|
سحب الفورد فوكاس 2010
اخوانى الاعزاء مقبل على شراء فورد فوكس 2010 زيرو والرجاء توضيح مدى كفاءة السيارة فى السحب اثناء تشغيل التكييف ومحمل ركاب وامتعة هتكون عاملة اية ولو اى اخ فاضل من الاعضاء يمتلك الموديل ارجو توضيح المميزات والعيوب بدقة وامانة وشكرا للجميع |
رد: سحب الفورد فوكاس 2010
18 مشاهدة ومفيش واحد يفيدنا فى الموضوع
|
رد: سحب الفورد فوكاس 2010
هوالواحد بيكلم نفسة خلاص كل الى اشترى فورد مش موجود
|
رد: سحب الفورد فوكاس 2010
باشا ..... انا شايف ان قطع غيار الفورد فى مصر غاليه
ليه لا تفكر فى سيارات بديله عنها ميتسوبيشى لانسر شارك نيسان بلوبيرد شيفروليه كروز ........... وفى انتظار الرد على سيارات فورد.... من الاعضاء فى المنتدى |
رد: سحب الفورد فوكاس 2010
اقتباس:
اخى الغالى انا معاية اوبل فيكترا 2001 قوة الماتور 2000 سى سى والاوبل معروف بقوتة وثباتة وعرفت ان سيارات فورد تتمتع بمميزات القوة وبالتالى معرفش اخرج من الدايرة دى بس حابب قبل ما اشترى زيرو اتاكد من الاعضاء الذين يمتلكون الموديل |
رد: سحب الفورد فوكاس 2010
للة الامر من قبل ومن بعد مفيش واحد مهاة العربية بيدخل المنتدى |
رد: سحب الفورد فوكاس 2010
بص يا باشا ... انا بصراحة كانت مع واحد صاحبى 2005 الشكل القديم يعنى و كان جايبها زيرو بردو و انا على طول كنت بركب معاه و اخدتها منه كذا مرة ...و بحكم ان الواحد هاوى عربيات كنت بساله على طول و بلاحظ بنفسى ... هاقولك انطباعى عنها .. يمكن يفيدك
و سامحنى على التأخير ,, انا قلت يمكن حد من الاخوة يكون عنده العربية و يفيدك.. الفورد عموما بيتقال عنها انها driver car يعنى عربية لمتعة السائق بالسنبة للقيادة و الاداء اللى انت بتسأل عنهم : مجملا تعتبر من افضل السيارات فى فئتها السعرية يعنى ساعتها بالنسبة للكرولا و الصنى و السيفك كانت احسن منهم جميعا فى السحب و الشد و التحكم و الثبات برده كانت افضل منهم شوية .. مش كتير و تكيفها تلاجة و بيأثر على السحب طبعا زى اى عربية و لكن تاثير غير ملحوظ.. يعنى مش هيضايقك و انت سايق و يعيبها قطع الغيار الغالية ( و ده بيعتمد على الوكيل) و يعيبها سمعتها (الغير جيدة) بالنسبة لقصر عمر السيارة و قطع الغيار ( ولكن هذه معلومات غير مؤكدة ... كلام الناس يعنى) و هى فضلت مع صاحبى سنتين و بعدين باعها لظروف السفر و خلال السنتين دول .. ما شاء الله كانت ماشية معاه زى الفل |
| الساعة الآن 11:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017