|
أعمل ايه برجاء المساعدة
أشتريت عربية بيكانتو موديل 2009 كانت عامله بس 9700 كيلو وكنت رايح مشوار من دمياط للقاهرة وجبت واحد سواق بسوق العربية لكن فوجئت بيه يحط ميه عاديه في قربة المياة الخاصة بالرديدياتير وفي الطريق قالي ابقى اشتري ميه خضراء علشان حطيت ميه عاديه
كنت هاجنن لان مستوى المياة كان عادي والعربية لسه جديدة هل أذهب بالسيارة للتوكيل ويغير مياة الريداتير كلها ويحط مياة خضرا ولا عادي وابقى أحط مياة خضراء وأمتى أبص على المياة اللي في قربة المياة برجاء المساعدة للأهمية وربنا مايحرمني من علمكم |
رد: أعمل ايه برجاء المساعدة
بص يا استاذ امير اولا الف مبروك علي العربية وربنا يديك خيرها ويكفيك شرها وثانيا ملهاش لازمه تروح مركز الصيانه علشان يحطولك مايه خضرا روح اي بنزينة موبيل مشهورة وفي مكان كويس واشتري منهم مياه خضرا اسمها تقريبا مياه سعودي ديه معموله اساسا علشان درجة الحرارة في السعودية بتكون عالية ودرجة تبريد المياه ديه بتكون افضل المهم حاول تودي العربية عند حد بتاع ريداتير يفضيلك الميه من الريداتير والقربه ويحط الميه الخضر وحاول تبص عليها كدا كل يومين شوف مستوي الميه زي ما هوه ولا نقص لو نقص جامد لازم تروح التوكيل يشكفوا علي الريداتير ليكون بيسرب ولا حاجه وقبل ما تروح التوكيل غير الغطاء بتاع الريداتير وشوف كدا الدنيا بتقول ايه معاك لو غيرت الغطاء ولسه في تسريب يبقي مفيبش اوادمك غير انك تروح مركز الصيانه يشوفوا فيه ايه
|
رد: أعمل ايه برجاء المساعدة
ربنا يستر ويكفينا شر الغباء
|
رد: أعمل ايه برجاء المساعدة
اولا الف مبروك ع العربية
ثانيا الموقف دة لسة حاصل معايا بالضبط من شهر تقريبا او اكتر شوية مش فاكر الصراحة العربية اللانسر الشارك بن عمتى اخدها مشوار لية فالمهم بالصدفة بيفتح غطاء المحرك بيطمن ع الليلة ماشية ازاى فشاف القربة بتاعة المياة لاقاها ربعها فاضى تقريبا وهى مكنتش فاضية ولا حاجة دة هو الماكس بتاعها كدة وزى ما حضراتكم عارفين طبعا العربيات الجديدة لازم بيكون فى نسبة هوا فى القربة المهم هو الراجل كتر خيرة تكرم ومرضاش يذودها مياة عادية وراح مذودها مياة من عربيتة الاوبل 97 مياة الخضراء دى وشكرا على كدة فى الاسبوع التانى كان معادى مع التوكيل علشان صيانة ال 10000 كيلو روحت هناك ولما فتحو غطاء المحرك وبيشوفو القربة قالة دى مليانة ع الاخر كدة غلط وتسخن العربية والحكاية المهم بيفتح الغطاء بتاع القربة علشان يفضى منة شوية وكانت المفجأة انة عرف على طول ان العربية اتحطلها مياة خضراء الى هى السعودى دى وطبعا الراجل جرى وحلو الرياتير بسرعة لحد ما حسسنى ان فى قمبلة هتنفجر دلوقتى بس لما فضو المياة عرفت السبب وهو ان المياة الى انضافت للعربية فضلت زى ما هى وما اخطلتش بيها تخيلو قالى بقى المياة دى حامية جدا ع العربيات الجديدة لان الردياتير بتاعها الامونيوم فمش بيستحملها وقالى العربيات مش تستخدملها غير مياة موبيل وفعلا جاب جيركن هو غالى شوية بس بأمانة الغالى تمنة فية وهو الى موصوف للعربية فانت نصيحة اوى حاجة لازم يبقى معاك جيركن موبيل دايما فى العربية احتياطى غير كدة هتاخد العربية تفضى الردياتير وتملية مياة الى هى بتاعة موبيل دى وفى منها تلت الوان اخضر وازرق واحمر معرفش بصراحة دول اية فى الانسر كانت نازلة بالاخضر واللاسيتى نازلة بالاحمر وتوكل ع الله ومتخليش حد غريب بعد يمد ايدة فى العربية |
رد: أعمل ايه برجاء المساعدة
اولا الف مبروك على العربية الجديدة ونصيحة منى اوعى تخلى حد يركب عربيتك تانى وبخصوص موضوع الميه ممكن تحط مية تكون مفلترة يعنى لو عندك فلتر فى البيت خد منه مية مفلترة وحط لعربيتك تانى حاجة لازم كل يوم تبص على المية والزيت اول متيجى تطلع بالعربية اول طلعة ودا ضرورى انا عارف انو محدش بيهتم كتير لحد انو يبص على المية والزيت كل يوم بس انا بعمل كدة
|
رد: أعمل ايه برجاء المساعدة
اقتباس:
واحد صاحبى مرة مراته اتصلت بيه و قالت له انها طلبت من البواب انه يزود لها مية علشان هى مبتعرفش و بعديها العربية مرضيتش تدور فلما روح اكتشف ان البواب زود مية من غطاء الزيت :HAPPY_~211: |
رد: أعمل ايه برجاء المساعدة
اقتباس:
ptmnlo123per144ptmnlo123p er144ptmnlo123per144ptmnl o123per144ptmnlo123per144 ptmnlo123per144 |
| الساعة الآن 02:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017