توكلت على الله و استقريت على الماروتى - ارجو دخول اصحاب الخبرة فى الماروتى
 

بسم الله الرحمن الرحيم
قررت خلاص اجيب ماروتى 2010 تقسيط ان شاء الله
بس كنت عايز اعرف من الناس اللى عندهم الماروتى او اللى جربوها
عايز اعرف رايهم فى التعليق و فى السحب و فى السرعة و فى كل حاجة عن العربية
بس يارريت عدم تكرار المعلومات الاعتيادية
يعنى انا عارف انها 800 سى سى و انها 3 سلندر و الحاجات دى
بس انا عايز رأى حد مجربها
بس ياريت يا جماعة الرد يكون بسرعة
شكراااااااااااا مقدما

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

ايه يا جماعة
30 واحد شافوا الموضوع و ولا واحد رد
على العموم شكرا

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

يا استاذ توبجي الماروتي ممكن مش منتشره بين اعضاء المنتدي و حضرتك عاوز خبره مستخدمين مش آراء شخصيه
عموما الماروتي عربيه كويسه جدا و اقتصاديه و تجميعها ممتاز لكن استعمال داخل البلد و ليس طرق سريعه
مش معني كده انها مش بتسافر لكن مش بتاع قرص جامد و مشقه
في النهايه عربيه في المجمل كويسه اووووووي

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

عربية جميلة بس مش بتاعت جرى وبهدله

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

ربنا يكرمك يا استاذ حازم
انا كنت يأست ان حد يرد على الموضوع
و مقرصش عليها يعنى مجريش بيها كتير؟
ولا مقرصش عليها يعنى اشد بيها فجأة و غرز و كدة؟
و شكرااا لجضرتك



احمد باشا
شكرا لردك
و حكاية انى مجريش دى صعبة ptmnlo123per144
و شكرااا لرد حضرتك

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

العفو يا استاذ توبجي
بالنسبه للقرص هو مش محبوب في كل العربيات
و الماروتي موتورها صغير
يعني اجري بيها بس الموتور يبقي مرتاح مش دايما رجلك علي اخر الدواسه
لكن لو انت من هواه الجري العربيه مش حتعمر معاك كتير خلي بالك

رد: توكلت على الله و استقريت على الماروتى - ارجو دخول اصحاب الخبرة فى الماروتى
 

أهلا بك يا استاذ طوبجى
مثل كل انسان عملى انت فكرت تفكير صحيح فى اختيار سيارة اقتصادي
و معنى اقتصادية يشمل الآتى:
1-البنزين
بما أن السيارة كاربيراتير و ليست انجكشن فممكن تحط 80 بس مش دايما
بمعنى انك ممكن تفول مرتين 80 و مرة 90.
سعة التنك 28 لتر ممكن تمشى عليهم حوالى 450 الى 500 كم
2-قطع الغيار
اسعارها رخيصة جدا و متوفرة فى كل مكان سواء الاصلية او الهندى و يوجد فرق شاسع بين اسعار قطع غيار الماروتى و بين اى سيارة اخرى

المهم ان سيادتك لازم تكون عارف ان السيارة عاملة زى الطفل الصغير لازم تراعيها فى كل مراحلها بمعنى ان الصيانة واجبة فى مواعيد معينة و لا تنتظر حدوث العطل حتى تصلحه
الصيانة الدوريةptmnlo123per154 سير الكاتينة و سير الموتور و طقم الكهرباء (ابلاتين و كوندنسر و بوجيهات) و ايضا اهتم بغيار الزيت و فلتر الهواء و البنزين و الزيت
انا معايا ماروتى موديل 1994 و سيارة جميلة جدا و بتجرى و بسافر بيها بس بالعقل و مش باحمل على الغيارات و باديها راحتها على الطريق
و على فكرة انا باعمل كل حاجة فيها بايدى الحمد لله مش باروح للميكانيكى غير فى الضرورة القصوى
ربنا يطرحلك فيها البركة و تحت امرك فى اى استفسار