مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   لانسر بومه (https://www.masrmotors.com/vb/forumdisplay.php?f=204)
-   -   استغاثه بخبراء البومة ... عاجل جدا البومة بطلت لوحدها بدون مقدمات (https://www.masrmotors.com/vb/showthread.php?t=31712)

boma 2006 06-08-2010 02:13 AM
استغاثه بخبراء البومة ... عاجل جدا البومة بطلت لوحدها بدون مقدمات
 
الى خبراء اللانسر البومة انا عندى سوبر اكشن اتوماتيك حالتها كويسه جدا وماشيه معايا زى الفل لمبه البنزين نورت رحت حطيت بنزين 92 من البنزينة اللى بتعامل معاها على طول وطلعت مشوار حوالى 20 كيلو واثناء رجوعى بالقرب من البيت لاقيت العربيه بطلت لوحدها وانا على الدى جبت المور ودورتها بطلت تانى عملت عده محاولات واخيرا دوست على دواسه البنزين بقوه وجبت الدى وجريت بس اول ما اشيل رجلى من على الدواسه تبطل على طول وانا مش عارف ده ليه وعمرها ما عملت كده بعض الناس قالولى ده الرشاشات اتسدت او فى حاجة كانت فى قعر التنك وسدتها وانا هتجنن وبحاول ادورها اول ما تدور تبطل لوحدها ركنتها لغايه الصبح لما اجيب ميكانيكى بس عاوز حد يفيدنى لو سمحتم ده ممكن يكون ايه

احمد بدر1978 06-08-2010 02:34 AM
رد: استغاثه بخبراء البومة ... عاجل جدا البومة بطلت لوحدها بدون مقدمات
 
ممكن يكون فلتر البنزين عايز يتغير اول الانجكشن عايز يتنظف

Injection 06-08-2010 03:07 AM
رد: استغاثه بخبراء البومة ... عاجل جدا البومة بطلت لوحدها بدون مقدمات
 
فلتر بنزين - رشاشات - والأحتمال الأكبر طلمبة بنزين.

lol64 06-08-2010 04:51 AM
رد: استغاثه بخبراء البومة ... عاجل جدا البومة بطلت لوحدها بدون مقدمات
 
اكيد رشاشات وعايزه تتنضف ان شاء الله الموضوع بسيط

hazem_khidr 06-08-2010 04:57 AM
رد: استغاثه بخبراء البومة ... عاجل جدا البومة بطلت لوحدها بدون مقدمات
 
شكلبك مشيت عليها كتير و لمبه البنزين منوره
و المشكله يتلخص حلها عند مشاركات الاساتذه احمد بدر و انجكشن

boma 2006 06-08-2010 11:21 PM
رد: استغاثه بخبراء البومة ... عاجل جدا البومة بطلت لوحدها بدون مقدمات
 
شكرا يا رجاله على الردود ... انا رحت انهارده للميكانيكى ونظف الفيش والايدل وحاجات خاصه بالانجيكشن باسبراى والعربيه اشتغلت ولكن لما جيت اشغل التكييف عداد الار بى ام بينزل تحت النص لو انا على الدى او الار وبيكون على النص لو انا على المور وبضطر امور العربيه فى الاشارات علشان بترعش لو انا على الدى والموضوع ده مضايقنى اوى والميكانيكى والكهربائى مش لاقى له تفسير وبيقولى هتظبط لوحدها مع الوقت انما من غير تكييف عداد بيكونى تحت الواحد بشرطه والعربيه هاديه ومش بترعش والامور طبيعيه ومش عارف اعمل ايه

كومندا 07-08-2010 12:00 AM
رد: استغاثه بخبراء البومة ... عاجل جدا البومة بطلت لوحدها بدون مقدمات
 
فى سائل تنظيف بيتباع فى البنزينه عبوه لونها احمر كده هاته وضيفه على البنزين وانته بتمون
لو لسه فى اى رواسب بعد التنظيف اللى انته عملتها هيشلها
وابقا طمنا


الساعة الآن 10:33 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017