عندى مشكلة فى لانسر بومة يا ريت حد يجاوبنى
 

السلام عليكم ورحمة الله وبركاته
انا عندى فى العربيه لانسر 2006 اوتوماتيك سوبر اكشن مشكله بقالها حوالى شهر مش عارف ايه السبب اولا: لما بشغل التكييف العربيه بتتقل شويه وده مش مشكله المشكله انى لما برجع لورا العربية بتتهز جامد اوى ولما بكون بجرى واجى اقف فى اشارة مثلا العربية تتهز جامد وقت الفرمله ولو جيبت الفتيس على المور بردو تتهز ومش عارف ايه السبب وده بيحصل مع تشغييل التكييف بس يعنى لو مش مشغله مش بيحصل كده .
الحاجة التانيه عندى التكييف ضعيف رحت لبتاع التكييفات زوده شويه وقالى هو كويس وخرج الفلتر من تحت التابلوه ونفخه بهوا وسقعت كام يوم وبعد كده رجع التبريد ضعيف مش حلو شغال بس مش بيتلج زى العربيات التانيه ومش عارف ايه المشكله ده عاوز يتزود ولا يمكن السربنتينه فى حاجة ولا الفلتر ولا ايه بالظبط..
يا ريت حد يرد عليا ويقولى ده من ايه على الرغم ان العربيه من غير ما اشغل التكييف سحبها عالى جدا و طياره ومش بتحصل الهزة ديه وانا عرفه فكره غيرت قاعده من قواعد الموتور وبردو الموضوع متحلش وخايف افك الفتيس يحصل فيه مشاكل وانا اخر مرة كشفت على الزيت كان شفاف وكويس مش ناقص ... اسف على الاطالة

رد: عندى مشكلة فى لانسر بومة يا ريت حد يجاوبنى
 

اعتقد ان قواعد الموتور او القنطره عندك فيها حاجه اكشف عليها في التوكيل.
بالنسبه للتكييف اغسل السربنتينه بميه و بريل و شوف ايه النتيجه

رد: عندى مشكلة فى لانسر بومة يا ريت حد يجاوبنى
 

شكرا على الرد السريع ... يعنى فى رأيك ده مش الفتيس لانى اخاف حد يشتغل فى الفتيس وهو كويس اوى من غير تكييف والسحب عالى ... يعنى بتأييد انها قواعد الموتور
شكرا لاهتمامك يا استاذ حازم

رد: عندى مشكلة فى لانسر بومة يا ريت حد يجاوبنى
 

الفتيس مش بيرج العربيه لكن الرجه بتيجي من الملحقات زي القواعد و القنطره ...الخ الخ الخ
اكشف عليها في التوكيل اضمن حاجه

رد: عندى مشكلة فى لانسر بومة يا ريت حد يجاوبنى
 

الف شكر على الرد

رد: عندى مشكلة فى لانسر بومة يا ريت حد يجاوبنى
 

بص يا باشا، انا المشكلة دي كانت عندي برضه و حليتها الحمد لله، اولا وقت ما العربية بتترج لاحظ كدة الRPM هتلاقيه نزل عن معدله حوالي شرطه او اتنين، يبقى كده حاجة من الاتنين، يا اما تعلي الموتور و ده بيزود عدد لفات الموتور، يا اما تشوف بتاع الكلبراتير يظبط لك حساس التكيف، الحساس ده هو المسئول انه يزود لفات الموتور لما تشغل التكيف بس وده مش هيخلي العربية تعمل الرجة دي تاني ان شاء الله

رد: عندى مشكلة فى لانسر بومة يا ريت حد يجاوبنى
 

سيدي الفاضل انا عندى اخت عربيتك و كان عندى نفس المشكله
و حلها بكل بساطه هو ان فى قاعده من قواعد الماكنه هى اللى عامله الفيلم ده كله
و فى الغالب القاعده اليمين اللى فوق الفتيس و تحت علبه فلتر الهوا او القاعده الخلفيه اللى فى القنطره من تحت
عموما اكشف على القواعد و اللى مش مظبوطه غيرها و هتشوف فرق شاسع ان شاء الله

بالنسبه للتكييف هو كده كده اضعف من عربيات كتير ده معروف من زمان
لكن عموما نضف فلتر التكييف كويس و لو كده غيره يكون احسن
و اغسل التلاجه من قدام فى مشحمه و هتلاقيه تمام ان شاء الله
و ياريت لو تقيس نسبه الفريون فيه تاني و لو لقيتها قلت عن معدلها الطبيعي فى حين انك لسه مزوده يبقى علطول على التوكيل لان كده هيكون فى تسريب فى ماسوره و و ده سهله ان شاء الله
و جرب و قولى