|
مطلوب كتالوج فيات 125 موديل 80
السلام عليكم ورحمة الله وبركاته ايه الاخبار يا احلي شباب انا اشتريت سيارة فيات 125 موديل 80 نصر 4 سلندر وبصراحة انا معلومات علي قدي في السيارات عموما كنت طالب منكم كتالوج السيارة ويريت مرفوع علي سيرفر كويس زي الميدافير وكمان لو فيه حد خبير في العربية دي يقولي الي مميزاتها وعيوبها والي عنده معلومة عن السيارة دي ميبخلش عليها بيها ويشرحلي معني اللمبات الي في الطابلوه زي لمبة فرامل الي والحجات دي معلهش انا بطلب طلبات كتير بس انا واثق ان فيه احسن شبات في الدنيا هيردوا عليا ويسعدوني وجزاكم الله كل خير وربنا يستر طريقكم اللاهم صلي علي سيدنا محمد وأل سيدنا محمد |
رد: مطلوب كتالوج فيات 125 موديل 80
اهلا وسهلا بيك يا احمد و الف مبروك ال 125
العربيه جميله جدا مافيش فيها اي عيوب تذكر فضلت معانا لمده 17 سنه و كانت قليله الصيانه الا بعض العيوب البسيطه و كانت خاصه بسيارتنا فقط وليس كل ال 125 عفشتها قويه و اداء الموتور معقول جدا و سياره حموله و مريحه و ثابته يجب ان تكشف علي عفشه السياره كامله و شاسيه العربيه و لو اي حاجه محتاجه لحام الحمها خصوصا القطمه الاماميه |
رد: مطلوب كتالوج فيات 125 موديل 80
مشكور يا حازم والله يبارك فيك
انا مسرور جدا لردك عليا بجد منتدي جميل جدا وانا مازلت طامع في ردود اخري واجابة علي اسالتي الي طرحتها شكرا مقدما يا احلي شباب في الدنيا |
رد: مطلوب كتالوج فيات 125 موديل 80
لو احتجت اي حاجه في ال 125 اسألني لاني بلا مبالغه
حافظها بالمسمار |
رد: مطلوب كتالوج فيات 125 موديل 80
حازم شكرا ريك وربنا يكرمك
طيب خلاص كده انا تلميذك في العربية دي كل ما احتاج حاجة هسالهالك انت ماشي دلوقتي عايز اعرف هي العربية دي بتسف بنزين ولا لا ولا زي ال 128 مثلا وازاي اعرف اذا كانت عربيتي ايطالي ولا بولندي علي فكرة هو مكتوب في الرخصة نصر وعايز اللمبات الي في الطابلوه بتاعت ايه انا عارف بتاعة النور العالي والاشارات وفرامل اليد بس عايز اعرف الباقي وكان في واحد صاحبي قلي خلي معاك جركن فيه بنزين مثلا نص صفيحة وحطه في شنطة العربية للظروف يعني كنت عايز اعرف ينفع اخلي جركن فيه بنزين في العربية خاصة ان العربية بركنها في الشمس وبتكون سخة فممكن تاثر علي البنزين ويعمل مشاكل لا قدر الله ولا لا كمان عايز اعرف هو وقفة العربية في الشمس فترة كبيرة بياثر علي العربية فايه هكون ممنون جدا لو رديت عليا يا حازم يا عسل |
رد: مطلوب كتالوج فيات 125 موديل 80
ولا يهمك يا ابو حميد
العربيه اللي معاك بولندي تقفيل مصري الايطالي انتهي من سنه 1972 بالنسبه لعربيتك لو موتورها مضبوط والكابيراتير مضبوط حيبقي استهلاكها معتدل بالنسبه لحكايه جركن البنزين دي مالو لازمه طالما عندك مؤشر و بتمون لما البنزين بيقل سيبك من كلام صاحبك دا. بالنسبه للمبات علي ما اتذكر لاني بقالي كتير ماركبتش 125 عندك لمبتين واحده جنب امبير البنزين و دي بتاع البنزين و لاتانيه جنب امبير الحراره و دي لمبه الزيت حتنزل تحت حتلاقي سته لمبات ترتيبهم من الشمال لليمين لمبه النور الصغير خضراء لمبه الدينامو حمراء لمبه فرامل اليد حمراء و بعدين حتلاقي مسمار يفك الشاشه دي و بعدين لمبه الشفاط صفراء لمبه النور العالي زرقاء لمبه الاشارات خضراء و دي الوحيده عللي عليها سهم كانت اكتر حاجه خنقاني من التابلوه دا ان مافيش فيه rbm و كمان حكايه اللمبات اللي مافيش عليها اي بيانات كده بالنسبه لوقفه العربيه في الشمس عموما غلط علشان البويه و الفرش و البلاستيك |
رد: مطلوب كتالوج فيات 125 موديل 80
اقتباس:
|
| الساعة الآن 11:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017