|
مابل سباير Maple aspire
السلام عليكم بما انى كنت حشترى العربية دى فجمعت بعض معلومات عنها وحبيت انى اضعها بين ايديكم مابل سباير http://img693.imageshack.us/img693/3...pleaspire2.jpg سعر السيارة : 55900 المواصفات: سعة المحرك: 1500 قوة المحرك :93 حصان ناقل الحركة : يدوي نوع المحرك : 4 سلندر , 16 صمام DOHC السرعة القصوى : 160 كم/ساعة العزم الأقصى :128 نيوتن متر الشكل الخارجي: سيدان التسارع من 0الى 100 : 14 ث متوسط استهلاك الوقود :6.5 لتر/كم الاطارات : 14 صندوق التروس : 5 سرعات سعة خزان الوقود: 51 لتر نظام الفرامل : ABS+EBD الكماليات :
دهبى , نبيتى , ازرق , اسود , احمر, ابيض , فضى السيارة ضمان 3 سنوات وعدد كيلومترات غير محدد بالنسبة لقطع الغيار موتور السيارة متوافق مع تويوتا القديمة والعفشة مع ستروين ده طبعا بالآضافة الى وكيلها وضمانها ابو غالى |
رد: مابل سباير Maple aspire
تسلم ايدك على المشاركة القيمة ديه والبدايه القوية ديه :) العربية ديه بتسأل عليها كتير باعتبارى كنت حاضر الاطلاق بتاعها فى حفلة ابوغالى او لانى عملت عنها موضوع فى الاول مش عارف !! بس بجد العربية ديه انا شخصياً مش قادر اكون عنها رأى حقيقى خالص عفشة من حته وموتور من حته ومتصنع فى حته والبودى من حته تالتة والعربية مش منتشره ولا باينلها انتشار فهى مازلت مغامرة وبالنسبة للى بيشترى عربية واحدة للاسره كلها او بيشترى العربية بالقسط مش صح انه يحط فلوسه فى مغامرة زى كده
تسلم ايدك مره تانية وفى انتظار المزيد :) |
رد: مابل سباير Maple aspire
شكرا AboNoRa على ردك الكريم وعندك حق هيا فعلا مغامرة انا كنت فعلا ناويت اشترى العربية دى تقسيط بس تراجعت فى أخر لحظة لاءنى خوفت اكون برمى فلوسى ptmnlo123per184
|
رد: مابل سباير Maple aspire
عاوزين صور داخلية و خارجية للسيارة
|
رد: مابل سباير Maple aspire
فينك يا أبو نورا
أيه رايك في مواصفات السيارة الفنية و الوكيل |
رد: مابل سباير Maple aspire
زرت أبوغالي أسيوط و تقابلت مع الاستاذ أشرف عبد الجليل مدير مبيعات مابل أبو غالي راجل محترم و أمين جدا
و تعرفت منه علي السيارة أسباير فوجدتها بعد معاينتي الشخصية تحفة غير متكررة فهي عالية عن الارض اكثر من الالنترا و هيكلها في صلابة و متانة بيجو 504 القديمة شاسيه فولاذ مع دعامات فولاذية في كل حته، أيه ده مع شنطة خلفية 520 لتر و تكنولوجيا داخلية متطورة و شكل خارجي فارهةللغاية و موتور و عفشة و وانا نفسي أوجه خطاب شكر للمهندس مصطفي أبو غالي علي الهدية القيمة لكل المصريين الي الامام ، نفسي يخلي اسعار قطع الغيار الأصلية زي الفيرنا و الدايو و الشاهين العربية دي هتمسح السوق من فضلك يا بشمهندس مصطفي أبو غالي نوصيك باسعار قطع الغيار و توفرها في كل مكان في مصر و عند كل بتوع قطع الغيار السيارة ممتازة منحبش يكون الموضوع ده عائق لإنتشارها و ربنا المستعان وائل نشأت ديروط |
رد: مابل سباير Maple aspire
ممكن حد يجيب لنا كل أسعار قطع غيار مابل أسباير
|
| الساعة الآن 06:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017