|
سايبا برايد 2009 / 2010
( بــــــــــــــــــــــــ ـــــــســـــــــــــــــ ـــــــــــم الله الرحـــــــــــــــــــــ ـــمن الرحيــــــــــــــــــــ ـــم )
أنا كنت عايز أسئأل يا جماعة هية السايبا برايد إلى فى التوكيلات دلوقتى دى سيبا برايد 2010 وللا 2009 وهل فى أصلاَ نوع منها 2010 لأن فى الجرائد الأسبوعية عن السيارات بيعلنوا عنها فى شركة ناشونال موتورز كثير ولما بشوف سنة الإصدار للعربية بلقيها 2009 . فكنت عايز أعرف منكم العربية دى فى منها 2010 وللا هية إلى نزلت حتى الأن 2009 بس . وإذا كان فى منها 2010 ممكن ألقيها فين بالظبط . وفى النهاية أنا بشكركم جداَ على تعاونكم مع الأعضاء كأخوة واحدة قلبهم على بعض . شــــــــــــــــــــــــ ـكـــــــــــــــــــــــ ــرأ . |
رد: سايبا برايد 2009 / 2010
بصراحة انا معرفش اللى هتشتريها جديدة هتترخص موديل كام بس المفروض ناشيونال موتورز هيوضحولك النقطه ديه بالظبط لان مفيهاش تهريج او تلاعب
|
رد: سايبا برايد 2009 / 2010
شكراَ لردك على الموضوع يا أستاذ ( أبو نوره )
بس أنا كنت عايز أستفسر منك : هية العربية إلى فى التوكيل هتكون 2009 بس هما هيقولوا إنها 2010 أو السؤال بصيغة أخرى : عربية سايبا برايد نزل منها أصلاَ موديل 2010 وللا لأ . ومعلش أخر سؤال يا أستاذ ( أبو نوره ) : إيه إللى المفروض أستلموا من ورق أو عقود من التوكيل , وإيه إللى المفروض أستلموا ككماليات للعربية علماَ إنها الفئة الثانية إلى سعرها ( 51,500 جنيه ) . وفى النهاية ألف شكر ليك يا أستاذ ( أبو نوره ) على مجهودك الرائع . |
رد: سايبا برايد 2009 / 2010
السلام عليكم
اللي اعرفه ان كل السايبا برايد اللي في مصر موديل 2009 ومانزلش منها 2010 خالص لان اصلا ال 2009 لسة كتير منها ما اتبعش وااله اعلى واعلم |
رد: سايبا برايد 2009 / 2010
والله الواحد محتار جدا بينها وبين اللادا 2107 وحاجة كمان بس متضحكوش عليا السوزوكي الفان 1000 سي سي كاستخدام شخصي
|
رد: سايبا برايد 2009 / 2010
أنا متشكر جدا طبعا لكل إلى ساهموا فى الموضوع وحاولوا الإفادة ( شـــــــــــــــكــــــــ ـــــرا)
أنا حاولت أستفيد بنفسى وأشوف بعينى فنزلت إمبارح يوم 11 /5 /2010 إلى شركة ناشونال موتورز إللى فى شارع الطيران . روحت وشوفت العربية ( سايبا برايد ) وسئلت مدير الشركة عن موديل العربية وطلع إن أجدد موديل هو 2009 حتى الأن لاكن هوة قالى إن فى صفقة 2010 مع سيارات سايبا برايد ولكن هتبقى سيارات هاتش باك وذلك بعد النجاح الكبير إللى حدث فى مبيعات ( سايبا برايد 2009 ) . لاكن لسه منزلتش مصر . وورانى العربية وشوفتها ولاقتها كويسة جدا فعلاَ . وقلبت فيها وشفت فيها كل حاجة وعجبتنى جداَ بالنسبة لسعرها . هية عربية عائلية واسعة من جوه والشنطة واسعة جداَ . " ما شاء الله " . وفيها تكيف وباور وسنترلوك ومصابيح شبورة وزجاج كهربى ( للأمام فقط ) بالإضافة إلى أن موتورها 1300 سى سى بمعدل 92 حصان . وبها خمس سرعات . وأنا بصراحة مش محتاج أكثر من كدة . وسارعت بحجز سيارة لون فيرانى . ولكن حجزتها بالتقسيط على سنتين . ملاحظة : كان مكتوب فى الجرايد الأسبوعية : أن الفائدة ( 3.1 % ) . أكتشفت إن دة للفئة إللى بمبلغ ( 47500 جنية ) إللى من غير كماليات . لكن إللى بكماليات (52500 جنية ) قاللى الفايدة بتاعتها (3.7 % ) . قلت ماشى مش هتفرق كثيير علماَ بإنى كنت ناوى أقسط على ثلاث سنوات . لكن بعد كدة قلت أقسط على سنتين وهتبقى الفايدة ( صفر % ) . هوة فى موضوع التقسيط بيطلب صورة من البطاقة + وصل كهرباء يزيد عن 10 جنية . + دفع مبلغ 1000 جنية تحت الحساب . وبعد كدة أدفع المقدم عندهم فى الشركة والأقساط تدفع فى بنك ( كريدى أجريكول مصر ) فى أقرب فرع ليك . بس أنا كان ليا ملاحظة واحدة شفتها هناك فى شركة ناشونال موتورز : ---- غير العربيات إللى فى المعرض كانوا عرضين من كل نوع سيارة واحدة , إنهم ركنين العربيات كلها بره فى الشمس , والتراب مغطيها وعربيات شكلها فخم قوى زى Kia Cerato و فلوكس فيجان الجديدة وسايبا برايد وسوزوكى ألتو . لاكن كان عليهم تراب كثير . ( إلى بره المعرض مش إلى جوة ) فأنا لاحظت إن لما حد بيطلب شراء نوع من السيارة بيقوللوا هتستلمها كمان كام يوم وبيجيبوا من العربيات إلى مركونة بره إلى عليها تراب كثيير ويلمعوها ويدوها بعد كدة للزبون . يعنى مش بيجيبوها من المخزن ولا حاجة . والعربيات كلها معلهاش اللزق الأبيض إلى بيتلزق على السقف والكبوت عشان يحميها شوية .بإستثناء عربية KIA Cerato كل دة مش مشكلة . المشكلة بقى إللى أنا فكرت فيها إن الأستاذ ( أبو نوره ) قال : إن عربية ( سايبا برايد ) محتاجة متتركنش كثير فى الشارع بدون غطاء يحميها من التراب لأن التراب بيأثر على التكيف بتاع العربية . طب ده عندهم كل العربيات ركنينها وشكلها كدة بقالها فترة طويلة وعليها تراب كثيير . فكنت عايز أستفسر على النقطة دى للأستاذ ( أبو نوره ) بما إنه هوة خبرة أكثر فى الموضوع دة . وكنت عايز أى حد يفهمنى إزاى أعرف إزا كانت العربية إللى هيدوهالى فيها عيب وللا لأ . وأخيراَ أسف على الإطالة ولكن أنا كنت عايز أوضح لكل من يريد شراء سيارة ( سايبا برايد ) بالتفصيل . وللمرة الثانية شكراَ لكل الأعضاء إللى حاولوا إنهم يساعدونى فى الموضوع ( ألــــــــــف شـــــــــــكــــــــــــ ــــر ) |
رد: سايبا برايد 2009 / 2010
الف الف مليون مبروك وربنا يعطيك خيرها ويكفيك شرها
ممكن ابو نورا يوضح لنا ازاي التراب بيبوظ تكييفها يعني انها بتحتاج دايما تكون متغطية مثلا |
| الساعة الآن 05:45 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017