مشكلة كبيرة فى الجير الاتوماتيك
 

عندى سيارة فورد مونديو 98 اتوماتيك
الجير بوكس بتاعها ساعات لما اكون على وضع D ماتجيب غير الغيار الاول (السرعة الاولى ) ومهما تدوس بنزين ال Rpm يعلى وماتنقلش
ولو ضغت على الدواسة قوى ممكن الجير الاتوماتيك ينقل بنتشة او هبدة قوية وتقعد كل النقلات التالية تنقل العربية بنتشة
والمشكلة دى مش بتحصل دايما ساعات وساعات
وحلها لما اطفى السيارة وهى ماشية واجيب n وادور تانى تضبط العربية وتغير بنعومة الى حد ما
وغيرت من قبل طقم اصلاح كامل للجير ، وعملت ترميم وشك اب على ضفيرة الكهرباء ، وغيرت البلف كنترول ، لكن العيب زى ما هو يروح ويجى
ياريت لو حد يعرف حل المشكلة اية يساعدنى ويقولى

رد: مشكلة كبيرة فى الجير الاتوماتيك
 

ممكن حد يساعد براية
50 واحد شاف الموضوع ومافيش ولا رد

رد: مشكلة كبيرة فى الجير الاتوماتيك
 

مفيش حد من الناس هنا يرد علينا !!!!!!!!!!!!

رد: مشكلة كبيرة فى الجير الاتوماتيك
 

مشكلتك مشكله كهرباء
حاول تشوف حد تاني يكشف علي الجير و ينزل سوفت وير جديد

رد: مشكلة كبيرة فى الجير الاتوماتيك
 

ممكن ياباشا توضح اكتر
انا لسة من اسبوع عامل ترميم لضفيرة الاتوماتيك
ازاى انزل سوفت وير ممكن توضيح
وانا معاك انها مشكلة كهرباء علشان كدة محدش فاهم فيها من الصناعية

رد: مشكلة كبيرة فى الجير الاتوماتيك
 

استاذى انا بقلب فى المنتدى عشان معجب بالفورد المونديو وقريت مشكلتك فمتهيئلى المشكلة دة بيبقى سببها حساس ال TPS دة كان معايا كدة فى الدايو نفس الفكرة جرب انك تبدلة وتجرب وفى حالة الحالة اللى بتقول عليها حاول تنفل مانيول بأيدك لانى الحركة التخبيط دة بتكسر الفتيس دة اللى كان فى الكتالوج عندى

رد: مشكلة كبيرة فى الجير الاتوماتيك
 

شكرا ياباشا على اهتمامك وردك ،، هجرب وارد عليك لانى برضة شككك فية ( وفية صناعية قولولى ممكن يكون منة ،، بس حضرتك عارف العيب الواحد من يكون سببة مختلف باختلاف نوع العربية ) خايف اجرب وادفع فلوس وفى الاخر يطلع مش هوة
(مع العلم ان فية صناعيى كنت لسة عندة من اسبوع وفصل فيشة TPSوكان العيب زى ماهوة )
وقالى احتمال جير بوكس استعمال لان اللى راكب ضغط الزيت فية مش كويس ، وتعمير الجير بوكس بطقم اصلاح مش هيبقى زى المصنع ولا طقم الاصلاح بيكون نضيف
وقالى احتمال كمبيوتر العربية هو اللى عامل العيب دة