|
ارجو المساعدة من اصحاب تويوتا 2010 جنوب افريقى ضروررى جدا
يا جماعة انا خلاص هتجنن
كنت محتار بين سيفيك و كورولا بس اخترت الكورولا عشان السيفيك واطية واحنا عندنا شوية مطبات تودى فى داهية وبعدين قلقان من الكورولا عشان سمعت بيقولوا مشاكل فى علبة الدركسيون و دواسة البنزين و فتيس الستيب ترونك)ام ام تى( مع انهم فى موديل 2010 منزلين الفتيس الاتوماتيك العادى فانا عايز اعرف هل المشاكل دى موجودة ولا اشتريها وانا مطمن باذن الله طبعا وهل حد عنده مشاكل نها او تعليق عليها وسؤال تانى موديل 2011 بينزل امتى عشان ممكن استناه ولا لا وهل يستاهل استناه ولا مش فارقة ارجو منكم يا اهل الخبرة الرد سريعا والمساعدة عشان ما ازيدش فى الحيرة وشكرا وهيا العربية سحبها كويس وثابتة ولا ايه |
رد: ارجو المساعدة من اصحاب تويوتا 2010 جنوب افريقى ضروررى جدا
يا ريت الرد من المجربين
|
رد: ارجو المساعدة من اصحاب تويوتا 2010 جنوب افريقى ضروررى جدا
30 مشاركة و مفيش اى رد اية يا جماعة مفيش حد جرب العربية دى
|
رد: ارجو المساعدة من اصحاب تويوتا 2010 جنوب افريقى ضروررى جدا
معقولة يا جماعة محدش هيساعدنى
|
رد: ارجو المساعدة من اصحاب تويوتا 2010 جنوب افريقى ضروررى جدا
يا أستاذ حضرتك بتسال وترد على نفسك
الفتيس خلاص انتهى امره الشكل الجديد ماعلنوش عنه يعنى يحينا ويحييك ربنا وبالنسبه للسرعه ماتور 124 حصان يعنى حاجه محترمه والثبات فى تيوتا عامة كويس وفى الملفات الحاده بتحس بميل علشان الالسوست والمساعدين طريه للاحساس بالنعومه فى المطبات وبعدين الكامله فيها كل وسائل الامان فى الفراملabs,ebd , bas وشكرا |
رد: ارجو المساعدة من اصحاب تويوتا 2010 جنوب افريقى ضروررى جدا
السلام عليكم
أنا أول مرة أسمع عن موضوع علبة الدركسيون دى بصراحة بس لو كان فيها حاجة كانت اتكتبت فى جرايد من زمان و دواسة البنزين فى مصر مافيهاش اى حاجة و محصلش اى شكوى عليها و الفتيس الأوتوماتيك زى الفل و مفهوش أى حاجة و أنا مجربوا , , و بالنسبة للسحب من الثبات لل100كم تقريبا 11 ثانيا و الثبات كويس جدا اما انا لو منك استنى موديل 2011 و اتمنى اكون افدتك |
رد: ارجو المساعدة من اصحاب تويوتا 2010 جنوب افريقى ضروررى جدا
أنا ماجربتش العربية بس ممكن أفيدك إن شاء الله
الفتيس الأوتوماتيك مافيهوش أي عيب إن شاء الله السحب و الثبات ممتازين بس العربية تقيلة شوية في المناورات و حجمها ضخم شوية موديل 2011 حاينزل شهر مارس 2011 و تقريبا مافيش أي تعديل ( من الوكيل ) ممكن السعر يزيد شوية و ينزل تخفيض بسيط على ال2010 لو عندهم كميات توكل على الله و استخير و اشتري إن شاء الله |
| الساعة الآن 10:22 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017