الاتوماتيك و المانيول"مزايا وعيوب"

<HR style="COLOR: #ffffff" SIZE=1><!-- / icon and title --><!-- message -->
انا عاير اجيب نيو اكسنت اتوماتيك بس فيه ناي صحابي حذروني انه الاتوماتيك عموما مش كويس علشان لو عطلت في نص الشارع هتقفش و مش هتتحرك ؟ ياتري ده صح ولا؟
لو فيه عطل لاقدر الله في الاتوماتيك .يحتاج يتغير كله ؟؟ ثمن الفيس الاوتوماتيك كام؟ رجاء المساعده و شكرأ.
ياريت كل واحد يدخل يقولنا مزايا و عيوب المانيول و الاتوماتيك من وجهة نظره؟؟؟

رد: الاتوماتيك و المانيول"مزايا وعيوب"
 

الاتوماتيك : سهولة فى القيادة فى الزحام او على الطرق السريعة المليئة بالمطبات على العكس من المانيوال الذى يحتاح الى التغيير الكثير
قلة العزم لانة بيغير النقلات بدرى .. يعنى مش هتعرف تطلع العزم بتاع المحرك ولاكن دة فى حد ذاتة ميزة انة بيحافظ على المحرك والجير من الناس الى بتتقل على المحرك جامد او بتخلى العربية تكركر فى حالة اعطاء غيار على على
سرعة قليلة كمان الاتوماتيك بكون استهلاك البنزين بتاعة اعلى من المانيوال
لاكن المانيوال هتعرف تطلع العزم بتاع المحرك وتستمتع بالقيادة الرياضية فى مقابل ذلك انت ملزوم بنقل الغيارات على سرعة معينة حتى لا تضر السيارة
السيارة الاتوماتيك اثقل من السيارات المانيوال
مشاكل الفتيس كثرة وفى حالات لا يتصلح غير تغيير الفتيس كامل ومش كل الميكانيكية يفهموا فية كويس
الاتوماتيك هيريحك من موضوع الدبرياج دة خالص ومن مشاكل الدبرياج واعطالة على عكس المانيوال الى دايما بتحصل مشاكل فى الدبرياج فى السياة المانيوال... (على حد علمى)

رد: الاتوماتيك و المانيول"مزايا وعيوب"
 

الاتوماتيك: سهولة وراحه فى القيادة فى الزحام او على الطرق السريعه
ومن اجل المحافظة عليه يجب مراعاة مراجعة الزيت الخاص بالفتيس حتى لا يحدث تآكل برقائق الإحتكاك بالفتيس

رد: الاتوماتيك و المانيول"مزايا وعيوب"
 

المانيوال عملي اكثر من حيث الخدمة الاطول
الاوتوماتيك ممتاز في المرسيدس

رد: الاتوماتيك و المانيول"مزايا وعيوب"
 

الاتوماتيك طبعا راحه ومن حيث الاعطال فالكلام دا مش فى الزيرو اقل شى خمس سنين علشان تظهر فى اعطال
المانيوال لعشاق القياده الرياضيه بس هو تعب وخصوصا فى الزحمه
وعلى فكره اعطال المانيوال مش قليله يعنى مثلا كل فتره هتغير دسك واسطوانه ديبرياج وممكن البليه بتاع الدبرياج تخشن وتضطر تغيرها, وكمان فى بستم الدبرياج العلوى والبستم السفلى وخزنه زيت الدبرياج ممكن تبوش وتدخل هواء ,,,, وكل شويه الدبرياج عاوز يتظبط وكدا يعنى
وعلشان الاعطال دى مش بتبقى مره واحده فبتحس انها مش مكلفه لكنها نفس تكاليف الفتيس الاتوماتيك .
لكن الاتوماتيك بيبقى مره واحده فبتحس انه مكلف
وفى النهايه العربيه مبيكملش وقارها وجمالها الا بالفتيس الاتوماتك , لانى بجيب عربيه علشان تريحنى مش علشان تتعبنى , ودا رايى .

رد: الاتوماتيك و المانيول"مزايا وعيوب"
 

الاتوماتيك راحه بال وراحه اغصاب ووقار للعربيه , المانيوال تعب شويه وبالذات فى الزحمه بس هو اشد لمحبى القياده الرياضيه