|
عربية رجالى
بسم اللة الرحمن الرحيم الأى تن والتو عربيات حريمى فأنا عايز اعرف هية لية حريمى واية العربية الرجالى فى نظركمالسلام عليكم ذكر بعض اعضاء المنتدى الكرام ان العربيات مثل السوزوكى ماروتى والبكانتو شكرا |
رد: عربية رجالى
عربيه حريمى عشان صغيره وابعادها صغيره وسهل سواقتها وخصوصا وسط الزحام فى المدن وبعدين الرجال معظمهم بيحب الشد بالعربيات والجرى والسفر وانا باقول معظمهم مش كلهم
وبرضه معظم الستات او البنات فى منتهى الحرص لدرجه الخنقه فى السواقه بس برضه التسميه دى انا مابحبهاش (عربيه حريمى) والا يبقى لازم كل الرجاله تركب علبه بيريل عشان الرجوله |
رد: عربية رجالى
زى ما لول باشا قال بالظبط, شكل العربية وأبعادها الصغيرة وموتورها الأقتصادى الصغير بيخليها عربية مناسبة لأى سيدة عايزة تسوق, والرجالة عامة بتحب العربيات القوية اللى ليها شخصية وسرعتها عالية.
ومن أشهر العربيات الرجالى, ال 132 والعربيات القديمة عامة, سيات أبيزا وفولكس واجن جولف, هيونداى كوبيه (شكلها مايع حبتين), لانسر وسيفيك وسيتى ومازدا ومرسيدس وطبعا أى حاجة 4*4 وألخ. العربيات الرجالى على العموم لازم تبقى عربية كبيرة ويفضل قوية, شكلها رجالى أو هجومى ومش عربية منتشرة مع السيدات وبتمشى ببيريل مش بنزين444546. والعربيات النسائية, البيكانتوو والأى تن فى المركز الأول ثم سوزوكى ألتو وماروتى وأى عربية تانية زيهم. |
رد: عربية رجالى
العربية مش رجالى ولا حريمى
العربيات اصلا كلها رجالى و لو ترجع عشرين سنة ورا كل عربيات مصر كان رجالى و كل السائقين كانوا رجالة و دلوقتى بقى فيه تنازل من الرجال للحريم و تركوهم يسوقوا عربيات و يركبوا معاهم كمان العربيات بس لسة فى الوظائف الحكومية ما دخلتش وظيفة سائقة يارة بجوار وظيفة سائق سيارة و بعدين فيه بنات بشوفهم بيعملوا بالماروتى شقاوة و جرى و سرعات و حركات مفيش شباب او رجالة كبيرة بتقدر عليها و كمان بشوف شباب بيعمل بيها شقاوة كمان و منهم بنت كانت فى العمرانية و كان نفسى اجيبها عشان اسألها عن تعلية العربية لانها كانت معليه العربية من وراء قوى قوى و مقدرتش لانها بتعمل غرز و تجرى بسرعة و واحد شوفته على الدائرى قبل منزل المريوطية كان فاتح بيها و معرفتش اقرب له و كان شايل فيها بضاعة |
رد: عربية رجالى
هو انت كنت سايق اية؟
|
رد: عربية رجالى
شوف كدة فى الشارع كام عربية سيات 133 مشيت خلال ساعة و كام نسبة العربيات اللى سايقها رجالة و كام نسبة الستات هتلاقى العربية رجالى اكثر من حريمى مع ان السيات 133 هاتش باك
شوف يا سيدى العربيات الحريمى هيه اللى سرعتها مش كبيرة قوى يعنى متعديش 180 و كمان اعطالها قليلة و سعرها رخيص و عشان كدة فيه عربيات هاتش باك هتلاقى ستات راكبينها و لكن هتلاقى ستات كمان برضة سايقين جيب و سيدان و متنساش الهامر كمان و حادثة الهامر بتاعة وسط البلد كانت سايقاها بنت ومش راجل |
رد: عربية رجالى
اسمحولى انا مابحبش لفظ رجالى وحريمى ده خالص انا ممعيش الا 55 الف مثلا ابقى انتمى لعربيات الحريم اللى اعرفه على قد فلوسك وان جيته للحق بقى اللى بيقول رجالى فعلا يبقى يركب دودج رام
http://www.autoevolution.com/images/...um-4121_11.jpg بس اللى معاه فلوسها ولو قارنا الرام بالالنترا اللى انا احد ملاكها يبقى الالنترا عربية اطفال مش ستات |
| الساعة الآن 08:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017