عندي مشكلة مع تكييف اللوجان
 

انا لسه شارية عربية رينو لوجان هاف اوبشن من شهر .. العربية الحمد لله معايا زي الفل
المشكلة الوحيدة هي التكييف .. التكييف ضعيف جداً في اوقات الظهر و الحر و كويس بالليل بس
و مش عارفة اعمل ايه رغم اني ضبطتة عند المعرض بس لسه برضة سئ
انا عاملة 2700 ك و قالولي ان الحل اروح الصيانة
فهل في صيانة في التوكيل قبل ال5000 و هل المشكلة دي مع حد تاني خصوصاً اني انا و واحدة صاحبتي اشترينا العربية في نفس الشهر و من معرضين مختلفيين لكن احنا الاتنين عندنا نفس المشكلة مع التكييف
يا ريت حد يفيدني

رد: عندي مشكلة مع تكييف اللوجان
 

اولا مش طبيعى ان التكييف يكون ضعيف لان التكييف اللوجان كويس جدا انا النهاردة كنت عاملة على الدرجة التانية ولما بقف فى زحمة بعمله على الدرجة التالتة وكانت شوية وحتشتى جوة العربية
......................... .............
الخطوات اللى انا بستخدمها علشان اشغل التكييف
1- بفتح كل ازاز العربية
2- بشغل المروحة على اعلى سرعة (4) بدون ما اشغل التكييف
3- ببدأ اشغل زرار التكييف وابدأ اقفل الزجاج واحد واحد فى خلال دقيقتين
4- ببدأ اقلل سرعة المروحة على حسب الحاجة
ودة المفروض بيتعمل مع اى عربية مش اللوجان بس ... يخرج الهواء السخن من داخل الصالون وبعد كدة يشتغل التكييف بكفاءه
......................... ...................
طيب لو انت بتعملى الحاجات دى والتكييف بردو اداءه مش مرضى او ضعيف
هنا بقى لازم الصيانة تتدخل وغالبا حيكون شحن الفريون عايز يتظبط سواء يتقلل شوية او يزيد شوية ودى حاجة عادية وبتتظبط بسهولة فى الصيانة واغلب مشاكل التكييف بتكون ظبط الفريون وغالبا بتكون شحن زيادة لزوم التخزين
......................... ....................
لو الموضوع مضايقك لدرجة انك مش قادرة تستغنى عن التكييف لحد ميعاد الصيانة ... اتصلى 16202 وقوليلهم على الموضوع
واحجزى يوم تروحى تعملى الكشف على التكييف وان شاء يتظبط ودى حاجة بسيطة لا تقلقى

رد: عندي مشكلة مع تكييف اللوجان
 

على فكرة من أحلى الحاجات في العربية دي التكييف بتاعها من ساعة ما جبتها من حوالي شهر عامل 1400 كجم
و في عز الحر بشغل التكييف على أول سرعة بس واللة واللة ببرد .
ياريت تروحوا التوكيل و تشوفوا المشكلة فين .

رد: عندي مشكلة مع تكييف اللوجان
 

انا عامل بالعربيه 3600 كيلو ولما بشغل التكييف بشغله على اول حاجه ((اضعف حاجه)) وكمان بوزع الهواء بحيث يكون غير مباشر ليه والمروحه هاديه جدا بيبقى زي الفل ومافيش مشكله وبيخل العربيه جوها ممتاز جدا وساعات ببقى عايز انام :HAPPY_~211:ptmnlo123per1 72

رد: عندي مشكلة مع تكييف اللوجان
 

السلام عليكم ،،،
انا اسمي محمد عدنان و انا معايا رينو لوجان فل اوبشن و عندي مشكلة تظهر في التكيف بتاع السيارة لمل يكون الجو حار وقت الظهيرة تصل درجة الحرارة الي 45 يكون اداء التكيف سيئ للغاية يكون المروحة علي 4 واعلي تبريد اما بالليل يكون تمام زي الفل فما الحل ؟
هل علشان التكيف الرينو اوروبي بيعمل كده أم سوء في شحن الفريون كما ذكرتم من قبل انا عامل بالعربية 2100 كيلو .
ارجو الافائدة لوسمحتم من حد مجرب و الف شكر...

رد: عندي مشكلة مع تكييف اللوجان
 

فى مفتاح وضعية اختيار مسار الهواء له وضعين اظبطه على وضع تدوير هواء الصالون ليس وضع دخول هواء جديد من الخارج
و لما تركن العربية رجع وضع المفتاح الى وضع الهواء الخارجى لتجنب كسر الزجاج نتيجة ارتفاع ضغط الهواء اثناء ركن السيارة تحت الشمس
و كده كده كفائة التكييف بالليل احسن من الصبح

رد: عندي مشكلة مع تكييف اللوجان
 

انا عامل 7000 كيلو بالعربية و التكيف زى الفل لازم تروحى الصيانة