الإطارات و النيتروجين
 

رد: الإطارات و النيتروجين
 

اخى وصديقى العزيز اسلام حمد لله على سلامتك وربنا يتقبل منك صالح الاعمال كلها

بخصوص النتيروجين فعن تجربة فعلا بيفرق بنسبة بسيطة فى تحمل الصدمات مش علشان هو نيتروجين بس علشان ضغط العجل بيفضل ثابت بدرجة كبيرة ومش بيزيد مع المشى فتبقى العجلة منفوخة زيادة عن الازم فتبقى اكثر صلابة

كمان لو استخدمت النتروجين مع عجل تيوبلس جديد هيديك نتيجة ممتازة انا شخصياً باستخدم النتروجين من فترة ومن ساعة ما استخدمتة نادرا ما بحتاج انى ازود العجل زى الاول الا لما الكاوتش يتخرم او حاجة غير كده الضغط ثابت دايما وديه الاستفادة الحقيقة اللى انا حاسسها من استخدام النتروجين

انا سمعت ان النيتروجين مش بيتمدد زى الهوا العادى وكمان كثافتة اقل فبيكون مريح فى المطبات وكمان مش بتحتاج تزود العجل كل شوية

رد: الإطارات و النيتروجين
 

الكام ده كمن بيفيد عدم تعرض الاكار للانفجار بسبب تمدد الهوا

رد: الإطارات و النيتروجين
 

الكلام ده كله مظبوط فعلا نظريا واسلام اكد عليه فى موضوعة بس هو قصدة وتساؤلة منطقى لان الكاوتش فعلا بيبقى فيه نسبة هواء عادى قبل ما يتملى ومش بيتم تفريغة
بس انا عن تجربة فعلا فيه تاثير بسيط فعلا فى ليونة الكاوتش مع المطبات وتحديدا مع الطرق المكسرة ومش بحتاج ازود تانى كل اسبوع او كل شهر زى الاول بالعكس بملاه نتيروجين وبنساها الا لما بتحصل (خرم) من مسمار او حاجة غير كده بقالى سنتين بستخدمة ومريحنى فعلا بس مع اعتبار انى بستخدمة من اول ما اشتريت الكاوتش يعنى والكاوتش سليم وبملاه عند درش وده محل ثقة وبشوف الجهاز بنفسى

رد: الإطارات و النيتروجين
 

رد: الإطارات و النيتروجين
 

لدي إحساس بأن موضوع النيتروجين ليس بتلك الأهمية التي يتحدث عنها المروجون له


كلما أسأل واحد عن فوائد النيتروجين تجد الردود كالتالي:

- 1 - بيريح الكاوتش في المطبات !! وبيعطي الكاوتش طراوة زيادة !!

والحقيقة هذا الكلام لا يدخل الرأس أبداً
فالمعروف أنك تقوم بضغط الهواء أو النبيتروجين في الإطار على درجة معينة وهي مثلاً 30 psi
والحقيقة العلمية تقول أن مقياس الضغط 30 لكل من الهواء والنيتروجين وبالتالي معدل مرونة الكاوتش واحدة لأن الضغط واحد عند ثبات درجة الحرارة
وحسب القانون العامل للغازات فإنه عند ثبات درجة الحرارة يتناسب الضغط عكسياً مع الحجم
بمعنى أنه عند ضغط معين للكاوتش سيكون مقدار مرونة الكوتش في المطبات واحدة


- 2 - ضغط ثابت مع تغير درجة الحرارة ؟؟!!!

وهذا كلام مخالف للعقل
والقانون العام للغازات يقول pv=rt
فلابد من تغير الضغط مع تغير درجة الحرارة لأن حجم الكاوتش او الإطار ثابت


- 3 - أن النيتروجين مضاد للصدأ !!!

وهذا أيضاً خطأ
لأن الصدأ ينتج من الهواء والماء
وحيث أنه لابد من وجود نسبة هواء بالإطار قبل نفخه وهي تساوي ملئ حجمه في حالة الضغط الجوي
وكذلك فإن بخار الماء يحدث له أن يتكثف داخل الإطار
والبتالي أهلاً بالصدأ في حال أن الجنط غير معالج ضد الصدأ

الحقيقة لقد قمت بملئ إطارات سيارتي من عند درش بالنيتروجين منذ حوالي سنة ونصف
ولم أحس بأي تغيير
قد يكون غيري أحس بتغيير
لكن أنا لم أحس بتغيير
وبالتالي عند أول عملية تزويد قمت بالتزويد بالهواء العادي

وهذه وجهة نظري في موضوع النيتروجين

وللعلم فإنه أحياناً قد تكون هناك نظرية علمية تؤكد جدوى أمر معين ولكن بقيمة أصغر من أن يلاحظها أي إنسان وبالتالي تصبح بلا قيمة