|
افيدوني اشتري نيو اكسنت ولا نيسان صني
السلام عليكم ورحمة الله وبركاته
بالله عليكم افيدني لاني في حيرة كبيرة هل اشتري نيو اكسنت لاني سمعت انها كويسة وقطع غيارها رخيصة بس كوري ولا اشتري نيسان صني على الاقل ياباني مع انها تقفيل محلي هوا بصراحة انا محتار وامكانياتي لغاية تسعين الف جنيه وبردو بصراحة محتار هل الماتريكس كويسة ولا ايه الافضل من التلاتة دول في حدود المبلغ المتوفر معايا برجاء الافادة لاني عاوز اشتري قبل شهر رمضان ضروري لان محتاج السيارة الللي تكون متوفر قطع غيار بسعر مناسب وايضا تكون عائلية وقوية وتعيش مع الواحد بامانة منتظر افادتكم ضروري |
رد: افيدوني اشتري نيو اكسنت ولا نيسان صني
من رأي طالما وصلت لل 90 ارشحلك الانسر وبعدها الالنترا .. الصني ممتازه في التحمل بس قطع الغيار اغلى من الهيونداي وفي نفس الوقت الهيونداي مش بتستحمل بهدله زي الصني
|
رد: افيدوني اشتري نيو اكسنت ولا نيسان صني
انا نصيحتى ليك الاوبترا فخامة و قطع غيار متوفرة و سرعة تداول و ناعمة و الصاج جامد دة رايى و ممكن بعدها النيو اكسنت
|
رد: افيدوني اشتري نيو اكسنت ولا نيسان صني
انا معاك بس اللانسر ها تكون مانويال مش اوتوماتيك وطبعا انت عارف زحمة مصر بامانة مش عارف
وبردو الاستازzezo مشكلتي اني سالت على الاوبترا والغالبية قالم ان فيه مشكلة في الفتيس الاوتوماتيك وعلبة الدريكسيون يعني يا جماعه نيو اكسنت ولا صني ولا الماتركيس |
رد: افيدوني اشتري نيو اكسنت ولا نيسان صني
استاذ رامي انا مش هقدر احكم على الصني و لا الاكسينت لاني مجربتهموش كتير لكن انا معايا ماتريكس 2010 مانيوال من 3 شهور عامل بيها لحد دلوقتي 18 الف و العربية عملية جدا و عائلية جدا بالاضافة لقطع غيار متوفرة سهولة الصيانة سعر اعادة بيع جيد استهلاك بنزين جيد ايضا و اخير استخير ربنا اولا و بالتوفيق انشاء الله
|
رد: افيدوني اشتري نيو اكسنت ولا نيسان صني
والله يا استاذ عمرو انا معاك ان الماتريكس ممتازة يعني انا قريت في المنتدى ما لقيتش حد قال فيها كلمة وحشة والنيو اكسنت برده شكلها كويس بس مش لاقي تفاصيل كتير عنها خاصة عيوبها وانت برده قلتلي كلمة حيرتني انك عامل بيها 18 الف خلال 3 شهور يعني ما شاء الله ربنا يبارك ليك فيها لاني انا بردة زي حالاتك سفري كتير وعاوز حاجة تستحمل معايا الجري على الطريق وكلامك خلاني اراجع حساباتي بخصوص الماتريكس لاني محتاج عربية تستحمل السفر
والله حيرة الى الان مش عارف اعمل ايه بس كدا انا شيلت الصني من حساباتي المافضلة بين النيو اكسنت والماتريكس |
رد: افيدوني اشتري نيو اكسنت ولا نيسان صني
استاذ رامي الفيصل فى الموضوع هو بالاضافة لسفرياتك لكتير هل العربية محتاجها اسرية يعني فى عائلة على الاقل حاليا لاني كنت عامل زيك كده و فى نفس حيرتك لدرجة اني غيرت العربية 3 مرات بعد ما دفعت عربون الحجز لحد ما استقريت على الماتريكس لدرجة اني قلت للمعرض لو شوفتو نمرة تليفوني محدش يرد عليا لحد ما استلم العربية الي رجح كفة الماتريكس معايا بالاضافة لحكاية الشغل و السفر الكتير اني عندي طفلين بالاضافة للمدام و العربية صالونها و اسع جدا و مريحة على فكرة انا دلوقتي فى سيوة و من 3 ايام كنت فى السلوم و احتمال ارجع من سيوة على السلوم تاني و بعد كده القاهرة شفت بقي
|
| الساعة الآن 03:18 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017