مشكلة التكيف !!
 

معلش اصل الحكاية دي مجنناني .. انا اللي جابوا العربية و اعرفهم اوي هما 2 تمام؟؟ و انا في صيانة ال1000 قابلت واحد منهم هناك قالي التكيف مش بيطلع ساقع خالص !! المهم ان التوكيل غيرله التكيف كله !!
اليوم اللي بعديه التكيف بتاعي انا قعد يوم كااامل ميطلعش ساقع !! و كلمت التوكيل قالي خلي المركز بتاعنا اللي عندك يبص عليه من غير ما يفك حاجة و لو معرفوش يعملوا حاجة تعاللنا على طريق مصر اسكندريا .. بس بالصدفة اليوم اللي بعديه شغلت التكيف اشتغل عادي !
واحد تالت بس ده جاب العربية بعدية .. بعد صيانة الالف بإسبوع او 2 كده جه قالي التكيف مش بيطلع ساقع !! و راح للتوكيل و معرفوش يعملوا معاه حاجة و هو دلوقتي بيبيع العربية علشان اتشائم منها !! رغم اني شايف المشاكل في اي عربيات عادي بس ايه حكاية التكيف دي يعني ايه العمل؟؟

رد: مشكلة التكيف !!
 

متخوفش نفسك اهم حاجة واستخدم التكييف كتير لحد ما تطمن انه مفيهوش عيوب صناعة

رد: مشكلة التكيف !!
 

يا بااااااااااااااااشا خليهم يدوسوا على زرار a\c عشان يستخدم الفريون وهو هيتلجلك العربية
التكيف زى الفل ولا الهوا الحمد الله ومشغلة دايما

رد: مشكلة التكيف !!
 

ياريت لو تعرفنا صحبك الى هيبيع العربيه ده ونعرف تفاصيل البيع

رد: مشكلة التكيف !!
 

بالرغم ان التكييف عندى كويس جداا الا انى مش فاهم المشكله عندك فين...طب صاحبك الاولانى غيروله التكييف وطلع التوكيل كويس.....طب ليه صاحبك التانى مغيروش له التكييف او مصلحهوش ...وهو كل واحد تظهر عنده مشكله بسيطه يتشائم ويبيع عربيته ...طب ماهو ممكن يشترى عربيه تانيه ويظهر فيها مشكله هيتشائم برده ويبعها .....انا عايز اللى تظهر عنده مشكله ميسكتش ويستسلم ويروح التوكيل ويطالب بحقه ... العربيه لسه فى الضمان... ومتمشيش من هناك الا لما تتحل مشكلتك ....وانا شايف ان التوكيل متفاهم بدليل انهم غيروا لصاحبك التكييف وبلغوك تروح التوكيل الرئيسى فى طريق مصر اسكندريه...وطمنا عليك واحنا معاك لحد لما تتحل مشكلتك,,,

رد: مشكلة التكيف !!
 

يا باشا احنا مصريين اه بس مش اغبية اوي كده :P
هو اللي حصل ان التكيف راح مطلع دخانا كده مرة واحدة و من بعديها مبقاش يطلع هوا ساقع
اما صاحبي ده فانا اللي كنت مفرجه على العربية و كده و اقنعته يجيبها و هو بيخاف من الصيني يعني فكل واحد بطبعه انا مش خايف خالص و متمسك بالعربية و كنت هندم لو جبت عربية تانية و انا فاهم كويس ان اي عربية بيطلع فيها حاجات حتى لو كانت بي ام و الكمال لله وحده
انا برده مستغرب ليه مغيروش تكيف التاني رغم اني كنت اطمنت من التوكيل لما غير التكيف بتاع الاولاني بس ممكن ان ناس كتير جم بالمشكلة دي فزودت عليهم التكلفة او كده والله مفهم بس التاني هو اللي قالي الكلام انا مكنتش معاه لكن الاولاني كنت معاه في الصيانة

رد: مشكلة التكيف !!
 

أنا متفق مع حضرتك يا دكتور كمال في الكلام إللي حضرتك قولته عن المطالبة بالحق من التوكيل ، وخصوصا إن التوكيلات بتكبر دماغها لو إللي إدامها مش فاهم أوي ومش حساس بالنسبة لمشكلة عربيته ، وبيحاولوا يقنعوه من خلال مهندسين التوكيل إن ده حاجة طبيعية علشان يمشي ويخلصوا ، بس المهم الواحد يكون لحوح وواثق من نفسه في الحوار مع التوكيل وأكيد هم علشان يحافظوا علي سمعتهم حيرضوه علشان القلق والشوشره .
وبعدين كل عربية وليها مشاكلها ومش معني إنها صيني تبقي وحشة ولا ياباني تبقي كويسة ، لأ كل عربية وليها مشاكلها وفي الآخر ديه حته حديدة يعني كل شئ وارد فيها .
وربنا يوفقك