|
سؤال عن تكييف البومة 2006
انا عندى التكييف ضعيف مش بقوة التبريد فى عربيات تانيه رحت لبتاع التكيفات قاله هو بس عاوز يتزود زوده شويه وسقع كويس بس بردو مش تلج المهم خرج الفلتر علشان ينظفه فى الوقت اللى الفلتر مكنش موجود العربيه كانت تلج ولما حطه ضعفت قوة الهوا شويه ولما سألته هو وحش قالى لاء كويس بس قوة الهواء بتاع التكييف ضعيفه اوى لازم اشغله على 4 علشان يجيب هوا ساقع وبردو مش بيتلج لكن بيسقع بعد مده خصوصا فى الحر الشديد بيسقع بعد مده طويله وفى عربيات تانيه بيسقع بسرعه وبيتلج جامد .... ايه الحل يا ريت حد يفيدنى
|
رد: سؤال عن تكييف البومة 2006
نضف السربنتينه بالماء و البريل و هيا في مكانها ممكن تكون مسدوده
و بعدين اليومين الحر اللي فاتوا مش مقياس لقدره التكييف |
رد: سؤال عن تكييف البومة 2006
غيرت فلتر التكييف وغسلت السربنتينه و الوضع اتحسن بس مش لدرجة التبريد الشديد زى عربيات تانية مش عارف اعمل ايه تانى خصوصا وان هوايات التكيف اللى فى النص ضعيفه اوى عن الاجناب
|
رد: سؤال عن تكييف البومة 2006
بص يا باشا انتا كدا عملت كل حاجة بس هوا فعلاً تكييف البومة أضعف من عربيات تانية يعني متنفعش تقارنها بالتويوتا ولا بالهوندا.
لكن هوا ممتاز ولو على 2 بيكون مسقع العربية كويس. ولو في اي استفسار انا تحت امرك. |
رد: سؤال عن تكييف البومة 2006
انا معايا لانسر ميراج و عندي مشكله فالتكيف.....بشغلو و هي العربيه واقفه عادي زي الفل...لاكن اول لما امشي و اشيل رجلي من علي البنزين العربيه تبطل....ياريت حد يفدني ده من ايه؟؟؟ولا اروح لمكنيكي ولا بتاع تكيف ولا ايه
|
رد: سؤال عن تكييف البومة 2006
بص يا سيدى انا كان عندى نفس المشكله التكييف كان ميت لحد مفكيت التلاجه واتغسلت كويس بقى تلاجه وخصوصا فى السفر اما بالنسبه للى عنده الميراج فمشكلتك هايفه روح لاى بتاع تكييف كويس حيركبلك جزء صغير بيركب جنب الكربراتير الهدف منه انه فى حاله تشغيل التكييف بيضغط على رداغ البنزين علشان يعلى صوت الموتور شويه علشان متبطلش
|
رد: سؤال عن تكييف البومة 2006
اكيد كل عربيه يتخلف تكيفها زي ما الاخ قال مينفعش تقارنها بالكورلا ولا الهوندا او المرسيدس الجديده وفيه كام سؤال بيقيس قوة التكيف بتاعك العربيه بتعتك خليجي ولا مصري عشان الخليجي بينزل بمواصفات في التكيف اعلى وبعدين العربيه لونها ايه لاني لونها ليه قابليه لامتصاص الحراره زي الانسر بتعتي السوده التكيف مش بيعمل حاجه في الصيف وهكذا ونظيف فلتر التكيف الي جوا العربيه كويس
|
| الساعة الآن 07:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017