بافكر أجيب لادا زيرو ..حد يعرف فى روسى نازل السوق و نظامها إيه
 

رد: بافكر أجيب لادا زيرو ..حد يعرف فى روسى نازل السوق و نظامها إيه
 

رد: بافكر أجيب لادا زيرو ..حد يعرف فى روسى نازل السوق و نظامها إيه
 

يعنى ضاقت بيك الدنياومش لاقى غير اللادة وكمان عايز تجيبها زيرو طب جبها مستعملة علشان مش هتفرق فى حاجة غير فى ثمن العربية وأزاى بعد كل البحث دة ما لقتش حاجة مناسبة غيرها لو عاوز تعذب نفسك هات اللادة مع أحترامى لكل ملاك اللادة ...

رد: بافكر أجيب لادا زيرو ..حد يعرف فى روسى نازل السوق و نظامها إيه
 

هاتها مستعمل احسن اهى كدة كدة حتقرفك يبقى وفر فلوسك

رد: بافكر أجيب لادا زيرو ..حد يعرف فى روسى نازل السوق و نظامها إيه
 

لادا 2107 نازله فى مصر بمحرك 1600cc
روسى او مصرى ...... ونازله بتكييف وبدون تكييف
الروسى انجكشن كامله 54000
المصرى كاراباراتير 50500
دا على حسب الصوره المرفقه من موقع كونتاكت كارز
والله انا برده بفكر فى السياره ...لعده اسباب :-
1- ممكن الواحد يحط بنزين 80 وهو مش زعلان
2- لما تتخبط عادى برده مش هيزعل

رد: بافكر أجيب لادا زيرو ..حد يعرف فى روسى نازل السوق و نظامها إيه
 

السلام عليكم
احنا لسه شاريين لادا 2006 مستعمل روسي 1500 سي سي يجي من اقل من سنة

هي اللادا المصري 1600 سي سي وفيه منها بتكييف وتقريبا كل المصري بباور
الروسي 1500 سي سي من غير تكييف او باور لكن الدركسيون مش وحش مش زي بتاع زمان يعني
احنا فضلنا الروسي عشان ابويا كان بيشوف الروسي واقفه علي حيلها شوية يعني ماسكة نفسها انت عارف الشعور ده
-----------------
بس فيه حاجة مهمة احنا اشتريناها من سوق الجمعه ب 37 الف وتمسكنا بيها جدا عشان الحمد لله كانت حالتها عجبانا جدا حتي عمي مسك فيها علي الباب وقال لابويا متسيبهاش
فالمستعمل في اللادا سعرة بيبقي نازل اقل من 40 عشان طبعا يعرفوا يبيعوها
فالمصري بيتراوح من 30 لغاية 40 حسب السنة والروسي بيبقي اعلي شوية من المصري
انا بتكلم علي السنين القريبه من 2006 وانت طالع يعني
فانت ممكن تشوف مستعمل يكون كويس في حدود 35 يبقي كويس جدا وطبعا انت ادري بظروفك
هي كانت جايه بتكييف بس متركب يعني مش حاية من بلادها بتكييف
بس هي مشاكلها السخونة وانها عربية تقليدية في الميكانيكا زي عربيات ال سبعينات
لان اللادا جاية مصر غلط وهي معموله علي ظروف سيبيريا فتيجي هنا وبتسخن جدا خصوصا اننا مشغلينها تاكسي
غير كده انا بيتهيألي هي عربية كويسة كملاكي
يعني احسن من العربيات القزمة واللي تقعد فيها يجيلك ضيق في التنفس زي الهيونداي 110 والبيكانتو الحجات دي
بس هو موضوع الشعور بالتقليدية هو ده بس المشكلة
حاجة اخيرة انا معرفش موضوع الروسي ال 1600 اللي علي موقع كونتكت ده يمكن ده نازل من 2010

بس فيه فكر كمان لو انت معندكش مشاكل في المستعمل ليه متفكرش في فيرنا مستعمل ممكن تتراوح من 45 ل 50 او 55
برضه عربية كويسة

وربنا يكرمك ان شاء الله