مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - سؤال عن الفيرنا (https://www.masrmotors.com/vb/showthread.php?t=26002)

سؤال عن الفيرنا

عندى سؤال:
قمت بشراء سيارة فيرنا مانيوال GLS جديدة ، عامل بيها لغاية دلوقتى 650 كم لدى بعض الملحوظات على السيارة:
-السيارة بتحدف شمال خفيف
-الدركسون تقيل شوية
-السيارة بتبطل احيانا بعد المطبات او وانا طالع من اشارة من على المور او الاول
(ليست المشكلة فى فهذه ليست اول سيارة اسوقها)
-اليوم عصرا عندما قمت بوضع المفتاح لتدويرها لم اجد اى استجابة (قاطعة) ، انتظرت قليلا وحاولت تانى دارت (الساعة تغيرت)
-وفى حاجة انا مش متأكد منها لسة : حاسس بسخونة خفيفة عند الدواسات
.
ارجو الافادة

رد: سؤال عن الفيرنا

اقتباس:

المشاركة الأصلية كتبت بواسطة at_polo (المشاركة 181840)

عندى سؤال:
قمت بشراء سيارة فيرنا مانيوال GLS جديدة ، عامل بيها لغاية دلوقتى 650 كم لدى بعض الملحوظات على السيارة:
-السيارة بتحدف شمال خفيف
فى صيانة 1000 اعملها فالمركز الرئيسى بابو رواش وقلهم على الحدفة وهم هيظبطولك الزوايا لكن ممكن تدفع المصنعية وكانت فى حدود 70 جنية على ما اذكر لكن حاول معاهم وقولهم ان دة عيب من ساعة ما استلمت العربية واعمل رصرصة كاوتش كمان لان الغربلة بتحس بيها بعد سرعة 100 كم/س واكيد حضرتك فالتلين لسة مجربتهاش
لكن لو الحدفة حاسس بيها جامد ( مع وضع فى الاعتبار سوء الطرق المصرية ) ممكن تروح التوكيل دلوقتى ولكن يفضل الاتصال بهم اولا ً للتأكد من ان جهاز ضبط الزوايا شغال لانى جربتة مرتين وكان بة عطل
-الدركسون تقيل شوية
- راجع على ضبط هواء الكاوتش لو مريح شوية زودة مع ملاحظة ان الكاوتش اللى نازل فيها لو نسر مصرى يبقى هتحتاج تغيرة قريب وطبعا ً حرام تغيرة دلوقتى ممكن تمشى بية سنة او 20 الف كم وبعدها لما تغيرة هتحس بالفرق جامد
-السيارة بتبطل احيانا بعد المطبات او وانا طالع من اشارة من على المور او الاول
(ليست المشكلة فى فهذه ليست اول سيارة اسوقها)
- شوية ورجلك هتاخد عالعربية ودة بيحصل احيانا ً معى لما ابعد شوية عن العربية واركب الاتوماتيك يعنى من الاخر ( عيب سواق يا باشا ) ويفضل وضع بنزين 92 علشان العربية متكركرش او تسقف عالمطبات وفى الطلعة
-اليوم عصرا عندما قمت بوضع المفتاح لتدويرها لم اجد اى استجابة (قاطعة) ، انتظرت قليلا وحاولت تانى دارت (الساعة تغيرت)
- اعتقد ان بكدة البطارية فصلت تماما ً مع الحمل ببداية التشغيل وهنا لازم تبص على القواشيط بتاعة البطارية اللى مربوط بيها كبلات العربية وتحرق عليها شوية بمفتاح 10 والمفتاح موجود معك بعدة العربية واكشف على سائل البطارية عند اى كهربائى
-وفى حاجة انا مش متأكد منها لسة : حاسس بسخونة خفيفة عند الدواسات
- اليومين دول الجو حر وطالما مؤشر الحرارة فى مكانة يبقى لا تقلق والموضوع دة عزل وطبعا ً مفيش لبادة عزل بين صدر حوض الموتور والكابينة ودة السبب
.
ارجو الافادة

كل ما ذكرت لحضرتك مابين تجربة شخصية فى الغالب او وجة نظرى الخاصة ولكن نصيحة :- اكتب كل ملاحظاتك اولا ً بأول فى ورقة واى شىء مجرد انك فكرت فية اكتبة ايضا ً وضع الورقة دائما ً بالسيارة وعند صيانة الـ 1000 كم من الورقة امام مهندس الاستقبال وخلية يسجل كل حاجة بأمر الشغل واتأكد من ذلك وان شاء الله تبقى زى الفل
والعربية حلوة ولا تدع تلك الاشياء التافهة تفسد عليك استمتاعك بالعربية
ومبروك السيارة وربنا يديك خيرها ويكفيك شرها

رد: سؤال عن الفيرنا

الترصيص وظبط الزوايا بيتعملو مجانا مع صيانة ال 1000 كيلو ومتقلقش اهم حاجه دون كل ملاحظاتك علي العربية في ورقة ولما تروح الصيانة تتاكد انهم دونها عندها ومتاخدش العربية من مركز الصيانة وتروح علطول لا جربها في المنطقة المحيطة بمركز الصيانة واي مشكلة ارجعلهم تاني وخليهم يبصوا عليها وتقبل تحياتي ولو كدا انا ممكن اقابلك ونروح مع بعض مركز الصيانة واخليهم يظبطولك المشاكل ديه انا ان شاء الله داخل الصيانة علي يوم 25 مايو واي استفسار اخوك احمد في الخدمة فيرناوي زيك بالظبط بس انا موديل قبلك بسنه 2009 وده رقم تليفوني 0182321455

رد: سؤال عن الفيرنا

MESHO
اشكرك على الرد الجميل المرتب الذى قمت به
على فكرة:
-العربية انا سايقها بقالى اسبوع وبالمعدل ده انا ممكن اعمل ال1000 كم على الاسبوع الجاى
-هناك من قال لى السيارة لا تحتاج الى تليين ، وهناك من قال امشى على 80، وهناك من قال امشى على 100
-الكاوتش اللى فى العربية LASSA

رد: سؤال عن الفيرنا

احمد CORSAIR
شكرا جذيلا على المساعدة
عندما يظهر اى شىء جديد سأقول لكم

رد: سؤال عن الفيرنا

ربنا يبارك لك فيها ان شاء الله
- والسيارة يفضل الا تتجاوز 80 كم /س فى اول الف كم وخليك فى المضمون لاننا سمعنا كتير ان العربيات لا تحتاج الى تلين وحتى العربيات اليابانى اللى الكل بيؤكد انها لا تحتاج الى تلين تلاقى مكتوب فى الكتالوج نصائح لفترة التلين
- انا لسة مغير الكاوتش وجبت Lassa التركى لانة اتقلى انة ممتاز وفعلا الفارق كبير جدا ً بينة وبين النسر المصرى ويحسب ميزة لغبور انة حط الكاوتش دة
- لو البطارية عندك سائلة يبقى هتلاقى خرطوم فايز بالجانب اليسار وانت فاتح الكبوت والخرطوم دة صغير وبيبقى ملفوف حول نفسة غير الخرطوم دة بخرطوم مقاسة ولكن اطول ونزلة حتى اسفل العربية مع تثبيتة وخلية يبعد عن اى صاج بالاسفل لانة ممكن ينزل حمض وانت ماشى ودة بيأثر على الصاج وبيبوظ مكان وضع البطارية لو سبتة مكانة
- خليك مع corsair لان دماغة عالية

رد: سؤال عن الفيرنا

ربنا يبركلك فيها وتعيش معاك انشاء الله