إفادة عن كورسا 2003 لحد 2005
 

ممكن حد يساعدني و يقولي إيه أخبار الكورسا 2006 أو 2005 من حيث قطع الغيار و استهلاك البنزين و الثبات على الطريق مع العلم إني مش بعدي ال 100 في السفر و لا ال 80 على الدائري مثلاً (يعني أنا راجل ملتزم و مسالم ) لكن أنا بحب العربية يكون سحبها كويس و إيه هي عيوبها؟
و يا ريت حد يفيدني بخصوص السعر لو لقيت عربية حالتها كويسة
أنا معايا لانوس 2000 و بفكر أغير لكورسا (طبعاً بعد دفع الفرق)

مستني من حضاراتكم الردود أفادكم الله

كل سنة و أنتم طيبين

رد: إفادة عن كورسا 2003 لحد 2005
 

مش حتدفع فرق كبير علي فكره بينها و بين اللانوس\
العربيه مالهاش سوق لان قطع غيارها غاليه و مش موجوده استيراد كتير
نصيحه لو حابب تركب اوبل شوف فيكترا احسن بكتير

رد: إفادة عن كورسا 2003 لحد 2005
 

انا فعلاً رأيي من رأي الاستاذ حازم لو عاوز اوبل بص على الفيكترا أفضل.
لكن بصراحة الكورسا ال1600 من 2003 الي 2005 مش عندي فكرة عنها.
وموفق في الأختيا ان شاء الله.

رد: إفادة عن كورسا 2003 لحد 2005
 

ألف شكر للاهتمام و الرد و ربنا يكرم في عربية كويسة، أنا الحقيقة لسة بدور و بشوف البدائل المتاحة عشان عايز أغير
مرة تانية ألف شكر و كل سنة و أنتم طيبين

رد: إفادة عن كورسا 2003 لحد 2005
 

الكورسا الماني مواتيره كلها من 1200 الى 1400
غير كدا يبقى مش الماني ومس مناسب لطبيعه الجو بتاعنا

رد: إفادة عن كورسا 2003 لحد 2005
 

نا العربيه عجبانى جدا جدا جدا موديل ٢٠٠٣ - ٢٠٠٧
و خصوصا ان سعرها مناسب جدا و امكانياتها ايضا
وعلى الرغم ان كل ملاك السياره بيشجعونى على شرائها
كل الناس بتخونى من اسعار قطع غيارها
مع العلم ان كل الملاك اكدوا ان اﻷسعار خارج التوكيل مش عاليه مثل مثيلاتها وان كانت اعلى قليلا ولكنها اكيد اطول عمرا من الباقى
وايضا من يتعامل مع التوكيل يؤكد لى انه اقصى مبلغ دفعه فى التوكيل هو ١٠٠٠ جنيه مع العلم ان الصيانه كل ٥٠٠٠ كيلو
يعنى تقريبا بالنسبه لى كل ٣ شهور ادفع ١٠٠٠ جنيه ده بجد ممتاز و اسمى بعمل الصيانه فى التوكيل
بس هل الكلام ده حقىقى ولا ﻷ
و بالمناسبه انا معى بيجو ٤٠٥ موديل ٢٠٠١ تيل الفرامل ب ٨٠ جنيه
سألت على تيل الفرامل للكورسا ايضا ٨٠ جنيه خارج التوكيل و فى التوكيل ب ١٨٠ يعنى مش ب ٥٠٠ جنيه زى البروتون مثلا

ارجو من ملاك السياره المساعده و جزاكم الله كل خير

رد: إفادة عن كورسا 2003 لحد 2005
 

نا العربيه عجبانى جدا جدا جدا موديل 2003 - 2007
و خصوصا ان سعرها مناسب جدا و امكانياتها ايضا
وعلى الرغم ان كل ملاك السياره بيشجعونى على شرائها
كل الناس بتخونى من اسعار قطع غيارها
مع العلم ان كل الملاك اكدوا ان اﻷسعار خارج التوكيل مش عاليه مثل مثيلاتها وان كانت اعلى قليلا ولكنها اكيد اطول عمرا من الباقى
وايضا من يتعامل مع التوكيل يؤكد لى انه اقصى مبلغ دفعه فى التوكيل هو 1000 جنيه مع العلم ان الصيانه كل 5000 كيلو
يعنى تقريبا بالنسبه لى كل 3 شهور ادفع 1000 جنيه ده بجد ممتاز و اسمى بعمل الصيانه فى التوكيل
بس هل الكلام ده حقىقى ولا ﻷ
و بالمناسبه انا معى بيجو 405 موديل 2001 تيل الفرامل ب 80 جنيه
سألت على تيل الفرامل للكورسا ايضا 80 جنيه خارج التوكيل و فى التوكيل ب 180 يعنى مش ب 500 جنيه زى البروتون مثلا

ارجو من ملاك السياره المساعده و جزاكم الله كل خير