|
مساعده عاجلة فى شراء شيفرولية اوبترا كسر زيرو
السلام عليكم
اتمنى ان الجميع يكون فى تمام الصحة والعافية ادخل على طول فى الموضوع انا قدامى دلوقتى عربيتين وهما نيسان صنى 2008 سودا ومطلوب فيها 73 الف كاملة اوتوماتيك فبريكة بره وجوة بس طبعا لانها سودا فباين فيها الاختام المصرية المعروفة اللى هى الخرابيش وطبعا حكات الاكصدامات بتاعت الركن وشيفروليه اوبترا 2009 ذهبى ومطلوب فيها 77500 فبريكة بالكامل وعاملة 36 الف كيلو وبالضمان فول اوبشن اوتوماتيك بس الزجاج الامامى فيه شرخ وطبعا فيها برده الخربيش بتاعت الركن اللى على الاكصدامات . وفيها خبطة فى الرفرف اليمين اللى قدام بس مش باينة اوى ومش متخربشة مخبوطة وهى داخلة المعرض بس الاوبترا شكلها زيرووو تمام فياريت يا جماعة ولكم الثواب تقلولى ايه افضل ولكم الثواب ان شاء الله |
رد: مساعده عاجلة جدا جدا جدا جدا
الاولوية فى المستعمل دائما للحالة الافضل وبالتالى الاوبترا تكسب لفرق الحالة والموديل اللى بتخليها تقريباً كسر زيرو
|
رد: مساعده عاجلة فى شراء شيفرولية اوبترا كسر زيرو
رأيىى المتواضع الاوبترا رغم ان اعادة البيع و قوة المحرك لصالح نيسان بس الاوبترا عربية جميلة و ثابته على حد اقوال اصحابها
|
رد: مساعده عاجلة فى شراء شيفرولية اوبترا كسر زيرو
انا متفق مع وائل باشا ان الاوبترا لها الافضلية
|
رد: مساعده عاجلة فى شراء شيفرولية اوبترا كسر زيرو
قدامى عربية نيسان صنى 2010 كسر زيرو عملة 1000 كيلو فقط sx مطلوب فيها 79500 ولونها أحمر كمان يا غم واعتقد ان دى هتبقى افضل كمان
وكمان امكانية التقسيط عل 10 أشهر ودى موجودة غلى قناة أوتو موتو أنا شفتها النهاردة الساعة 1 ظهرا وبها رخصة 3 سنوات وبأسم المالك الاول كمان |
رد: مساعده عاجلة فى شراء شيفرولية اوبترا كسر زيرو
والله انا مازلت محتار رغم ان الكل نصحنى بالنيسان الصنى (سوبر صالون)
انتوا التلاتة بس اللى قلتلولى الاوبترا فمازلت محتار ( وكمان انا عاوز اشترى عربية ومش ناوى ابيعها خالص يعنى حكاية البيع فى دماغى انا عاوز عربية تعيش معايا لاكتر وقت ممكن من ميطلع مشاكل فى العربية ) والمفروض ان انا ناخد القرار النهارده لانى رايح اخلص النهارده ان شاء الله وربنا يوفقنى للى فيه الخير |
رد: مساعده عاجلة فى شراء شيفرولية اوبترا كسر زيرو
بصراحة الاوبترا عربية جميلة و قطع غيارها متوفرة و بعدين سوقها ماشي مع اني خايف من موضوع الاوتوماتك
انا معايا المانيول من 9- 2005 و ماشاء الله كويسة انته ليك القرار و ربنا يعينك |
| الساعة الآن 03:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017