هل تغيير الرفارف فى العربية يعيبها؟
صباح الفل على كل اللى فى المنتدى
انا عايز اسال سؤال يا ترى لو فيه عربية كان فيها برومة و غيرت رفارف هل ده يعيب العربية فى بيعها او فى سواقتها بعد كده ولا احسن تفضل بالبرومة؟ |
رد: هل تغيير الرفارف فى العربية يعيبها؟
لا يعيبها في سواقتها ولا في بيعها عادي دي قطعة صاج و عمرها الافتراضي انتهي حتي لو الرفرف كان اتخبط خبطه وحشه و غيرته عادي مش مشكلة المهم الخبطه متكونش سمعت جوا
|
رد: هل تغيير الرفارف فى العربية يعيبها؟
اقتباس:
بجد انا كنت محتار اوى فى الموضوع ده و شكرا تانى |
رد: هل تغيير الرفارف فى العربية يعيبها؟
انا مع محمود بالعكس لو انت بتبيع عربية فيها برومة حتخسر فيها اما عربية مغيرة رفرف دا شيء عادى هيا البلدى بيعيش فيها رفارف :HAPPY_~211:
|
رد: هل تغيير الرفارف فى العربية يعيبها؟
يا باشا إلا يعيب العربية الحوض والشاسية والقوائم ، أما الرفارف ، يعني وممكن الشطنة ما بتبقاش عيوب جامدة، طبعا لو العربية فبريقة بالكامل يبقى أفضل، بس يا فرحتي فبريقة بالكامل وفيها برومة، لأن طبعا يبقى تغير الرفارف أحسن. وشكرا ليك
|
رد: هل تغيير الرفارف فى العربية يعيبها؟
انا متشكر جدا يا شباب منكم نستفيد و كمان انا بشكر االى عامل المنتدى ده بجد مفيد جدا
|
رد: هل تغيير الرفارف فى العربية يعيبها؟
اهلا بيك فى مصر موتورز يا firejambozy
ومنور يا ا بيزا بااشا الرفارف اذا كانت اللى قدام يمين وشمال متعيبش العربية اطلاقاً لانها بمسامير هتفك وتركب زيها زى فانوس او اوكره بدام ركبت واحد جديد مفيش اى مشكلة ديه كمان ممكن متبانش خالص ولو بانت فعلا مش هتقل من قيمته العربية فى حاجة خالص لكن اولاً الرفر اللى هيجى جديد استيراد مفكوك من عربية تانيه ولا جديد لو جديد افضل طبعاً واقيم وبيجى مرشوش بشكل معالج للصداء وجاهز للرش النهائى فيه ناس بتجيب استيراد بس يكون من نفس لون العربية وياخد وش مع الجنب كله بعد مايتصنفر وده مش وحش برضو لان فى كلا الحاليتن مفيش معجون لكن لو جاى استيراد بلون تانى واخد وش بويه لون فوق لون قيتمه هتبقى اقل خاصة لو مرشوش كويس وكاشف لون من القديم اما لو استيراد وفيه خبطه واتعالج بمعجون واترش فكده اسمه مش فابريكا وبيقلل من قميته العربية وان كان بنسبه قليلة وافضل فعلا من الفابريكا كل الكلام ده بخصوص الرفارف اللى قدام اما لو اللى ورا فمعلش القصه تختلف واسواء من الشنطه كمان ليه ؟ لان الرفارف الورانيه دايما بتكون ملحومة فى القوائم ومعنى انها تتقص وتتغير ان صاج العربية الاساسى اتلعب فيه وجامد وده طبعا بيقلل من قيمة العربية فلو الباورمه فى الرفارف اللى وراء بيتقطع حواليها وتعملها رقعه صاج وتتلحم وتتسنفر وتتدق وتتمعجن وتتدق لحاد ماتبقى زى باقى الصاج وتترش مع الجنب كله افضل من تغيير الرفرف الخلفى http://carazoocars0.files.wordpress....ndai-verna.jpg يعنى نقدر نختصر الحكايه كلها فى الاتى كل ما هو قابل للفك والتركيب بمسامير وصواميل سهل وميعيبش العربية واذا اتغير بجديد او مستعمل بنفس دهان الفابريكا يبقى افضل وده ينطبق على ( كبوت - اكصدام - رفارف اماميه - ابواب جانيه - باب الشنطه - بادى كيت اكصدامات امامية وخلفية والفوانيس كمان) الحاجات اللى بتتغير لقطع ولحام هى الاسواء والاكثر تأثيراً بالسلب على قيمه العربية وده ينطبق على ( صاج الحوض وقوائم الامامى - السقف - القوائم السته - صاج وقوائم حوض الشنطه الخلفيه - الرفارف الخلفيه كما اشرت - العتب السفلى - هيكل السيارة السفلى او الشاسيه - صاج ارضيه السيارة ) |
الساعة الآن 10:02 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017