|
ارجو دخلو من يملك كيا نيو سيراتو
السلام عليكم انا معايا كيا سيراتو دلوقتى انا مشيت بيها حولى 3 الف كيلو تقريبا يعنى و معملتش صيانة ولا حاجة لئنى مكنتش فاضى المهم وجت عيب ديقنى اوى النهردة لمة كنت بعلى سرعة التكيف على دردة الاولى كان بيدى هوة جامد و سائع دلوقتى الدرجة الاولى ضعيف يعنى لزم يبقا احت التكيف على الدرجة ال6 مثلا تانى حاجة اية فيدة انى اربط المتور و احت الزيت و الكلام بتع الصيانة دة ؟؟؟؟؟؟؟؟؟ظ و الفلتر بتع التكيف لى علاقة بالكلام الى بقلو دة ؟ مستنى الرد و يريت حد يقلى على توكيل يكون محترم جدااااا لئنى بخاف على العربية جدااا و استفسار يعنى اية يربط على المتور انصحونى ربنا يخليكم |
رد: ارجو دخلو من يملك كيا نيو سيراتو
مهمة جدا الصيانة اللي بتتعمل في اول كام ألف للعربية.. العربية جديدة و بدأت تمشي و تشتغل.. لازم الكشف عليها اول بأول عشان تقلل من تفاقم اي عيب لو وجد
لازم حد يبص علي الفلاتر,ماء الريدياتير,العفشة... نصيحة توجه بالفور لمركز صيانة التوكيل اللي في روكسي او امير و جوزيف لو عربيتك خليجي |
رد: ارجو دخلو من يملك كيا نيو سيراتو
اقتباس:
بص ياباشا فى الاول زى ما الاعضاء افادوك انك كنت لازم تعمل صيانه 1000كم وعادى جدا انك تروح اى توكيل لكيا حتى لو عربيتك خليجى دى مفهاش مشكله كل الموضوع انه بيزود نسبه على العربيات الخليجى انا معايا سيراتو زيك ورحت عملت صيانه 1000كم و 10.000 كمان اولا انت مابتقلهمش اعملوا حاجه فى العربيه انت اول ما بتدخل التوكيل بيقولولك عايز ايه هاتقلهم صيانه 1000 بس هيسألوك ليك اى شكوى تانيه تقولهم على موضوع التكيف ده وبعدين هايستلموا منك العربيه وحضرتك هاتستنى فى الاستراحه لحد ماتخلص التوكيل احسن فى ايه بقى؟ سؤال مهم اولا انت لو تفتكر وانت داخل قولتلهم صيانه 1000 بس هما بقى عملوا ايه؟ 1/حطوا المكنه والفتيس لو عربيتك ماتيك على الكمبيوتر لكشف اى خلل 2/بيربطوا عفشه العربيه كلها 3/بيكشفوا على اى سوائل فى العربيه (ماء الريداتير والمساحات ...الخ) وبيزودها من نفسهم 4/بيغيروا الزيت وفيلتر الزيت ويستحسن انك تكون قايلهم 10.000 بدل مايحطولك 5000 ويمشوروك على الفاضى كل 5000كم 5/الكشف على كوالين البيبان والكابوت والشنطه (عشان لو تقال فى القفل ولا حاجه) 6/الكشف على الانوار 7/هايعملولك اى حاجه انت اشتكيت منها وقولتيلهم عليها 8/مش فاكر ايه تانى بس هما 12 حاجه ملحوظه: مافيش حاجه اسمها لمبه الزيت تنور فى الطابلوه عشان تغير الزيت. حضرتك تظبط trip بتاع العربيه على 10.000 وكل 10.000 تروح تغير زيت وفيلتر ياريت تكون استفدت وترحم عربيتك شويه ههههههههههههههههه لو عوزت اى حاجه تانى اسأل وانا معاك |
رد: ارجو دخلو من يملك كيا نيو سيراتو
اقتباس:
استاذ سمسم ممكن تحدد اخر مرة دخلت بعربيتك الخليجي التوكيل كان من اد ايه والتوكيل اللي فين لان بيقال ان التوكيل معدش بيقبل العربيات الخليجي |
رد: ارجو دخلو من يملك كيا نيو سيراتو
شوف يا باشا
علشان عربيتك خليجى التوكيل مش حيرضى يدخلها عنده قبل دفع 4000 جنيه بس فى مراكز صيانه خاصه بالعربيات الخليجى وهما محترمين زى تكنو وان -تكنو بوش عند مدخل الحرفيين وكمان مركز امير وجوزيف عند حديقه الطفل بمدينه نصر |
رد: ارجو دخلو من يملك كيا نيو سيراتو
حابب اضيف حاجه صغيره بعد ما الاساتذه اتكلموا وهى خاصه بصلب الموضوع نفسه واللى هو التكييف كفائته قلت بعد فترة
انا كان عندى نفس الحاله بالظبط جبت العربيه بتاعتى من شهر 10 اللى فات وهى هيونداى i10 وكان بسم الله ماشاء الله كويس بالرغم ان الموتور 1100 و من فترة كده لاقيت ان الاداء بقى ضعيف جدا جدا لدرجة ان فعلا كنت بجيب على 3 او 4 علشان احس ان فيه تكييف فقلت اكيد المشكلة فى فلتر التكييف وقلت اجرب انضفه واشوف النتيجه وجبت الكتالوج بتاع العربيه ودورت على مكان فين فى العربيه لاقيتهم راسمين مكانه فين وازاى افكه وبالنسبه للعربيه عندى هو نزلت درج التابلوه خالص يعنى بعد ما اتفتح اشده تانى لحد ما ينزل ولاقيت فعلا فلتر التكييف وراه ولاقيته فعلا مليان تراب نضفته كويس بس من غير مياه وركبته تانى و جربت والحمد لله بقى زى الاول بالظبط فانت جرب تنضف الفلتر صدقنى بيفرق كتير قوى فى العربيه وبالنسبه للمكان انا مش عارف ان ده مكان موحد فى كل العربيات ولا فى الهيونداى بس علشان انا فاكر ان كان معايا زميلى معاه الانترا كان الفلتر فى نفس المكان ونضفه برضه جرب كده وقوللى النتيجه بس ان شاء الله صدقنى هتفرق معاك |
رد: ارجو دخلو من يملك كيا نيو سيراتو
اقتباس:
تقريبا مكان فلتر التكييف في معظم العربيات في هذا المكان مثلا التويوتا كورولا 2007 في نفس المكان |
| الساعة الآن 09:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017