نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟
 

السلام عليكم :

اطلب من السادة الاعضاء المحترمين الخبرة مساعدتى لانى خلاص هاتجنن , ناوى اشترى عربية جديدة انشاءالله زيرو , قلت ابدأ بالحنين واجيب لوجان ( لانى مش مقتنع بأى حاجة غيرها فى فئتها لا فيرنا ولا لانوس ولا الكلام ده) وبعدين قلت انا محتاج حاجة فى فرامل اى بى اس , قلت اطلع للنيو اكسنت , لقيتها برضه مفهاش وانا الموضوع ده مهم ليا عشان بسافر وبحب اجرى على الطريق , وقلت بالمرة اجيب اوتوماتيك , تنصحونى بقى اجيب اوبترا ولا نيو اكسنت ولا صنى اوتوماتيك وهنتغاضى مؤقتا عن موضوع الاى بى اس لو اتفقنا على عربية عيوبها مقبولة وتسد فى الاداء وتستحمل وصاجها محترم , ارجوكم مساعدة اخوكم الغلبان , ولا كبر دماغى واشترى اللوجان واوفر فلوسى ؟

رد: نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟
 

ايه يا رجالة محدش عايز يرد ولا ايه , 28 مشاهدة ولا حتى حد قاللى ازيك , مكانش العشم يا مينز , انا برضه مستنى

رد: نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟
 

انا محتار زيك يا مان

رد: نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟
 

ربنا يهديك للصواب

رد: نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟
 

سكودا اوكتافيا مو 2000 وانت طالع افضللك وده راى

رد: نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟
 

لوجان .

رد: نيسان صنى ولا نيو اكسنت ولا اوبترا , وكلهم مانيوال , ولا اكبر دماغى واجيب اللوجان ؟
 

والله لو بتفاضل بين الي قولتهم دول
يعني نيسان صني مادام بتحب الجري والمناورات وكده
مميزاتها في الجري انها ثابته وراسيه علي الطريق وتناور علي سرعات عاليه وناعمه وحلوه
عيوبها في الجري انها سحبها مش سريع قوي يعني لكن بعد ما بتجيب ال 110 هاتلاقيها بتجري معاك جامد
بردوا من ضمن الاختيارات الحلوه الالنترا بس انت مزكرتهاش
مميزاتها عربيه سريعه سحبها حلو جدا وجرايه جدا جدا ونعمه وحلوه
عيوبها انها خفيفه بيقولوا علي السرعات العاليه بتتقلب لو مفيش تحكم كويس في العربيه لكن هي عربيه رائعه جدا في السرعات وسحبها اكتر من رائع بس عيبها الوحيد الثبات والرسيان

ربنا يهديك للصح بس حبيت افاضلك بين عربيتين واحده منهم معايا الصني يعني شايفها حلوه قوي في السفر لرسيانها يعني بتحسسك بالامان

بالتوفيق