|
اشترى عربيه صينى لــــــــــــيه
ايه السبب الوجيه الى يخلنى اشترى عربيه
صينى طب ما العربيات كتير والحمد لله انا مع احترمى للناس الذين يملكون هذه السياره ان مافيش عندى حس بعالم السيارات لو حدموفقنى يردعليه وله معارض برده |
رد: اشترى عربيه صينى لــــــــــــيه
اهلا بيك يا كوكى فى مصر موتورز احييك على جرائتك فى فتح الموضوع ده
نشترى صينى ليه والعربيات موجوده كتير !!! فيه اسباب موجوده فعلا بس قبل مااقولها عايز اقف معاك عند نقطة مهمة هيا العربيات الصينى (مش عربيات) زى باقيت العربيات ؟؟ لاء هيا عربيات برضو ومش كل العربيات صينى 100% يعنى فيه عربيات صينى فى التقفيل والتجميع بس ( وديه تشمل عربيات المانى وايطالى وحاجات فخمة كمان) وفيه عربيات اعادة انتاج لموديلات اجنبية بخطوط انتاج صينى زى لايونسيل (لانسر كريستالة) - هيما 3 (مازدا3) وفيه عربيات تصنيع صينى وتصميم واجنبى ( زى موديلات برليانس وبعض موديلات شيرى ) وفيه عربيات تصنيع وتصميم صينى وان كان بيستعيرو حاجات من الكورى او اليابانى بردو ( زى هافى لوبو والحاجات الباقية العجيبة الشكل ديه) فاولاً اللى يقول رايه يوضح هو ضد / او مع انهى فئة من الصينى اولا واسمحلى ااجل راى الشخصى لحين تفاعل باقى الاعضاء واهلا بيك مرة تانية ptmnlo123per122 |
رد: اشترى عربيه صينى لــــــــــــيه
انا شايف ان الناس واخدة انطباع سىء من العربيات الصينى علشان سمعة الصناعة الصينية عامة لكن فيه عربيات صينى كويسة واحسن من حاجات تانية كتير والدليل على كده ان فيه صناعات تانية زى الماليزى والهندى والايرانى وبردو فى نفس مستوى الصينى وساعات اقل بس الناس مش واخدة موقف منها زى الصينى انا شخصيا شايف الصينى حل لناس كتير يعنى مثلا واحد احتياجاتة يجيب عربية عائلية او Suv بدل ما يجيب حاجة بمتين واكتر ممكن يجيب عربية صينى باقل 50 - 60 الف جنية على الاقل صينى واحد تانى عايز عربية فيها كماليات وشكل كويس 2000 سى سى مثلا بدل ما يجيب عربية ب 200 - 300 الف ليه ميجيبش عربية بنص التمن ده صينى وهكذا لو مكانش الصينى ليه لازمة مكانش حد اشتراه بس احتياجات الناس بتتفاوت |
رد: اشترى عربيه صينى لــــــــــــيه ج2
(دون النظر على عوامل السلامه في السياره او عمر السياره ) (وبعدين العربيات الصينى مع كل ده مش رخيصه اقل عربيه 50الف) طب انا هحكمكم ده منظر عربيه http://rapidshare.com/files/15973374...tmnlo123per171 ههههههههه انا بشكر الناس الى شركونى في الموضوع ولا مشركونيش كمان |
رد: اشترى عربيه صينى لــــــــــــيه
مشكلة العربيات الصيني في مصر إن البداية كانت أقل من المتوسط و الانطباعات الأولي تدوم
بالإضافة لسمعة المنتجات الصيني بشكل عام لأن الصيني اللي بينزل مصر بيبقي درجة عشرتاشر الفولكس جيتا صيني !!!!! أعتقد لو كانت بداية الصيني اسبيرانزا ، كان الوضع حيتحسن كتير و مع ذلك فالسيارات الصيني أثبتت كفاءتها و السوق هو المعيار |
رد: اشترى عربيه صينى لــــــــــــيه
اقتباس:
بس فعلا اللي حاسه ان السيارات الصيني بعد البداية المحبطه بتهاجم دلوقتي هجمة مرتدة بقوة ( انا مش من مؤيديها ) البريليانس الجديدة اللي ب 70 الف جنية عامله زلزال خاصة انها في اكثر الفئات شعبية و الجيلي عادت من تاني و الشيري عادت بوجه جديد مع توكيل قوي زي ابو الفتوح لكن فيه حاجات اتوقع انها تسقط من ذاكرة التاريخ زي الكتكوته حاجة تانية الكوري اول ما نزل كان بينافس بالسعر المغري و الكماليات الغير معتاده للشعب المصري زي الزجاج الكهربا و الباور استيرنج و التكييف و دي حجات كان الشعب مبيشوفهاش غير في العربيات الفاخرة لاقاها في عربية بتلاتين الف ، اتذكر مقولة لواحد من قرايبي كان جايب اللانوس اول ما نزلت قال ( أنا اشتريت مرسيدس بثلاثين الف ) دلوقتي الصيني وضعه صعب مش عارف ينافس و لا بالسعر و لا بالكماليات اللي اصبحت اساسيات في كل العربيات |
رد: اشترى عربيه صينى لــــــــــــيه
عندك حق يا أ/أحمد بالإضافة لصعوبة تخطي السمعه السيئة للبداية الفاشلة
أعتقد نقطة التحول لو توكيل تاني ليه سمعه كبيرة زي أبو الفتوح تولي موديل صيني و ركز معاه |
| الساعة الآن 02:32 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017