مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - ممكن استفسار (https://www.masrmotors.com/vb/showthread.php?t=32047)

ممكن استفسار

أنا كنت عايز أشتري راس وسألت وكده وعرفت إن 250CBR وعرفت إنها في القاهرة بتعمل من 10-12 وفي بورسعيد ممكن من 8-10 بس أنا معايا 5 بس وسألت عالراس الصيني لقيت اسعار مناسبة قوي ممكن لو حد يعرف يسعدني يقولي إيه مميزاتها وعيوبها وبتتصلح وقطاع غيرها وإيه المشكلة اللي فيها وكده أنا مش فارق معايا سرعة وجاري والحاجات دي ياريت لو حد يعرف يسعدني ............!

رد: ممكن استفسار

بص ياباشا اولا انتا اللي فادك فادك غلط في موضوع الاسعار ال250 العاده بتعمل 15 الف جنيه لو افراج جمركي استيراد يعني ولو مستعمله في مصر بتبقي علي حسب الحاله والاسعار هنا نفس اسعار بورسعيد مفيش اي فرق نهائي
تانيا مفيش وجه مقارنه بين الياباني والصيني الريس الصيني ده حاجه كده شكله مستفز صوته مستفز وبعدين عمره ما كان بنفس اداء وكفاءه الياباني ده اضعف مليون مره وبعدين هيقرفك بقي صيانه وكل شوية عند الميكانيكي ومبيجريش ولا الهوا انتا حاول تقرص علي نفسك شويه وهاتلك حاجه نضيفه تعيش معاك لان الصيني ده زي الكلينكس بتاخد غرضك منه وبترميه .

رد: ممكن استفسار

جاك ربنا يخليه قال كل حاجة, الريس الصينى مجرد لعبة مالوش أى علاقة بالريس الحقيقى ولا حتى شكله, ويعتبر مكنة صينى عليها شوية بلاستيك وخلاص.

نصيحة لله, ياتحوش وتجيب ريس حقيقى, ياتاخد قرض أو حتى تعمل جمعية لو محتاجه بسرعة, ومتجيبش ريس صينى أبدا.

وفيه أندكس جاك كان عامله فيه عناوين تجار بايكس متجبش من حد تانى علشان دول أضمن وأنضف ناس.

وعموما لما تشترى خد معاك ميكانيكى ثقة وواحد صاحبك فاهم فى البايكس علشان مترميش فلوس فى الأرض.

رد: ممكن استفسار

الله ينور يا عمنا انجكشن وبعدين اسمع صوت الريس الصيني ده كده هتحس ان في كلاب بتهوهو جوا الماتور مش صوت ماتور ابدا وقعدته رخمه ومنظره سوري اقل ما يتقال عليه انه معفن

رد: ممكن استفسار

متشكر جدا يا رجالة بس أنا بشوف المستعمل بيبقى عامل 10-12 على مصراوي اللي أنا سمعته إن في القاهرة هنا الناس بتبيع بالغالي فيبورسعيد بيبقى ارخص شوية

رد: ممكن استفسار

http://classifieds.masrawy.com/AdDet...5&CategoryID=1
هو ممكن حد يشوفلي ده ويقول إيه رأيه

رد: ممكن استفسار

اقتباس:

المشاركة الأصلية كتبت بواسطة SyCkO (المشاركة 226079)

بص ياسيدى, اللى معاه موتوسيكل نضيف بيبيعه بسرعة جدا أما عن طريق تاجر أو حد من معارفه بيشتريه, كون أن حد يعمل اعلان على موتوسيكل مطلوب زى ال250 ده معناه أن المكنة متنفعش للسواقة ولا للبيع خردة.

وأنا بدور فى مصراوى ومرة شفت ريس 250 عادة ب8000 بس أسمع بقى, الفايبر عايز يترش والموتور عامل عمرة(ودى كفاية أن محدش يشترى) وألخ, ومعظم الناس اللى بتجيب البايكس الصغيرة زى ال250 بتطحنه جامد جدا وتبيعها متبهدلة, وممكن واحد صاحبك يغشك فى بيعة بايك.

وأنا نصحتك تجيب من التجار اللى فى موضوع جاك علشان معظمهم بيديلك فترة أسبوع تجرب الموتوسيكل ولو فيه حاجة يابيبدله يابيصلحه, وكلهم مابيحاولوش يغشوا فى البيع وعندهم سمعة كويسة جدا.

أما الناس العادية اللى بتبيع بيبقى هاممها بس هتبيع بكام, وممكن يوريلك البايك على أنه عروسة ومفيش زيه وتدفع 15000 وتاخد بايك متسواش 10000 وتكتشف فيها بلاوى ومش هتشوف وش صاحبها تانى.

فنصيحة تانية لوجه الله, طالما لسه مبتدئ ومبتعرفش تكشف على البايكس وتجربها وتعرف حالتها, أبعد تماما عن الأعلانات ومصراوى والأفراد اللى بيبيعوا, علشان التدبيس.