|
سؤال مهم في مسالة الخدوش؟؟
السلام عليكم
و رمضان كريم انا عندي سؤال بسيط اكيد معظم الخبراء هنا عرفينوه بس معلش عايز توضيح منهم عن الصنفرا..... باختصار انا عندي خبطة في الاكصدام اللي ورا ادت الي تقشير الدهان و كل يوم التقشير يزيد و سالت عرفت اني الحاجات دي بتتتصنفر علشان متقشرش كل شوية فياريت لو حد يشرحلي اصنفرها ازاي ........ ولا اوديها لسمكري و اريح نفسي و خلاص ومعلش علي الاطالة 4BY4 |
رد: سؤال مهم في مسالة الخدوش؟؟
حضرتك ممكن تصنفرها بنفسك
بس معرفش نوع الصنفره ايه بالظبط |
رد: سؤال مهم في مسالة الخدوش؟؟
شكرا يا باشا علي اهتمامك .......
ايه يا جدعان محدش يعرف و لا ايه دخه انا قولت دي حاجة خايبة و الناس كلها عارفاها |
رد: سؤال مهم في مسالة الخدوش؟؟
بص يا خالد باشا المفروض اصلا الاكصدام قبل ما يترش يتصنفر وبعدين بيترش مادة خاصة تخلي البوية اللى معمولة اصلا علشان الصاج تلزق فى البلاستيك غير كده مع اى خبطة او تريحة على الاكصدام هيقشر بدام متعالجش بالمادة ديه
فانت عايز حد بتاع دوكو يخدم الاكصدام كويس ويرشه |
رد: سؤال مهم في مسالة الخدوش؟؟
شكرا يا ابو نورا علي اهتمامك ........ يعني افهم من كلامك اني مقدرش اتفلسف و اعمله انا ؟؟
|
رد: سؤال مهم في مسالة الخدوش؟؟
السلام عليكم ورحمه الله وبركاته زى ما ابو نورا قال كدا بالظبط ان الاكصدام بيبقى محتاج لصنفرة الاول وبعد كدا رش المادة العازلة او البطانه وبعد كدا الدهان وانت ممكن تقوم بالحاجات دى بنفسك لو مافيش شرخ او كسر فى الاكصدام (يعنى هاتبقى محتاج تظبط اللون بس من غير اى اصلاح فى الاكصدام) ممكن تستعمل الصنفرة الناعمة ودى بتشتريها من عند الموان بس لازم تستعمل الميا مع الصنفرة علشان ماتخربش الدوكو والاهم انك تحدد المكان اللى هاتشتغل فية بالظبط علشان ماتوسعش منك وبتجيب المادة البطانة وممكن تسال عليها عند محل بيع دهانات السيارات وغالبا بيبقى اسبراى وترش المنطقة البايظه عندك بعد ماتصنفرها كويس وتخليها بمستوى الدهان السليم (اهم حاجة ان المنطقة اللى فيها الشغل تبقى ناعمه علشان ماتبانش بعد الدهان) بعد الصنفره والبطانه بترش الاسبراى البناسب للون الاكصدام اهم حاجة تبقى مغطى الجزء اللى حوالين المنطقة اللى فيها الشغل واتوكل على الله واعملها انت بدل الصانيعيه والاشتغالات اتمنى انى اكون افدتك وماطولتش عليك |
رد: سؤال مهم في مسالة الخدوش؟؟
طبعا يا باشا استفدت منك و انشاء الله اجربها و اقولك بس هي البطانة دي عبارة عن ايه (معجون يعني ولا ايه )؟؟
|
| الساعة الآن 03:29 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017