|
العربية اتجرحت ... حسبي الله ونعم الوكيل
العربية بتاعتي اتجرحت يا جدعان (النيو أكسنت سبور) ... مرة الإكصدام من تحت بسبب ركنة في الرصيف (غلطة البني آدم البواب الي حافظ تعااالى تعاااالى تعالى وغلطتي إن أنا سمعت كلامه بس كنت مستعجل وقتها) ومرة تانية طوبة كبيرة في الأرض في وسط طريق سريع وكان مداري عليها عربية نقل ماتشافتش إلا في وشي وأنا دايس عليها وجرحت الاكصدام بردو ومرة تالتة واحد بهيم من البهايم الي ملوا البلد الي بيركبوا موتوسيكلات ومرة رابعة من بقرة كان راكن قدام العربية وهو بيرجع عشان يطلع حك في النمرة وتحت الشبكة ولا كأنه عمل حاجة وجري ... والي يغيظ أكتر إن كل ده في ظرف يومين تلاتة، وشكل العربية مباظش صحيح من الخرابيش والتجريح ده، بس ضاع شكل الزيرو والعربية ماكملتش الشهر التاني ليها ... وحسبي الله ونعم الوكييييييييل في دي طرق وبلد زبالة بجد ... يعني الواحد يعمل إيه، صاحب العربية سواق كويس وبمشي براحتي وبدون تهور وبروقان -مش تنشنة- ، وسرعة ماعديتش 90 لسة عشان التليين، والحمد لله عربية زي الفل، أعمل إيه تاني يا ربي مش عارف ؟!!!! ptmnlo123per111 أنا مش عارف كتبت الموضوع ده ليه ، بس بجد مخنووووووق وقلت زي ما شاركتوني فرحتي بالعربية تشاركوني خنقتي :0155C7~128: ... |
رد: العربية اتجرحت ... حسبي الله ونعم الوكيل
بص يا اخى
انا جبت العربية الاولى فى 2001 وكانت اكسنت وكنت كل ما اخد مطب انزل تحت العربية وابص عليها وجايب بلادوس ( كشاف من الولاعة ) علشان لو المطب بالليل مستناش للصبح علشان مش هيجينى نوم وكمان قبل ما ادو العربية اطوف حولها علشان اطمن مفيهاش خرابيش ولو ظهر اى حاجة اعالجها فورا ً -وكان اخى بالمقابل ومعاة عربية زيرو برضو افتكر انة مرة فى اسيوط اتفتحت بالوعة مجارى ونزلت فيها الفردة الامامية فداس بنزين لغاية وماطلعت العربية وكمل ومفكرش ينزل يبص عليها حتى ومرة اخرى كنا عالطريق السريع وكان ماشى بسرعة كبيرة وشاف حجر من البوكات البيضاء وعدى علية فالمنتصف وسمعنا كركبة شديدة وبعدها مطب جامد ومفكرش حتى يشوف فية اية وقلى تلاقى الدلاية بتاعة الكاوتش (مصد الطين الاسود ) اتكسرت وكملنا -تخيل انة بيدخل العربية جوة البيت وفية سور من الشجر بباب الجراج وكل ما يعدى الشجر فروعة كبرت وبيحك فالبابين يمين وشمال لدرجة انة جرح لة العربية وشوة منظرها ولما الموضوع استفزنى انا قمت بقص تلك الفروع الخلاصة :- - انا فالبداية مكنتش صح وكنت موسوس زيادة عن الازم - اخى مهمل لدرجة مش المفروض حد يوصلها -المفروض يكون فى حالة وسط يعنى العربية هتجرح هتجرح مفيش مفر منة صحيح حصلت بسرعة عندك شوية ولكن قدر الله وما شاء فعل والحمد للة على كل حال المهم ان الموضوع دة لا يفسد عليك متعة الاستمتاع بسيارتك الجديدة وربنا يبارك لك فيها ان شاء الله ودة على فكرة اللى انا بعملة مع عربيتى الجديدة لانسر 2010 يعنى ممكن اتأثر شوية لما الاقى فيها خرابيش ولكن اصبحت اهدأ كثيرا ً فى رد فعلى وتقبل تحياتى |
رد: العربية اتجرحت ... حسبي الله ونعم الوكيل
قدر الله و ما شاء فعل معلش اهي كدة اخدت العين فداك يا باشا انا رأئي اللي عايز يجيب عربية جديدة في مصر دلوقت يزود علي مصاريفها مصاريف ركن في جراج محترم
|
رد: العربية اتجرحت ... حسبي الله ونعم الوكيل
الحمد لله على كل شئ
والحمد لله انها بتيجي فى حاجات خفيفة يا باشا وربنا يباركلك فيها يارب |
رد: العربية اتجرحت ... حسبي الله ونعم الوكيل
عادي يا زعيم
ما هو ضريبة امتلاك عربية في مصر و نصيحة سيبها زي ما هي كده احسن لانك كل ما هتعملها هترجع تاني |
رد: العربية اتجرحت ... حسبي الله ونعم الوكيل
اتحداك تلاقي عربية في مصر ما تحكتش لسه ,,,,حكه لكل مواطن
|
رد: العربية اتجرحت ... حسبي الله ونعم الوكيل
اقتباس:
اسمها حكة من كل مواطن |
| الساعة الآن 08:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017