|
ممكن المساعده فى التيجوا 1600 العربيه بتاكل بنزين كتيراااااااااا
ممكن المساعده فى التيجوا 1600 العربيه بتاكل بنزين كتيراااااااااا اوى بتعمل 15 لتر فى 100 كيلو ورحت التوكيل اكترمن كام مره ولسه نفس العيب عاوز حل فى الموضوع ده مع العلم ان العربيه عزمها ضغيف ياريت اللى معاه العربيه يقولى بتعمل معا فى 100 كيلو كام لتر ؟؟؟؟؟؟؟؟؟؟؟؟
|
رد: ممكن المساعده فى التيجوا 1600 العربيه بتاكل بنزين كتيراااااااااا
ايه مفيش حد معاها العربيه وعارف بتستهلك معا قد ايه
|
رد: ممكن المساعده فى التيجوا 1600 العربيه بتاكل بنزين كتيراااااااااا
أنا حرد بصفتى معاى 516 وهى نفس الموتور المفروض أن العربية تعمل فى الصفيحة " 20 لتر " 200 كيلو وده لو فى وسط البلد من غير تشغيل التكييف ولو شغلت التكييف فى الحر ده اللى أحنا فيه وفى الزحمة اللى أحنا فيها ده الصفيحة " 20 لتر " 170 كيلو وفى السفر الموضوع بيختلف تماماً يعنى مثلاً فى الصحراوى والتكييف شغال والسرعة لا تقل عن 140 كم/س الصفيحة " 20 لتر " تستهلك 380 كيلو ده بالنسبة لإستهلاك مواتير أسبرانزا الـ 1600 cc وكنت عايز أعرف منك أنت بتسوق أزاى ؟ بمعنى ... أنت بتحرق الغيار للآخر ؟ وبتنقل و RPM على كام ؟ وهل أنت من الناس اللى بتسند رجلها على الدبرياچ وهى سايقه ؟ منتظر ردك |
رد: ممكن المساعده فى التيجوا 1600 العربيه بتاكل بنزين كتيراااااااااا
انا مابشغلش التكيف والغيار لغايه rpm 4 وسعات لغايه 4.5 والسرعه يعنى 100 وسعات 120
|
رد: ممكن المساعده فى التيجوا 1600 العربيه بتاكل بنزين كتيراااااااااا
اقتباس:
طيب ... عايزين نجرب الآتى تنقل على 3 وتريح الغيار ومتقرصش عليه للآخر يعنى الثانى أنتقل على 3 والثالث على 3 والرابع على 4 ودوس على دواسة البنزين عند التسارع واحدة واحدة إن شاء الله الأستهلاك حيقل معاك مع العلم أن برضه عدم تشغيلك للمكيف المفروض يكون أستهلاك البنزين اقل من كده بكتير ! جرب بس تغير طريقة سواقتك ونشوف لو أستمر معاك نفس العيب روح فرست كار اللى فى فيصل ... مركز خدمة معتمد بس فيه ناس محترمة وحتعرف تأخد حقك |
رد: ممكن المساعده فى التيجوا 1600 العربيه بتاكل بنزين كتيراااااااااا
انا معايا التيجو 1600 وهى فعلا بتستهلك بنزين اكتر من ال 516 وممكن تقلل....بس بشروط
1. السرعة لا تتعدى 90 ....السرعة المثالية (استهلاك تقريبا 8 لتر\100كم على الطريق السريع والتكييف مقفول...لو شغال بتوصل تقريبا 9 لتر\100كم) 2. التسارع يكون معقول...يعنى ماتقرص على العربية لما تشد بيها 3. خد بالك ان العربية سحبها ضعيف ف الاول لان الموتور لسة مالينش ....بعد ال5000 كم العربية بتفوق جامد....يعنى لو عايز سحب كويس والعربية جديدة خللى التسارع حنين وهى هاتستجيب معاك. 4. ماتنساش ان العربية وزنها اكبر بكتيير من ال516 والكاوتش عريض....يعنى لازم تلاقى اختلاف ف السحب مع استهلاك بنزين اكبر وداخل المدينة مع التكييف و الزحمة فعلا ممكن توصل متوسط 12-13 لتر...ودة ف رأى طبيعى |
رد: ممكن المساعده فى التيجوا 1600 العربيه بتاكل بنزين كتيراااااااااا
شكرا علي المعلومات القيمه
Saifing |
| الساعة الآن 10:26 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017