة الجمعة خارج المسجد في قيظ الظهيرة نظرا لعدم توافر المكان للصلاه يستوعب المصلين في المسجد اخيرا وليس اخرا اتمنى ان تقرأو الموضوع بعنايه وتفهموا ما اقصد فانا لم اقصد ابدا التقليل من شأن عمارة المساجد او الاستكثار على الله عز وجل ان يتم رعاية بيوته في الارض ولكني في حاله تناقض داخلي ما بين ما نحن في حاجة إليه وما نحن قائمين عليه مرةاخرى أسف على الاطالة |
رد: عمارة المساجد ......................... أم اسراف في المساجد
نسيت ذكر ايضا ان هذا المسجد تقريبا مساحته 300 متر او اقل وتكلفته وفق ما سمعت 5 مليون جنيه مصري لا غير
|
رد: عمارة المساجد ......................... أم اسراف في المساجد
انا هقولك علي حاجه يا عم محمد اولا اللي بيعمل الكلام ده ناس تقيله في البلد ربنا يجازيها كل خير وهما بيحاولو كل واحد فيهم انه يعمل منظر جمالي للمسجد علي زوقه وده طبعا يحسبله لانه بدل ما يضيع فلوسه في الكلام الفاضي والقصور والعربيات الفارهه اهو بيبني مسجد بشكل جمالي يحببك في الذهاب اليه وتشوف الجمال المعماري
انتا لو جيت عندي في اكتوبر هتشوف العجب الناس هناك بتتنافس علي اكبر مسجد واحلي طراز معمالي لدرجة ان كل مفيش 100 متر مسجد بسم الله ما شاء الله عملاق انا اودام البيت عندي هناك مسجد يشبه القدس الي حد كبير في القبة بتاعته والشغل اللي فيه من جوه انا تقريبا حوالين البيت عندي في يجي 6 مساجد كل مسجد فيهم بسم الله ما شاء الله قد ملعب كرة القدم |
رد: عمارة المساجد ......................... أم اسراف في المساجد
موضوع مهم جدا فعلا, المسجد المفروض أنه مكان يجمع المصلين للصلاة وممكن للدروس والأعتكاف, وألخ, والطراز المعمارى فى المساجد لم يظهر الا بعد قرون من ظهور الأسلام, ومتهيألى تأثرا بالطراز المعمارى الهندى, وبرضه لرغبة الناس فى التفاخر ببيوت الله ولأسراف الخلفاء وأغنياء المسلمين فى البناء, ده أول مسجد أسلامى كان أبسط من البساطة.
أهم حاجة فى المسجد هى قدرته الأستيعابية, نظافته وريحته, والأمام بتاعه, ومتهيألى ممكن نضيف للحاجات ديه تهويته وجوه. أما الأسراف فده بقى مظهر من مظاهر الحياة اليومية, موبايلات وعربيات وأشياء مادية غير أساسية, وللمنظرة فقط, ومتهيألى هو ده الهدف من بناء المسجد, يبقى شكله حلو والمصلين يصلوا فى الشارع. يعنى متهيألى المسجد ده كان ممكن يتبنى تمام بمليونى جنيه, والباقى فيه ناس كتير محتاجة حتى ألف جنيه ومش لاقيه, ويتامى وفقراء كان ممكن الفلوس ديه تستعمل فى صدقة جارية لتزويجهم أو توفير أحتياجات الحياة من تعليم وغذاء وكساء ليهم وتعتبر صدقة جارية لصاحب الفلوس تنفعه فى حياته وبعد موته. وشكرا يا دوك على فتح الموضوع. |
رد: عمارة المساجد ......................... أم اسراف في المساجد
منقول من موقع اﻹسﻻم سؤال و جواب
اقتباس:
|
رد: عمارة المساجد ......................... أم اسراف في المساجد
منقول من موقع اﻹسلام ويب
اقتباس:
|
رد: عمارة المساجد ......................... أم اسراف في المساجد
اقتباس:
يا سيدي ربنا يزيد ويبارك انا كلامي كان عن الاسراف مش عن البناء وفرق كبير بين الاتنين خصوصا ان فيه مساجد اخري محتاجة رعاية هقولك مثال بسيط يوضحلك الموضوع واحد عاوز يجيب كولدير الكولدير ده هيشرب منه كام واحد ( لأنه في شارع فرعي مفيش فيه مرور كتير مكنش هيستفيد منه غير عدد قليل ) في اليوم قول 100 واحد لأ مش هيوصلوا 100 لكن ايهما اولى ال 100 واحد والا 1000 واحد لأ طبعا 1000 طيب فيه حوالي 10 كولديرات واقفين على حاجات بسيطة وكلهم في اماكن حيوية ايه رأيك نصلحهم والا نجيب عليهم كمان واحد انا عاوز اخد ثواب انت كده كده هتاخد ثواب بالعكس كمان انت هتعيد ثواب كان لواحد والثواب انقطع لان الوسيلة توقفت ازاي لان الشخص اللي عمل الكولدير عمله علشان ثواب يروي الناس في الحر والعطش والكولدير باظ لان مفيش صيانة ولا حاجة فدلوقتي مفيش حد بيستفيد منه فوقف الثواب وروحنا على كل كولدير نشوف اعطالهم ايه وهل المبلغ هيكفي والا لأ وكانت المهزلة فعلا واحد واقف علشان حنفياته اتكسرت ومفيش حاجة تمنع المياة فقفلوه علشان مغرق الدنيا واحد واقف علشان الحلة اللي فيها المياة الباردة فيها خرم صغير عاوز يتلحم لحام نحاس يجي بس اي سمكري ويلحمه واحد واقف علشان ماتور واحد واقف عاوز شحن فريون واحد واقف عاوز تغيير شبكة التبريد علشان مخرومة واحد واقف علشان الترموستات بايظ واحد واقف علشان الناس مبتشربش منه لان طعم المياة في المنطقة مش مقبول وهكذا والغريب في الامر ان كل كولدير كان فيه حد دايبه وحطه قدام محل او جنب حد علشان الكهرباء متفضلش 24 ساعه وعلشان الصيانة ولا واحد كان بيفكر يصلحه رغم انه عارف العطل ايه وعارف انه مش هيتكلف حاجة وكلهم كانو بيفكروا نفس التفكير لما ربنا ييسر نجيب واحد تاني بداله وخلاص ايهما اولى اصرف على مسجد القيمة الضخمة دي والا اشوف 10 مساجد صغيرة اطورها وانظفها والناس اولا وواخيرا محتاجه المسجد علشان يصلوا فيه مش داخلينه علشان ينامو ويدخلوا يتأملو وبتفرجوا على الابداعات الفنية والرسومات اللي فيه انا مع اي حد يقول ان التكييف النهاردة ضروري لاي مسجد خصوصا لو فيه عدد كبير مع الحر الشديد لكن لو الجو معتدل يبقى ايه لازمة التكييف كفاية المراوح او حتى على الاقل استغل الميزة اللي موجوده في المسجد ده تحديدا وهيا الارتفاع الكبير اللي يضمن تهوية جيده وانه على واجهتين بحري وغربي يعني الهواء داخله داخله ومنهم واجهة فاضي قدامة حوالي 50 متر ووراهم كام بيت وبعد كده اراضي زراعية وفيه حاجة كمان انت في اكتوبر صحراااااء عاوز تعمل عوامل جذب للناس عاوز تساعد الناس وتيسر ليهم فتعمل مساجد على مسافات قريبة علشان المشقة على الناس للأنتقال للمسجد لكن في اماكن زي عندنا او حتى في وسط القاهرة لو لقيت متر في متر يبقى انت بطل ده غير ان عندنا صعب تلاقي اراضي ولو لقيت هتلاقيها زراعية وتراخيص وقرف ولازم الاوقات تدخل فيه علشان المسجد يخلص بسرعة وطبعا لو دخلت الاوقاف فيه ولا هيخلص في عشر سنين القصد ان مفيش مساجات كافية فقدامك التوسع الرأسي يعني تبني دور واتنين وتلاته وممكن دور منهم يستغل في اي نشاط تاني زي دار حضانه او عيادات ويجهز له فرش اضافي وقت الحاجة اليه يتفرش ويتصلي فيه ويبقى مكان طاهر معد لصلاة وقت الازمات مع العلم ان فيه اكثر من مسجد قريبين منه وقائمين على جهود بسيطة كل واحد فيهم 10 الاف او 20 الف ممكن يفرقوا فيهم جامد خصوصا ان مساحاتهم صغيرة اما عن الاسراف في الانارة فلها شقين الأول ان النور الشديد بيوضح التفاصيل اكتر وبالتالي بيساعد على التشدد اكتر وذكرت وقلت زمان كنا بنستني الصلاة تقام والنور الضعيف الخافت يكون من ورا المصلين وغالبا بيكون ضوء اخضر وبيكون الجو باعث على الطمانينة والسكون والهدوء والخشوع لكن نور شديد مع رسومات والوان = تشتت وعدم خشوع خصوصا مع الثلاث اشخاص المسئولين عن المسجد كل واحد منهم برأي وكل واحد عاوز المسجد على مزاجه الثاني الحسبة الصغيرة اللي عملتها واكيد فيه رقم اكبر من كده لكن خلينا في ده لو عندي 100 مسجد بالكيفيه دي وكل مسجد بيهلك يوميا من 100 ل 150 كيلو وات يعني من 10 ل 15 ميجا وات يوميا واحنا داخلين في ازمة كهرباء وبعدين انا ذكرت ان فيه حاجات تانية المسجد كان محتاجها اولى من حاجات ثانية ورغم انها بسيطة لكن مفيش حد بيعملها زي حصير للصالة في الخارج وقت الزحام فلتر للمياة لان طعمها وحش فعلا اما عن المسجد فهو والحمد لله نظيف وهناك اخ فاضل عمل فكرة استاذ احمد فاروق لتعطير سجاد المسجد |
| الساعة الآن 04:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017